Alhukumoo 26:15 - Songhai de Gao Bible

¹⁵ Abadantaa, ni kaŋ goo ni nongoo henanantaa ra kaŋ ti beenaa, fuuni ganda ka guna ka dii, ma albarka daŋ ni jamaa Izirayel ra, nda gandaa kaŋ nʼnʼa noo ir se ra sanda takaa nda nʼnʼa žee ir baabey se, gandaa kaŋ ra yuu nda waa ga tee hari.›»

Alhukumoo 26:15 ပူးပေါင်းရင်းမြစ်များ

Kokoyey 1na 8:27

Amma nda cimi, Irkoy ga kaa ka goro laboo ga wala? Beenawey nda ngi beeriyanoo kul si hin ka ni zaa, soko hugoo woo kaŋ ay nʼa cin.

Kokoyey 1na 8:43

ma haŋajer a se beenaa ra kaŋ ti ni gorodogoo. Haya kul kaŋ nda a na ni ŋaaray, mʼa tee a se hala laboo kul jamawey ma ni maaɲoo bay, ka hunbur ni sanda takaa kaŋ nda ni jamaa Izirayel ga hunbur ni, i ma bay mo kaŋ hugoo woo kaŋ ay nʼa cin, ni maaɲoo no ma ciyandi a ga.

Taarikey 2to 30:27

Sargari juwalkey kaŋ ti Lewi boro tun ka gaara jamaa se. Ngi gaararoo taandi. Ngi ŋaarayroo too hala Irkoy gorodoo henanantaa ra kaŋ ti beenaa.

Zaburey 28:9

Ni jamaa hallasi, ma albarka daŋ borey ra kaŋ ti ni wane! Mʼi kur kʼi faaba hala abada!

Zaburey 51:18

Zama manʼti sargari no ma kan ma ne, nda manʼti nga, ay gʼa kaa ma ne, nʼsi yadda sargari kukurante ga.

Zaburey 68:5

Wa don Irkoy se, wa zaburyaŋ tee nga maaɲoo se! Wa fondaa feeri boraa se kaŋ ga kaaru duulawey ga! Nga maaɲoo manʼti kala Abadantaa, wa yafarhã a jine.

Zaburey 80:14

Ganji nbirŋaa gʼa hasara, ganjihoogawey gʼa tee ngi kurdogoo.

Zaburey 80:15

Aduɲɲakoyoo, ay gʼa wiri ni ga, ma willi kate! Ni kaŋ goo beenaa ra, fuuni ka dii, huga nda alanebɲaŋoo woo!

Zaburey 90:17

Yala ir Koyoo Irkoy albarkaa ma bara ir ga! Mʼir kabe goyey tabatandi ir se! Nhuu, ir kabe goyey tabatandi!

Matiyu 6:9

War, takaa ne kaŋ nda war ma Irkoy ŋaaray: ‹Ir Baabaa Irkoy kaŋ goo beenaa ra, yala ni maaɲoo ma zandi sanda henanante,

Teegoyey 7:49

‹Beenaa ti ay kokoy gorodogoo, laboo ti ay cee-jisidogoo.› Ir Koyoo nee: ‹Hugu dumi foo no war cina ya ne, wala hunanzamdoo foo no war gʼa tee ya ne?

Alhukumoo 1:8

Guna, ay na gandaa daŋ war jine, wa huru, gandaa ma tee war wane kaŋ Abadantaa nʼa žee war baabey Ibirahima, nda Isiyaka, nda Yakuba se kaŋ nga gʼa noo ngi nda ngi hayroo kaŋ ga kaa dumawey ga se.›»

Alhukumoo 26:14

Ya na haya kul ŋaa a ra waatoo kaŋ ay goo buuyan goray ra, ya na haya kul kaa a ra waatoo kaŋ ay si henan, ya na haya kul kaa a ra bukaw se. Ay na haŋajer Abadantaa, ay Koyoo se, ay goy nda takaa hunday kaŋ nda nʼnʼay yaamar.

Alhukumoo 26:7

Ir kaati ka Abadantaa, ir baabey Koyoo cee. Abadantaa na haŋajer ir se, a dii ir kankamroo, nda ir zaraboo, nda ir šiitaroo.

Alhukumoo 26:9

Nga no ka kate ir ne ra, a nʼir noo gandaa woo, ganda kaŋ ra waa nda yuu ga tee hari.

Alhukumoo 6:3

Adiši ma haŋajer, Izirayel, ma hawgay kʼi ka dira, hala ma duu gomni, de war ma gooru ganda ra kaŋ ra waa nda yuu ga tee hari, sanda takaa kaŋ nda Abadantaa, ni baabey Koyoo nʼa har ma ne.