Alhukumoo 2:33 - Songhai de Gao Bible

³³ Abadantaa, ir Koyoo nʼa noo ir se, ir na nga, nda izʼarey, nda nga jamaa kul kar.

Alhukumoo 2:33 ပူးပေါင်းရင်းမြစ်များ

Šintinoo 14:20

Albarka ma bara Irkoy Jerantaa se kaŋ na ni torrokey kaŋandi ni kaboo ra!» Ibirim na nga hayey azakkaa noo a se.

Zaburey 136:19

A na Amor borey kokoyoo Sihoŋ wii, zama nga borohennataraa si ben abada.

Fattaroo 23:31

Ay ga ni laboo kanjey kayandi Kakaarey teekoo ga ka koy Filisti borey teekoo nda saajoo ka koy Efrat isaa ga. Zama ay ga gandaa borey daŋ ni kaboo ra, de nʼgʼi gaaray ni jine.

Kabuyaney 21:24

Izirayel nʼa kar kʼa wii nda takuba ka ngi gandaa taa, kʼa dii za Arnoŋ isaa hala Yabok isaa ka koy Amoŋ borey gandaa hirroo ga, zama Amoŋ borey gandaa hirroo nka cinandi nda cete.

Alhukumoo 2:32

Sihoŋ nda nga jamaa kul fatta kʼir kubay kʼir wongu Yahas.

Alhukumoo 20:16

Amma dumey wey koyrawey kaŋ Abadantaa, ni Koyoo gʼi noo ma ne sanda tubu, masi hundi naŋ ba haya foo ra kaŋ ga hunsar.

Alhukumoo 29:6

Waatoo kaŋ war too nongoo woo ra, Sihoŋ, Hešboŋ kokoyoo nda Og, Bašaŋ kokoyoo fatta kʼir kubay wongu se, ir hin ey.

Alhukumoo 7:2

waati kaŋ Abadantaa, ni Koyoo nʼi daŋ ni kaboo ra, nʼgʼi kar, nʼga hima kʼi halaci sõy, amaana masi huru ni nda ey game, masi alhormo tee i se.

Žozuwe 21:44

Abadantaa nʼi noo alaafiya nongoo kul here, sanda takaa kaŋ nda a žee ngi baabey se, ngi iberi kul ba affoo si hin ka kay i jine, Abadantaa na ngi iberey kul daŋ kabey ra.

Alkaaley 1:4

Žuda žigi, Abadantaa na Kanaŋ borey nda Ferezi borey daŋ kabe ra, i na aru zenber woy (10.000) kar i ra Bezek.

Alkaaley 7:2

Abadantaa nee Žedewoŋ se: «Jamaa kaŋ goo ni bande ga hanse ka boobo ka Majaŋ borey daŋ ni kaboo ra se. Izirayel masi koy fooma ay ga ka nee: ‹Ay gaabi kaaraa kʼay hallasi.›»