Alhukumoo 19:14 - Songhai de Gao Bible

¹⁴ «Ni tuboo laboo kaŋ nʼga duu a gandaa ra kaŋ Abadantaa, ni Koyoo gʼa noo ma ne mʼa mayray, masi ni cinaa laboo hirrey kaŋ boro jina-jinawey nʼi daŋ kaa dogey ra.»

Alhukumoo 19:14 ပူးပေါင်းရင်းမြစ်များ

Ayuba 24:2

Boroyaŋ ga ngi faarey kanjey silbawey hibi kʼi tonton, i ga alman kur zay kʼi kur ngi boŋ se.

Fattaroo 21:13

Amma nda a mana muray kʼa wii, Irkoy alwaadoo no, ay ga nongu cebe ma ne kaŋ ra a ma zuru ka koy tugu.

Yaasawey 15:25

Abadantaa ga hundi beerey hugey kayri, a ga woyoo kaŋ kurɲoo buu nongoo hawgay.

Yaasawey 22:28

Farru kanje jina-jinawey kaŋ ni baabey nʼi daŋ, masʼi kaa dogey ra.

Yaasawey 23:10

Masi farru kanje jina-jinawey kaa dogey ra, masi ceeci ka alyatim faari taa a kone,

Alhukumoo 27:17

Boraa laali kaŋ ga nga cinaa laboo hirrey kaa dogey ra. Jamaa kul ga nee: ‹Amin.›

Alhukumoo 3:18

Waatoo din ra, ay na war yaamar ka nee: ‹Abadantaa, war Koyoo na gandaa woo daŋ war kabey ra hala a mʼa tee war wane. War kul, wongaarey, war ma wongu jinawey zaa ka bisa war armey jine kaŋ ti Izirayel borey.

Alhukumoo 4:41

Waatoo din, Musa na koyra hinza daŋ jere ga Žurdeŋ isaa se banda, waynahunay kaboo here,