Alhukumoo 19:11 - Songhai de Gao Bible

¹¹ Amma nda boro ga konna nga cinaa, nda a na kumsay hirri a se, de a gaaru a se kʼa kar buuyan karyan, affaa buu, nda a zuru ka koy koyrawey wey affoo ra,

Alhukumoo 19:11 ပူးပေါင်းရင်းမြစ်များ

Šintinoo 9:5

Amma mo, war kuroo kaŋ ti war hunaroo, boro kul kaŋ a nʼa mun, ay gʼa hãa nda a. A ma tee adabba wala adamize. Adamize foo kul ay gʼa hãa nda nga cinaa hundoo.

Šintinoo 9:6

Boro kaŋ na adamize kuroo mun, Adamize no ma kaa ka nga mo kuroo mun, zama Irkoy nka boro taka hala a ma hima nda nga.

Yaasawey 28:17

Boro kaŋ ga kuri alhaku goo ga zuru hala saaraa guusoo ra, i masʼa dii.

Kabuyaney 35:24

jamaa ga ciiti boraa kaŋ kara nda bukaa faasakaa game ka sawa nda hantumey kaŋ kayandi wey.

Alhukumoo 19:12

koyraa boro beerey ma boro sanba kʼa dii, i gʼa noo bukaa faasakaa se hala a ma duu ka buu.

Alhukumoo 27:24

Boraa laali kaŋ ga nga cinaa kar kʼa wii tuguyan ra. Jamaa kul ga nee: ‹Amin.›

Yehiya bataga 1na 3:15

Boro kul kaŋ konna nga armaa manʼti kala borowiikaw. War ga bay kaŋ hunayan abadantaa si goro borowiikaw ra.