Alhukumoo 13:8 - Songhai de Gao Bible

⁸ jamawey kaŋ ga war kuubi ka war bere koyey ra, a ma tee wey kaŋ ga man ni wala wey kaŋ ga mooru ni, ka koy laboo boŋ foo ga ka koy boŋ faa ga,

Alhukumoo 13:8 ပူးပေါင်းရင်းမြစ်များ

Fattaroo 20:3

Masi koy tana gana ay banda ga.

Yaasawey 1:10

Ay izʼaroo, nda zunubanteyaŋ ga baa ngi ma ni fafagay, masi yadda!

Alhukumoo 13:7

Nda ni armaa, ni ɲaa-izoo, wala ni izʼaroo, wala ni ize woyoo, wala woyoo kaŋ ga kani ni gandoo ra, wala ni ceroo kaŋ nʼga bagʼa sanda ni, ga ni derandi tuguyan ra ka nee: ‹Ir ma koy goy koy tanayaŋ se›, koyyaŋ kaŋ nʼsʼi bay, ni baabey manʼi bay,

Alhukumoo 19:13

Masi hinna a se, boraa wii kʼa kaa Izirayel ra kaŋ na boraa wii kaŋ mana haya kul tee hala ma duu gomni.»

Alhukumoo 28:64

Abadantaa ga ni say dumey kul ra, laboo boŋ foo ga ka koy boŋ faa ga. No din ra nʼga koy tanayaŋ kaŋ ti bundu nda tondi gana kaŋ ni, nʼsʼi bay, ni baabey sʼi bay.

Alhukumoo 32:17

I ga sargari kaa ganjey se kaŋyaŋ manʼti Irkoy, koyyaŋ kaŋ i sʼi bay, itaagayaŋ kaŋ kaa a mana gay, kaŋyaŋ war baabey manʼi gana.

Alhukumoo 7:16

Nʼga dumey kul gon kaŋ Abadantaa, ni Koyoo gʼi noo ma ne. Masi hinna i se, masi ngi koyey gana, kumsay no ma ne.»

Alhukumoo 7:2

waati kaŋ Abadantaa, ni Koyoo nʼi daŋ ni kaboo ra, nʼgʼi kar, nʼga hima kʼi halaci sõy, amaana masi huru ni nda ey game, masi alhormo tee i se.

Yehiya bataga 1na 5:21

Ay zankey, wa war boŋ hawgay toorey ga.

Alkaaley 10:6

Izirayel borey yee ka goy futu tee Abadantaa jine. I na toorey kaŋ se i ga nee Bal nda Astarte gana kaŋyaŋ ti Siiri gandaa koyey, nda Sidoŋ koyey, nda Mowab koyey, nda Amoŋ borey koyey, nda Filisti borey koyey. I na Abadantaa naŋ, i mana yee kʼa gana.