Alhukumoo 12:16 - Songhai de Gao Bible

¹⁶ Hayaa hinne kaŋ no, war masi kuri ŋaa, mʼa mun laboo ra sanda hari.

Alhukumoo 12:16 ပူးပေါင်းရင်းမြစ်များ

Šintinoo 9:4

Amma war masi ham ŋaa kaŋ ra hundi goo, maanaa hamoo nda nga kuroo.

Sargarey 19:26

War masi haya kul ŋaa nda nga kuroo. War masi kotte, war masi gunandi.

Sargarey 3:17

Hantum kaŋ si tun ne war alwaddawey se, nongu kul kaŋ ra war goro: war masi maani kul ŋaa, war masi kuri kul ŋaa.›»

Teegoyey 15:20

Amma a ma hantumandi i se kaŋ i ma ngi boŋ dii toorey žiiboo, nda woy nda aru izefututaraa, nda haya kaŋ kootandi ka buu, nda kuri ŋaayan ga.

Teegoyey 15:29

ka war boŋ dii hayey ga kaŋ sargandi toorey maaɲey ga, nda kuri, nda haya kaŋ kootandi ka buu ŋaayan ga, nda woy nda aru izefututaray ga. Nda war ga war boŋ dii hayey wey ga, war na haya henna tee. Waatoo ma boori!»

Alhukumoo 15:22

Mʼa ŋaa ni koyrawey ra, boro kaŋ si henan nda boro kaŋ ga henan ga hin kʼa ŋaa ni mma nee ŋaayan de sanda takaa kaŋ nda boro ga jeeri wala hira ŋaa.

Alhukumoo 15:23

Hayaa hinne kaŋ no, masi kuroo ŋaa, mʼa mun laboo ra sanda hari.»

Timote bataga 1na 4:4

Haya kul kaŋ Irkoy nʼa taka ga boori, haya kul sii no kaŋ boro ga hima ka wanji a, a ma ŋandi de nda albarka daŋyan,

Samiyel 1na 14:32

i sar ka gum ganiimaa ga. I na alman buunaa, nda hawey, nda haw-izey zaa kʼi koosu laboo ga, jamaa nʼi ŋaa nda kuroo.

Samiyel 1na 14:33

I nʼa har Sawul se ka nee: «Guna, jamaa na zunubu tee Abadantaa ga ka hamoo ŋaa nda kuroo.» Sawul nee: «War tooɲe, wa tondi beeri gunguray kʼa ka kaa sohõ da ay do.»