Alhukumoo 12:10 - Songhai de Gao Bible

¹⁰ Waati kaŋ war na Žurdeŋ isaa deŋ, war goro gandaa ra kaŋ Abadantaa, war Koyoo gʼa noo war se a ma tee war tuboo, ka war noo hunanzamay ka war kaa war iberey kaŋ ga war kuubi ka war bere kabey ra, war ga goro nda baani.

Alhukumoo 12:10 ပူးပေါင်းရင်းမြစ်များ

Kokoyey 1na 8:56

«Albarka ma bara Abadantaa se kaŋ na nga jamaa Izirayel noo hunanzamay sanda takaa kaŋ nda a nʼa har! Šenni henney kul kaŋ a nʼi har nda nga tamoo Musa, haya kul mana cindi i ra kaŋ mana tee.

Taarikey 1na 22:18

A nee i se: «War kay, Abadantaa, war Koyoo nka sii war bande? A mana war noo hunanzamay nongoo kul here wala? Zama a na gandaa woo boroyaŋ daŋ ay kaboo ra, gandaa woo sii kala Abadantaa nda nga jamaa hinoo cire.

Zaburey 4:8

Nʼna ɲaali daŋ ay binoo ra ka bisa waatoo kaŋ i goo ngi alkama boobaa nda ngi alaneb hari boobaa game.

Fattaroo 33:14

Abadantaa nee: «Agay hunday no ma koy ni bande, ay ga ni noo hunanzamay.»

Yaasawey 1:33

Amma boro kaŋ ga haŋajer ya ne ga goro alaafiya ra, a ga goro lakkalkanay ra, a si hunbur bone.»

Alhukumoo 11:31

War ga koy Žurdeŋ isaa deŋ ka huru gandaa ra kaŋ Abadantaa, war Koyoo gʼa noo war se kʼa mayray. War gʼa mayray, war ga goro a ra.

Alhukumoo 3:27

Žigi Pisiga tondi hondoo ga, ni moɲey jer dangay here, nda hawsa here, nda gurma here, nda dandi here, guna nda ni moɲey, zama nʼsi bisa Žurdeŋ isaa woo ga.

Alhukumoo 33:12

Benžameŋ ga, a nee: «Abadantaa baakaa no, a ga goro jeroo ga nda baani, zaaroo kul Abadantaa gʼa hawgay, Abadantaa jesey ra a ga goro.»

Alhukumoo 33:28

Izirayel ga goro nda lakkalkanay. Yakuba hariɲaŋoo sii kala jere ga alkama nda alaneb hari ganda ra, nga beenaa ga harandaŋ zumandi.

Alhukumoo 4:22

Zama agay, ay ga buu gandaa woo ra, ay si Žurdeŋ isaa deŋ, amma war, war gʼa deŋ, de war ga ganda hennaa woo mayray.

Alhukumoo 9:1

«Haŋajer Izirayel! Hõ nʼga Žurdeŋ isaa deŋ ka huru gandaa ra ka koy dumiyaŋ mayray kaŋ beeri nda ni, i gaabi nda ni, koyra beeriyaŋ kaŋ ceteyaŋ gʼi kuubi kaŋ too hala beenaa ra,

Žozuwe 11:23

Žozuwe na Izirayel gandaa zamna Izirayel borey game kʼa tee ngi tuboo, alkabiila foo kul nda nga bagaa. Woo banda ga, gandaa alaafiya, wongoo kay.

Žozuwe 14:1

Tuboo ne kaŋ Izirayel borey duu a Kanaŋ gandaa ra, tuboo kaŋ sargari juwalkaa Eleyazar nda Žozuwe, Nun izʼaroo, nda alkabiilawey hugu boŋey nʼi zamna Izirayel borey game.

Žozuwe 3:17

Sargari juwalkey kaŋ na amaanaa sundukoo zaa kay tak ngi dogey ra labu kogaa ga, Žurdeŋ isaa gamoo ra. Izirayel kul ga bisa labu kogaa ga hala waatoo kaŋ gandaa kul na Žurdeŋ isaa deŋ ka bisa.

Žozuwe 4:12

Rubeŋ izʼarey, nda Gad izʼarey, nda Manase alkabiila jeraa deŋ wongu-ize ka koy wongu-ize Izirayel borey jine sanda takaa kaŋ nda Musa nʼa har i se.

Samiyel 1na 7:12

Samiyel na tondi zaa kʼa jisi Mispa nda Šen gamoo ra, a na tondoo maaɲoo daŋ Eben-Ezer (maanaa «faabayan tondoo»). A nee: «Ka kaa ka too hala ne Abadantaa kʼir faaba.»