Alhukumoo 10:14 - Songhai de Gao Bible

¹⁴ Nga ne, Abadantaa, ni Koyoo wane nda beenawey nda ngi beeriyanoo kul, nda gandaa nda haya kul kaŋ goo a ra.

Alhukumoo 10:14 ပူးပေါင်းရင်းမြစ်များ

Šintinoo 14:19

A gaara Ibirim se ka nee: «Irkoy Jerantaa kaŋ wane beenaa nda laboo ma albarka daŋ Ibirim ra!

Šintinoo 14:22

Amma Ibirim na Sodom kokoyoo zaabi ka nee: «Ay gʼay kaboo jer ka žee nda Abadantaa kaŋ ti Irkoy Jerantaa kaŋ na beenaa nda laboo taka,

Kokoyey 1na 8:27

Amma nda cimi, Irkoy ga kaa ka goro laboo ga wala? Beenawey nda ngi beeriyanoo kul si hin ka ni zaa, soko hugoo woo kaŋ ay nʼa cin.

Taarikey 2to 6:18

Amma nda cimi, Irkoy ga kaa ka goro laboo ga adamizey bande wala? Beenawey nda ngi beeriyanoo kul si hin ka ni zaa, soko hugoo woo kaŋ ay nʼa cin.

Nehemi 9:6

Ni hinne ti Abadantaa. Ni ka beenaa tee, ka beenaa beenaa nda nga hayey kul kaŋ goo a ra, nda laboo nda haya kul kaŋ goo a boŋ, teekowey nda haya kul kaŋ goo i ra tee. Ni no ka hundi daŋ wey kul ra, haya kul kaŋ goo beenaa ra ga sujudu ma ne.

Ayuba 41:11

Nuune deeneyaŋ no ma fatta miɲoo ra, nuuneyaŋ no ma fatta a ra.

Zaburey 115:16

Beenaa manʼti kala Abadantaa beenaa, amma a na laboo noo adamizey se.

Zaburey 148:4

Beenawey nda ngi beeriyanoo kul, wʼa saabu! Harey kaŋ goo beenaa se beene, wʼa saabu!

Zaburey 24:1

Woo ti Dawda zabur foo. Laboo nda haya kul kaŋ goo a boŋ manʼti kala Abadantaa wane, nga wane nda aduɲɲa nda boro kul kaŋ ga goro a ra.

Zaburey 50:12

Nda a gar ya mma heray, ay sʼa har ma ne, zama aduɲɲa ti agay wane, nga nda haya kul kaŋ goo a ra.

Zaburey 68:33

Laboo kokoy laamawey, wa don Irkoy se, wa ir Koyoo saabu nda zaburyaŋ. Kay-kayna

Fattaroo 19:5

Sohõ, nda war haŋajer ay šennoo se ka boori, war na agay amaanaa dii, war ga tee agay hunday bagaa jamawey kul ra, zama agay wane nda laboo kul.

Fattaroo 9:29

Musa nee a se: «Waati kaŋ ay fatta koyraa ra, ay gʼay kabey jer Abadantaa here, jiŋjiŋyaney ga ben, garey si yee ka kaŋ hala ma bay kaŋ laboo manʼti kala Abadantaa wane.

Teegoyey 17:24

Koyoo kaŋ na aduɲɲa nda haya kul kaŋ goo a ra tee, nga kaŋ ti beenaa nda laboo Koyoo, a si goro huguyaŋ ra kaŋ kabe nʼi tee.

Korent borey bataga 1na 10:26

zama «laboo nda haya kul kaŋ goo a boŋ manʼti kala ir Koyoo wane».

Korent borey bataga 1na 10:28

Amma nda boro nee war se: «Hamoo woo nka sargandi toorey maaɲey ga», war masʼa ŋaa, boraa kaŋ na war bayrandi maaganda se, binoo masi koy a gurzugay.

Korent borey bataga 2to 12:2

Ay ga Almasihu ganakaw foo bay kaŋ zandi ka koy hala beene hinzantoo ra, a ga too jiiri woy cindi taaci (14). Nda nga azzaatoo no ka koy wala manʼti nga azzaatoo no, ay si bay, Irkoy no ma bay.

Alhukumoo 10:13

ka Abadantaa yaamarey nda nga hantumey kul dii kaŋ ay gʼi noo war se hõ, hala ma duu gomni.

Alhukumoo 33:26

«Ya Yešurun, boro kul si hima nda Irkoy. A ga zunbu ka hun beenaa ra duula ga ka kaa ka ni faaba nga daržaa ra.