Tesalonik borey bataga 2to 2:13 - Songhai de Gao Bible

¹³ Ir armey, ir Koyoo baakey, ir, ir ga hima waati kul ka albarka daŋ Irkoy se war sabbu se, zama Irkoy nka war suuba hallasiyan se za šintinoo ga nga Hundoo henanyanoo nda cimoo naanayyanoo albarkaa ra.

Tesalonik borey bataga 2to 2:13 ပူးပေါင်းရင်းမြစ်များ

Šintinoo 1:1

Šintinoo ga, Irkoy na beenaa nda laboo taka.

Samiyel 2to 12:25

Irkoy na annabi Nataŋ donto a ma zankaa maaɲoo daŋ Yedidiya (maanaa «Abadantaa baakaa») takaa kaŋ nda Abadantaa ga baa Sulaymaana maaganda se.

Yaasawey 8:23

Ay goro za zaman, za šintinoo ga, za laboo mana takandi jina.

Luka 1:75

Ir ma dira nga jine ir hunaroo kul ra henanyan nda šerretaray ra.

Yehiya 1:1

Hayey kul šintinoo ga, Šennoo ga bara. Šennoo goo Irkoy bande, Šennoo ti Irkoy.

Yehiya 14:6

Isa nee a se: «Agay, agay ti fondaa, nda cimoo, nda hunaroo. Boro kul si too Baabaa Irkoy do nda manʼti nda agay.

Teegoyey 13:48

Waatoo kaŋ borey kaŋ hun dumiyaŋ ra kaŋ manʼti Alyahuudu maa woo, i ɲaali, i nʼir Koyoo meešennoo beerandi. Borey kul naanay kaŋ ga hima ka duu hunayan abadantaa.

Teegoyey 15:9

A mana fay-fayyan kul daŋ ir nda i game. A na biney henanandi naanaa albarkaa ra.

Rom borey batagaa 6:17

Albarka ma bara Irkoy se, war cindi ka tee baɲɲa zunubu se, amma war na haŋajer nda war biney kul cawandoo takaa se kaŋ war duu a.

Rom borey batagaa 8:33

Irkoy boro suubantey, may no mʼi wurru? Irkoy no kʼi dii boro šerrante.

Rom borey batagaa 9:11

Ka gar izey mana hayandi jina, i mana ihenna tee, i mana ilaala tee, hala woo kaŋ Irkoy nʼa suuba kʼa dunbandi ma cindi,

Korent borey bataga 1na 1:21

Irkoy lakkaloo kaŋ cebandi aduɲɲa se, aduɲɲa nda nga lakkaloo kul a mana hin ka Irkoy bay a ra. Woo maaganda se a kan Irkoy se nga ma kanjandiyanoo waazoo kaŋ ma nee hollokomtaray no ka borey hallasi kaŋ ga naanay.

Galati borey batagaa 3:1

He Galati borey, war sii nda lakkal, may ka dabari daŋ war se? War kaŋ takaa kaŋ nda Isa Almasihu kanjandi harandi war se kaaray, ma nee haya kaŋ war dii a.

Efez borey batagaa 2:8

Zama Irkoy anneemaa albarkaa ka war hallasi, naanay kʼa noo war se, manʼti war kʼa tee de, Irkoy nooyan no.

Alhukumoo 33:12

Benžameŋ ga, a nee: «Abadantaa baakaa no, a ga goro jeroo ga nda baani, zaaroo kul Abadantaa gʼa hawgay, Abadantaa jesey ra a ga goro.»

Kolos borey batagaa 1:5

naataa kaŋ jisandi war se beenaa ra maaganda se. Naataa no kaŋ war maarʼa cimoo šennoo ra kaŋ ti Alhabar Boryaa.

Kolos borey batagaa 3:12

War kaŋ ti Irkoy boro suubantey, nga boro henanantey, nga baakey, war ma tamallay, nda borohennataray, nda boŋ-yeeti-gandayan, nda bineyaynay, nda suuri daŋ war ga sanda darbay.

Tesalonik borey bataga 1na 1:4

Ir armey, Irkoy baakey, ir ga bay kaŋ Irkoy na war suuba.

Tesalonik borey bataga 1na 2:12

Ir na war hoyray ka war biney daŋ. Ir gaabandi war ga war ma dira nda taka kaŋ ga hima Irkoy jine, nga kaŋ ga war cee nga Laamaa ra nda nga daržaa se.

Tesalonik borey bataga 1na 4:7

Irkoy manʼir cee žiibi se, henanyan ra a nʼir cee.

Tesalonik borey bataga 1na 5:9

Irkoy mana kayandi nga futayyanoo ma duu ir, a si baa kala ir ma duu hallasiroo ir Koyoo Isa Almasihu albarkaa ra.

Tesalonik borey bataga 2to 1:3

Ir armey, ir ga hima waati kul ka albarka daŋ Irkoy se war maaganda se. A ga hima, zama war naanaa ga hanse ka tonton, nda mo war affoo kul bajoo ga tonton cere se.

Tesalonik borey bataga 2to 2:10

a ga šerretaray jaŋay dumi kul tee ka halacintey darga, zama i mana yadda ka baa cimoo kaŋ gʼi hallasi.

Tesalonik borey bataga 2to 2:12

hala borey kul kaŋ mana naanay cimoo, šerretaray jaŋay kan i se ma ciitandi.

Tesalonik borey bataga 2to 2:16

Ir Koyoo Isa Almasihu hunday nda ir Baabaa Irkoy kaŋ baa ir, de a nʼir noo bineyaynay abadante nda naata henna nga anneemaa albarkaa ra

Timote bataga 2to 1:9

Irkoy nʼir hallasi, a nʼir cee nda ciyayan henanante. Woo mana teendi ir teegoyey maaganda se, nga boŋ dunbandiroo nda nga anneemaa no kaŋ nondi ir se Almasihu Isa alhormaa ra za alwaatey kul jine.

Timote bataga 2to 2:15

Gaabandi ka kay Irkoy jine sanda boro kaŋ duu maa henna, sanda goykaw kaŋ si haw nda nga goyoo, a ga cimoo šennoo har nda fondaa.

Timote bataga 2to 3:15

Za zankataray, nʼga Citaabu henanantey bay kaŋ ga hin ka ni noo lakkal hala naanaa kaŋ nʼna daŋ Almasihu Isa ra ma ni hallasi.

Eberewey batagaa 1:10

Irkoy nee koyne: «Ni ir Koyoo ka laboo daaru za šintinoo ga, beenaa manʼti kala ni kabe teegoyoo.

Žak batagaa 1:18

Nga ibaayoo ra, a nʼir hay cimoo šennoo sabboo ra, hala ir ma tee sanda nga takahayey ize jina-jinawey.

Yehiya bataga 1na 4:10

Baji manʼti kala kaŋ manʼti ir no ka baa Irkoy, amma nga no ka baa ir, ka nga Izʼaroo sanba a ma nga boŋ noo kʼir zunubey tuusu.

Yehiya bataga 1na 4:19

Ir, ir ga baa boro, zama Irkoy ka jin ka baa ir.