Tesalonik borey bataga 1na 5:24 - Songhai de Gao Bible

²⁴ Boraa kaŋ goo ma ciya war se ga laadir, nga no mʼa tee mo.

Tesalonik borey bataga 1na 5:24 ပူးပေါင်းရင်းမြစ်များ

Kokoyey 2to 19:31

Zama borey kaŋ cindi ga tun Žerizalem ra, Siyoŋ tondi hondoo boŋ boroyaŋ kaŋ cindi i mana buu ga bara. Woo ti hayaa kaŋ Abadantaa, Aduɲɲakoyoo gʼa tee nga baji beeroo ra.›»

Zaburey 100:5

Zama Abadantaa ga boori, nga borohennataraa si ben abada, nga laadirtaraa ga cindi zaman ka kaa zaman.

Zaburey 138:2

Ay ga sujudu ni hugu henanantaa here ka ni maaɲoo šifa ni borohennataraa nda ni laadirtaraa maaganda, zama nʼna ni šennoo beerandi ka bisa ni maaɲoo kul.

Zaburey 146:6

Nga kaŋ na beenaa nda laboo tee, nda teekoo nda haya kul kaŋ goo a ra, nga kaŋ ga laadir hala abada.

Zaburey 36:5

A ga bone miile nga daaroo boŋ, a goo fondo boŋ kaŋ si boori, a si wanji ifutu.

Zaburey 40:10

Ay ga ni šerretaraa har margari beeroo ra. Guna, Abadantaa, nʼga bay ay sʼay miɲoo daabu.

Zaburey 86:15

Amma ni, ay Koyoo, ni manʼti kala Koy kaŋ ga tamalla, a ga alhormo tee, nʼsi cahã ka futu, ni borohennataraa nda ni laadirtaraa ga beeri.

Zaburey 89:2

Ay ga Abadantaa borohennataraa don waati kul, zaman ka kaa zaman ay ga ni laadirtaraa har.

Zaburey 92:2

A ga boori boro ma Abadantaa saabu, ka don ni maaɲoo se, Koy Jerantaa!

Kabuyaney 23:19

Irkoy manʼti adamize kaŋ ga hin ka taari, a manʼti boro kaŋ ga hin ka nimsi. Haya kaŋ a nʼa har, a sʼa tee wala? Šenni kaŋ a nʼa har, a sʼa too wala?

Matiyu 24:35

Beenaa nda laboo ga dere, amma ay meešenney si dere abada.»

Yehiya 1:17

Zama Musa bande ašariyaa kaa, Isa Almasihu bande anneemaa nda cimoo kaa.

Yehiya 3:33

Boro kaŋ na nga seedetaraa dii tabatandi kaŋ Irkoy ti cimi.

Rom borey batagaa 8:30

Borey kaŋ a jin kʼi suuba, a nʼi cee mo. Borey kaŋ a nʼi cee, a nʼi dii boro šerrante. Borey kaŋ a nʼi dii boro šerrante, a na darža mo daŋ i ga.

Rom borey batagaa 9:24

Ir ya, a nʼir cee, ir mana hun Alyahuudey hinne ra, ir mana hun mo kala dumi ra kaŋ manʼti Alyahuudu.

Korent borey bataga 1na 1:9

Irkoy ga laadir, nga no ka war cee ka war tee affoo nda nga Izʼaroo Isa Almasihu ir Koyoo.

Korent borey bataga 1na 10:13

Siiyan sii no kaŋ kaa war ga kaŋ mana duu adamize ka bisa, Irkoy ga laadir, a si naŋ war ma siyandi hala nongu kaŋ ra war si hin a. Nda siiyan kaa, a ga war cebe fattadoo hala war ma hin kʼa muɲe.

Galati borey batagaa 1:15

Amma kaŋ a kan [Irkoy] se kaŋ nʼay daŋ jere ga za ay ɲaa gundoo ra, de mo kaŋ nʼay cee nga anneemaa ra,

Alhukumoo 7:9

Ma bay kaŋ Abadantaa, ni Koyoo kaŋ ti Irkoy manʼti kala Koy laadirante kaŋ borey kaŋ ga bagʼa, i ga nga yaamarey dii, a ga nga amaanaa nda nga borohennataraa too i se hala alwadda zenber (1.000) here.

Tesalonik borey bataga 1na 2:12

Ir na war hoyray ka war biney daŋ. Ir gaabandi war ga war ma dira nda taka kaŋ ga hima Irkoy jine, nga kaŋ ga war cee nga Laamaa ra nda nga daržaa se.

Tesalonik borey bataga 2to 2:14

Woo se a na war cee [mo] ir Alhabar Boryaa albarkaa ra, hala war ma duu ir Koyoo Isa Almasihu daržaa.

Tesalonik borey bataga 2to 3:3

Amma ir Koyoo ga laadir, a ga war noo gaabi ka war soolam boro laalaa ra kaŋ ti Ibilisi.

Timote bataga 2to 1:9

Irkoy nʼir hallasi, a nʼir cee nda ciyayan henanante. Woo mana teendi ir teegoyey maaganda se, nga boŋ dunbandiroo nda nga anneemaa no kaŋ nondi ir se Almasihu Isa alhormaa ra za alwaatey kul jine.

Timote bataga 2to 2:13

Nda ir manʼti laadirante, nga woo ga cindi laadirante, zama a si hin ka nga boŋ yankar.»

Tit batagaa 1:2

I ma duu hunayan abadantaa naataa kaŋ Irkoy kaŋ si taari na nga allaahidoo zaa za alwaatey kul jine.

Piyer bataga 1na 5:10

Irkoy kaŋ ti Anneema-kul-koyoo kaŋ na war cee war ma huru nga darža abadantaa ra Isa Almasihu albarkaa ra, waati kaŋ war zarabi haya kayna, a ga war tee boro tabatanteyaŋ ka war noo hini, ka war noo gaabi, ka war daŋ asaasu boŋ kaŋ si kaŋ.

Piyer bataga 2to 1:3

Irkoy hinoo nʼir noo hayaa kul kaŋ ga ir ga too hunayan nda Irkoy ganayan here, ka boraa bayrandi ir se kaŋ nʼir cee nga boŋ daržaa nda nga gaaboo ra.

Bangandiroo 17:14

I ga Feeji-izoo wongu, Feeji-izoo ga hin ey, zama nga ti koyey Koyoo, nga ti kokoyey Kokoyoo. Borey kaŋ ga hin a bande, boroyaŋ no kaŋ ciyandi, suubanteyaŋ no, laadiranteyaŋ no.»