Tesalonik borey bataga 1na 5:13 - Songhai de Gao Bible

¹³ Wa hanse kʼi beerandi nda baji ngi goyoo maaganda se. Wa huna alaafiya ra.

Tesalonik borey bataga 1na 5:13 ပူးပေါင်းရင်းမြစ်များ

Šintinoo 45:24

Waatoo kaŋ a ga nga armey naŋ i ma koy, a nee i se: «War masi yenje fondaa ra!»

Zaburey 133:1

Woo ti žigiyanoo dooni kaŋ Dawda nʼa don. Nga ne, a ga boori, a ga hennay armayaŋ ma waafaku ka goro cere bande!

Matiyu 10:40

«Boro kaŋ yadda ka war dii, agay ga a yadda. Boro kaŋ yadda ay ga, boraa kaŋ nʼay sanba ga a yadda.

Marku 9:50

Ciiri ga boori, amma nda ciiri tenbaa hun, macin nda boro ga yee kʼa noo tenbe? Ciiri tenbe ma bara war ra, alaafiya ma bara war nda cere game.»

Yehiya 15:17

Hayey wey nda ay na war yaamar hala war ma baa cere.»

Korent borey bataga 2to 13:11

Aywa agʼarmey, wa ɲaali, wa yadda ka tee boro kaŋ tee ka timme, wa yadda hoyray, wa tee anniya foo, alaafiya ma bara war game. Woo ra Irkoy kaŋ ti Bajikoyoo nda Alaafiyakoyoo goo war bande.

Galati borey batagaa 4:14

Ay wircoo hanse ka war farandi, war manʼay konnay war manʼay hesu, amma war nkʼay dii sanda Irkoy almalayka, sanda Almasihu Isa.

Galati borey batagaa 5:22

Amma hayaa kaŋ Irkoy Hundoo gʼa hay ti: baji, ɲaali, alaafiya, suuri, borohennataray, binehennay, allaahidutaray,

Galati borey batagaa 6:6

Boraa kaŋ se Irkoy meešennoo ga cawandi ma cawandikaa noo hayey kul ra kaŋ goo a se.

Efez borey batagaa 4:3

War ma gaabandi war cere diiyanoo ga Irkoy Hundoo albarkaa ra, alaafiyaa ma tee linjoo kaŋ ga war dii cere ga.

Kolos borey batagaa 3:15

Almasihu alaafiyaa kaŋ se war ciyandi ka tee gaaham folloku ma war biney juwal. War ma tee gomni baykawyaŋ.

Tesalonik borey bataga 1na 5:14

Ir armey, ir gʼa wiri war ga, war ma borey hoyray kaŋ si šerre, borey kaŋ biney hun, wa biney daŋ, wa borey faaba kaŋ sii nda hini, wa suuri borey kul se.

Tesalonik borey bataga 2to 3:16

Ir Koyoo Alaafiyakoyoo, nga hunday ma war noo alaafiya waati kul taka kul here. Ir Koyoo ma bara war kul bande.

Timote bataga 2to 2:22

Zuru soogataray boonay futawey se, hanga šerretaray, nda naanayyan, nda baji, nda alaafiya borey bande kaŋ gʼir Koyoo cee nda bine henanante.

Eberewey batagaa 12:14

Wa ceeci alaafiya ma bara war nda borey kul game, nda henanyan, bila henanyan boro kul si dii ir Koyoo.

Žak batagaa 3:18

Izoo kaŋ šerretaraa gʼa hay ga dumandi alaafiyaa ra, alaafiyakoyney se a ga teendi.