Tesalonik borey bataga 1na 2:18 - Songhai de Gao Bible

¹⁸ Woo se ir baa ir ma koy war do, agay Pol, cee foo hala cee hinka ay gʼa ceeci, amma Ibilisi nʼir ganji.

Tesalonik borey bataga 1na 2:18 ပူးပေါင်းရင်းမြစ်များ

Ayuba 33:14

Irkoy ga šelaŋ boro se nda takaa woo hõ, suba a ga šelaŋ boro se nda taka tana foo, amma boro si haŋajer.

Matiyu 4:10

Isa nee a se: «Hun ne, Šaytan. A hantumandi: ‹Masi sujudu kala ni Koyoo Irkoy se, de nga hinne no mʼa gana.›»

Rom borey batagaa 1:13

Agʼarmey, ay si baa war ma jaŋ ka bay kaŋ cee booboyaŋ ay kayandi ya koy war do, hala ya hin ka duu nafaw war game sanda takaa kaŋ nda ay duu a dumey jerey game, amma ya na duu fondo hala sohõ.

Rom borey batagaa 15:22

Woo ti hayaa kaŋ nʼay ganji cee boobo ya koy war do.

Korent borey bataga 1na 16:21

Agay hunday Pol kaboo ka fooyanoo hantum.

Filipi borey batagaa 4:16

Zama ba waatoo kaŋ ay goo Tesalonik, manʼti cee foo hinne, amma cee hinka war ga haya sanba ya ne kaŋ gʼay almuraadey hanse.

Kolos borey batagaa 4:18

Agay hunday Pol kaboo ka fooyanoo hantum. War masi dirɲa kaŋ kasa ra ay goo. Irkoy anneemaa ma bara war bande.

Tesalonik borey bataga 2to 3:17

Agay hunday Pol kaboo ka fooyanoo hantum. Takaa woo nda ay ga hantum, woo ti ay tammaasaa ay bataga kul ra.

Filemoŋ batagaa 1:9

amma ay baa yʼa wiri ni ga baji maaganda se. Agay Pol, aru žeena ti agay, koyne mo sohõ ay manʼti kala kasa-ize Almasihu Isa maaganda se.

Bangandiroo 2:10

Masi hunbur hayaa kaŋ ga kaa ka ni zarabi. War borey ra, Ibilisi ga hayayaŋ warra kasaa ra ka war sii. War ga duu zarabiyan jirbi woy (10). Laadir hala buuyan ga, ay ga ni noo hunayan fuulaa.”›