Taitasi 3:3 - Panake Pi La: Ula: Buka pita: Kine Pieke Buka

³ Amba꞉ niki make hone wopu na wiki pi tunkulu make pu ata꞉ka꞉ peaoma꞉me. Nika꞉ lokena꞉ hone pa꞉la꞉ hau manuma꞉ make nika꞉ lokena꞉ ta꞉na꞉ma꞉ homaasa꞉ haumanu make koto hau paeyaoma꞉ nika꞉ hone handeteke haena꞉ loma꞉me. Kutupa nate paeyao mineke panka꞉ tiake pimanu lo make ma꞉nda꞉ma꞉ epeke ale pa꞉ta꞉ make leke polopao haoma꞉me. Mandane wanda꞉halima꞉ niki honditi pimikita꞉ iki make honditi pu haoma꞉me.

Taitasi 3:3 ပူးပေါင်းရင်းမြစ်များ

Kini Pieke 38:9

Pate Onanema꞉ta꞉ mo wekiwandikita꞉ ipika꞉eki dia꞉ya꞉lieke hone witolo hata꞉ta꞉ mo hamekena꞉ wanda꞉ kineke yaapo polu puluta꞉ hamekena꞉ wekiwandiki ma꞉nda꞉ na mendiaena꞉ yeketa꞉ ipika꞉ hali hapeketa꞉ kenkena꞉ pao yapena꞉ la꞉tiki piekeme.

Kini Pieke 39:16

Mo wanda꞉ma꞉ta꞉ Diosepena꞉ dauta꞉ pa wia pita mo wekina꞉ you some epeeke handaa waleekeme.

Ma꞉tiu 21:29

Titina꞉ta꞉ mo wekima꞉ kipieke na pokolo polueke leekepate kone pa wetepena꞉ ipika꞉ hone topo pea wiaata꞉ paa pokolo peekeme.

Luku 21:8

Yesuma꞉ alota꞉ Ma꞉nda꞉ma꞉ iki makeaama꞉na꞉ wotu handeteke hapa꞉peke. Hali wopuma꞉ ya biki la꞉paleke ipulu alota꞉ I̱ta꞉ ipikie alo hata꞉ hande nate a꞉pa꞉la꞉mee lolo pelemepate ikana꞉ma꞉ iki na ta꞉lia꞉pa꞉peke.

Dioni 8:34

Yesuma꞉ iki pa꞉ta꞉ alota꞉ Iki pa꞉ta꞉ ota꞉ pi alome. Hali epima꞉ hoke hau pu haya꞉ka꞉na꞉ta꞉ koto halima꞉ta꞉ hoke hau pu hala꞉ ekina꞉ e pa hameke pokaasa꞉ hali leke hala꞉me leekeme.

Loma꞉ 11:30

Amba꞉ta꞉ Diendaili wanda꞉hali ikana꞉ma꞉ta꞉ Koda꞉na꞉ pi na opu haemekepate ameta꞉ Diu wanda꞉halima꞉ Koda꞉na꞉ pi na opueleme ekina꞉ Koda꞉na꞉ a꞉ta꞉ma꞉ homa꞉la꞉eki ikana꞉ma꞉ melememe.

Loma꞉ 6:12

Ika꞉ loke tieke paeyaona꞉ hoke hone u tiaasa꞉ ekimanu pa putia pulu hamono hoke hau pita꞉la꞉ ekima꞉ ika꞉ homa꞉peke ya꞉la꞉ loke tieke paeyao lu tombuaasa꞉me. Kutu pa꞉la꞉pate koto hau manuma꞉ iki paa na lu tombuaena꞉ lapa꞉pekema.

Loma꞉ 6:17

Koda꞉ pa꞉ta꞉ keiyae pi lomana꞉e. Do ekina꞉yeke loa꞉me. Ikita꞉ amba꞉ hone pa꞉la꞉eki pitolo hata꞉ hoke hau pu haemeke ekina꞉ pa hameke e pokaaseme haliweki leke haemekepate ikana꞉ma꞉ hande waleekeeki opua handa꞉ wimiki ota꞉ pimanu wotu pimikime.

Loma꞉ 6:22

Kutupa halemepate hoke hauna꞉ wele pita꞉la꞉ ekima꞉ iki mea tonkao wieke ekita꞉ Koda꞉ma꞉ iki ka꞉la꞉pa꞉ tapaowala꞉me. Kutupa ikita꞉ ipika꞉ pa hameke e pokaaseme wanda꞉hali leke halememe. Koto peleme ekina꞉ ikana꞉ma꞉ ika꞉ loke tieke paeyao ipiki pa꞉ta꞉ halaata꞉ deto hala꞉eki make milimikie.

Loma꞉ 6:6

Doeki make hone witoloma꞉me. Amba꞉ niki hao hoeyaoma꞉ ekita꞉ hande a꞉ka꞉tei wape piki tina꞉ Yesu ame̱le̱ mandakena꞉ lia homeekeme. Nikana꞉ma꞉ hoke hau puluekema꞉ hone wotu pa꞉la꞉ ekimanu Koda꞉ma꞉ hoeyaaluekema꞉ pa꞉la꞉me. Kutupa hoke hau pita꞉la꞉ ekima꞉ niki paa a꞉nda꞉ na lu tombuaena꞉yeke pa꞉la꞉me.

2 Kotindi 12:20

I̱ koto pa꞉ta꞉ opolo epoa꞉ka꞉na꞉ta꞉ ikita꞉ dupiki wanda꞉hali a꞉pa handulueke hone wia ipulua꞉pate pa ikita꞉ ta꞉ta꞉piki wanda꞉hali handulueke laa I̱ta꞉ paala꞉ pita꞉la꞉me. Kutupa make ikana꞉ma꞉ I̱ta꞉ dupiki some handulumeke hone wilimipate I̱ta꞉ pa ta꞉ta꞉ piki some handilimikie. I̱ paala꞉ pita꞉la꞉ ekita꞉ iki tukiki pa꞉ta꞉ta꞉ ape ala꞉ haumanu make ne tunkula꞉la꞉ haumanu make mineke tieke panka꞉la꞉ haumanu make pasa꞉tei pita꞉la꞉ haumanu make yaala꞉ peake haumanu make la la piki pimanu make manda꞉ meaasa꞉ haumanu make mamataasa꞉ haumanu make paeyao handa꞉ ulueke.

Ka꞉leisia 6:3

Iki tukiki pa꞉ta꞉ ma꞉nda꞉ma꞉ ipikita꞉ biki na wilia꞉ some haliepate kone I̱ta꞉ biki ula꞉me hone wia꞉ka꞉na꞉ta꞉ koto somema꞉ ipika꞉ kone makeaasa꞉me.

Kolosi 1:21

Amba꞉ a꞉nda꞉ta꞉ ika꞉ pimi hoke hau manuma꞉ make wimi hoke hone manuma꞉ make ikita꞉ Koda꞉ teke pa꞉ta꞉ na hake ipika꞉ a꞉nda꞉ tunkuliki wanda꞉hali haememe.

Kolosi 3:7

Amba꞉ a꞉nda꞉ta꞉ ika꞉ haeme ekita꞉ doeki manuma꞉ handeteke haya꞉eki yaalo dupikieki manuna꞉ hone pa꞉la꞉ ekina꞉ hao polu haememe.

2 Timodi 3:13

Hoke hau pu hala꞉ haliweki make yayapiki hau pita꞉la꞉ haliweki make ika꞉ ika꞉ kone makea alu alu pitolo hata꞉ ika꞉ hoke hau manuta꞉ ota꞉ mea daeyalimikie.

2 Timodi 3:6

Kutu piki mandane haliwekima꞉ta꞉ mandane hone wopu na wiki wanda꞉weki homu pealuekema꞉ ika꞉ da pa꞉ta꞉ yopu siki honda꞉ pamba pu halememe. Kutu piki wanda꞉weki ika꞉ hoke hau manuma꞉ta꞉ ika꞉ honemanu ka꞉nda꞉ peaota꞉ ika꞉ lokena꞉ hoke hone pa꞉la꞉eki manuma꞉ iki yola꞉ mea aneya moneya pu hala꞉me.

Taitasi 1:16

Ika꞉ pima꞉ Koda꞉ta꞉ handoloma꞉me laa lo halemepate pa ika꞉ piteleme hau manuma꞉ta꞉ Koda꞉ na handelemeeki peneme yao hala꞉me. Kota꞉ wanda꞉halima꞉ta꞉ honditi honditi wopu pu make pi na opu epeke haumanu pea꞉pa꞉peketa꞉ iki ana꞉ na pa꞉la꞉me.

Taitasi 2:12

Koto a꞉ta꞉ma꞉ homo tamba꞉ mina꞉la꞉ ekima꞉ walota꞉ pa nikana꞉ma꞉ Koda꞉ hoki nane yao nika꞉ hoke hone pa꞉la꞉ haumanu pitoloma꞉eki make do kenkena꞉ hoke hone pa꞉la꞉ haumanu pitoloma꞉eki make kiaamono pa꞉la꞉me. Koto pa꞉la꞉ ekina꞉ta꞉ ame do kenkena꞉ hata꞉ta꞉ nika꞉ hone handeteke hata꞉ make tondepe pea hata꞉ make Koda꞉na꞉ hau hone witolo hata꞉ make kutu pitolo hata꞉

Dia꞉mesi 1:26

Kutupa hali epima꞉ I̱ta꞉ ota꞉ Ketiso halie la ala꞉pate ipika꞉ kekeke na handeteke haya꞉ka꞉na꞉ta꞉ kota꞉ koto halita꞉ ipika꞉ kone makeao hao ipika꞉ Ketiso hala꞉ ekita꞉ ota꞉eki dia꞉me paekie.

1 Pida 1:14

Koda꞉na꞉ pi opua pu hapa꞉peke. Kutupa iki mateya꞉ di nina꞉ hone tiaemeeki manuma꞉ ameta꞉ ika꞉ halemeeki na handeteke haena꞉ lapa꞉peke.

Peneme Yaeyekeeki 12:9

Mo popake itiki hake si tieke hombeleketa꞉ tolu lopaeya꞉me. Ipikita꞉ mo hande amba꞉ kiake hayeke keto biki Sadani la꞉la꞉ alee. Ipikana꞉ma꞉ta꞉ mo kenke wanda꞉hali paeyao makeaeyeke halie. Ipikita꞉ ipika꞉ enisolo titi ame̱le̱ oni kenkena꞉ tolu lopaeya꞉me.

Peneme Yaeyekeeki 13:14

Kutupa ipikana꞉ma꞉ mo titina꞉ sayalena꞉ hau peaaso hata꞉ ipika꞉ leke popelekena꞉ hata꞉ mokoto na handeke haumanu pia꞉eki manuma꞉ta꞉ do kenke wanda꞉hali paeyao makeaaso hata꞉ yola꞉ mea pea꞉me. Ipikana꞉ma꞉ wanda꞉halima꞉ mo hande bainasima꞉ hoeyaeya꞉pate pa tiao hala꞉ titina꞉ sayale yeiya꞉ laaluekema꞉ koto ekima꞉ handekeeki ma꞉nda꞉ wepia꞉pe lea꞉me.

Peneme Yaeyekeeki 18:2

Ipikana꞉ma꞉ pi ho̱la̱꞉make tiekema꞉ e̱ wi alo alota꞉ Mo wanda꞉ta꞉ lopa꞉la꞉me. Ba꞉biloni tieketa꞉ lopa꞉la꞉me. Ipikita꞉ hoke temoko tonuma꞉ make ha̱i̱ pambeke temokomanu haleme teke dae. Ota꞉ ha̱i̱ pamba꞉papeke make handa꞉ nala꞉ na piki anemone ba manuta꞉ koto pa꞉ta꞉ pila꞉me.