Taitasi 2:3 - Panake Pi La: Ula: Buka pita: Kine Pieke Buka

³ Mo keileke wanda꞉weki pa꞉ta꞉ make koto tupa꞉ kone alota꞉ Iki make yako piki wanda꞉weki hapeke ya꞉la꞉ tupa꞉ hapa꞉peke la alota꞉ mo hande keileke wanda꞉weki pa꞉ta꞉ ikana꞉ma꞉ laasa꞉ hau na pu make mo waini ikalima꞉ ika꞉ hone hoeyaama꞉na꞉ wopu na neke hata꞉ make ikana꞉ma꞉ mo panake wanda꞉weki pa꞉ta꞉ epeke hau pita꞉la꞉ ekimanu wala꞉ tiaapa꞉peke la wala꞉peke.

Taitasi 2:3 ပူးပေါင်းရင်းမြစ်များ

Loma꞉ 1:29

Koto wanda꞉halita꞉ hoke hau manuma꞉ make pasa꞉tei hau manuma꞉ make ma꞉nda꞉ pa꞉ta꞉ hokeeki puluekema꞉ hone witelemeeki manuma꞉ make ta꞉ta꞉ ta꞉ta꞉ pikieki manuma꞉ tumbulu bao halememe. Soka꞉la꞉ pita꞉la꞉ ekima꞉ make hali luekema꞉ pita꞉la꞉ ekima꞉ make a꞉nda꞉ lita꞉la꞉ ekima꞉ make yayapiki hau pita꞉la꞉ ekima꞉ make ma꞉nda꞉ pa꞉ta꞉ hoke hone wita꞉la꞉ ekima꞉ make tumbulu bao hata꞉ pa pimanu la꞉tiki pu halo hata꞉

Loma꞉ 16:2

Koda꞉na꞉ wanda꞉halima꞉ta꞉ ika꞉ ika꞉ kone handa꞉ mu alualu pulu peleme tupa꞉ ikana꞉ma꞉ Tekehalina꞉ bikina꞉ ipiki handa꞉ meata꞉ kutupa ipikana꞉ma꞉ eki hau puluekema꞉ hone wia꞉ka꞉na꞉ta꞉ ikana꞉ma꞉ ipiki tamba꞉ mea꞉pa꞉peke. Ipikita꞉ wanda꞉hali wopu pa꞉ta꞉ make I̱ pa꞉ta꞉ make homu pea hata꞉ nika꞉ yankeke haya꞉ ekina꞉ loa꞉me.

Epesese 5:3

Kutupa make iki Koda꞉na꞉ wanda꞉hali hata꞉ loke hoeyaasa꞉ haumanu make na tiaake haumanu make pasa꞉tei pita꞉la꞉ haumanu make kutu pikieki manuna꞉ pi ma꞉nda꞉ a꞉nda꞉ na hotia꞉pa꞉peke.

1 Timodi 3:11

Koto haliwekina꞉ wanda꞉wekima꞉ make ika꞉ta꞉ epeke hone manuma꞉ tekele tekele pea hata꞉ pi la la na piki wanda꞉weki halimikie. Epeke hone wia hoto paeyao ika꞉ hau pita꞉ pi yaapoma꞉ ota꞉ hau homeke pu hapeke yeke wanda꞉weki halimikie.

1 Timodi 3:8

Kutupa dikoni haliweki make kekeke yaapo na haasa꞉ hali make epeke hau pu haleme haliweki hapeke ya꞉la꞉me. Kutaa make ikita꞉ mo hande waini ikali wotu na no haleme haliweki make yenki haka꞉ta꞉pao muluekema꞉ hone wopu peleme haliweki hapeke na ya꞉la꞉me.

1 Timodi 5:23

Neketa꞉ yeni mea꞉tiki pu haeka꞉na꞉ta꞉ naka꞉ welekema꞉ epeke e pokena꞉ ikali homeke na neke waini siki make apa꞉tao napeke.

Taitasi 1:7

Ipikana꞉ma꞉ta꞉ Koda꞉na꞉ hau handeteke hapeke ekina꞉ ipikita꞉ ota꞉eki a꞉nda꞉ na piki hali hapeke yelieke. Ipikita꞉ wanda꞉hali lu pambaake pi lo o mineke a̱i̱ koto kone panka꞉la꞉ o hoke ikali naa keao o wanda꞉hali make ala꞉ta꞉ ala꞉ta꞉ hoeyao tekipuleke lao o I̱ I̱ laa pasa꞉tei pu o dupiki haumanu pu halia꞉ halita꞉ hapeke na yelieke.

Taitasi 2:4

Kutu pimika꞉na꞉ta꞉ ikana꞉ma꞉ mo panake wanda꞉weki pa꞉ta꞉ ika꞉ haliki wekiwandiki pa꞉ta꞉ pukima꞉ homolo hata꞉ make

Hibulu 5:12

Ikana꞉ma꞉ Koda꞉na꞉ pi wala꞉la꞉ wanda꞉hali hamena꞉ yeke nate tieke ana꞉na꞉ wia꞉pate kone pa mo hande wekiwandiki sunu pa꞉ta꞉ wala꞉la꞉ Koda꞉na꞉ hosiki pi sunu ma꞉nda꞉ma꞉ paa walena꞉ lapeke ya꞉ka꞉ta꞉me. Epeke taka꞉lake nemanu no hapa꞉peke yolo pa꞉la꞉pate pa andu homeke no halememe.

Peneme Yaeyekeeki 2:20

Koto pelemepate I̱ma꞉ iki pa꞉ta꞉ alo pita꞉ dupa. Ikana꞉ma꞉ta꞉ mo wanda꞉ Diesibeleta꞉ iki ame̱le̱ pa haena꞉ kiaalememe. Koto wanda꞉ma꞉ta꞉ ipikita꞉ Koda꞉na꞉ pi mea ipulu wanda꞉e lo hala꞉pate ipika꞉ wala꞉la꞉ ekima꞉ta꞉ yaka e pa hameke pokaaseme tapakema꞉ ika꞉ loke hoeyaasa꞉ hau pina꞉ make mo hoke temoko pa꞉ta꞉ hala꞉la꞉ nemanu nena꞉ hatuku pu hoeyao hala꞉me.