Taitasi 1:4 - Panake Pi La: Ula: Buka pita: Kine Pieke Buka

⁴ Koto ekina꞉ do wapeta꞉ mo Taitasi pa꞉ta꞉ wape tapaasome. Mo dika꞉ hone tulaalope ekina꞉ ipikita꞉ ota꞉ ya weki hala꞉me. Mo Apa꞉ hala꞉ Koda꞉ma꞉ make mo nika꞉ da꞉taasa꞉ Ketiso Yesuma꞉ make neke pa꞉ta꞉ a꞉ta꞉ma꞉ homa tamba꞉ mina꞉la꞉eki pita꞉ puki lopao haasa꞉eki yaapo kina꞉e la alome.

Taitasi 1:4 ပူးပေါင်းရင်းမြစ်များ

Luku 2:11

Ame do timbata꞉ oni hande Deipidina꞉ da teke pa꞉ta꞉ta꞉ ika꞉ da꞉taalo pa꞉la꞉ Tekehali amba꞉ mendia꞉la꞉me. Ipikita꞉ Tekehali Ketisoe.

Dioni 4:42

Ameta꞉ ipiki pa꞉ta꞉ hone tulaasoma꞉ ekita꞉ nakana꞉ma꞉ lele ekina꞉ hone na tulaake nikana꞉ma꞉ kone ipika꞉ pi opuaata꞉ ipikita꞉ kenke wanda꞉hali hande mea Da꞉taasa꞉ Hali ota꞉ hala꞉me hone witoloma꞉me lemekeme.

Loma꞉ 1:12

Do alo ekita꞉ dupae. Yaka hone tulaalo ekima꞉ iki tamba꞉ mina꞉ make ika꞉ hone tulaaleme ekima꞉ I̱ tamba꞉ mina꞉ make niki paeyaoma꞉ tamba꞉ mu alualu pumana꞉yeke loa꞉me.

Loma꞉ 1:7

Koto pa꞉la꞉ ekina꞉ Koda꞉ma꞉ pukima꞉ homaata꞉ ota꞉ ipika꞉ wanda꞉hali hamina꞉ wi la꞉la꞉ Loma꞉ wanda꞉halio. Iki paeyao pa꞉ta꞉ wape do pitolome. Nika꞉ Apa꞉ Koda꞉ma꞉ make pa Tekehali Yesu Ketisoma꞉ make iki pa꞉ta꞉ a꞉ta꞉ma꞉ homolo hata꞉ ika꞉ puki lopao hamina꞉ lepeka꞉na꞉ta꞉ epelieke.

2 Kotindi 12:18

I̱ma꞉ta꞉ Taitasi pue laa honke laata꞉ ipiki ame̱le̱ mo hande Ketiso kame ma꞉nda꞉ make tapaowa꞉me. Ikana꞉ma꞉ta꞉ Taitasima꞉ iki teke puleke laeya꞉me lelimipe. Dikana꞉ma꞉ta꞉ homeke hau teke peaata꞉ ota꞉ homeke tupa꞉ popeke pa꞉la꞉ haumanu na pupa꞉pe.

2 Kotindi 2:13

Pate I̱ta꞉ pomo tieke pia꞉me. Pa ekipeke nika꞉ kame Taitasita꞉ na handa꞉ u hao loa꞉me. Koto ekina꞉ta꞉ I̱ma꞉ta꞉ mo wanda꞉hali pa꞉ta꞉ A꞉taloe laa mo Ma꞉sedonia nane poa꞉me.

2 Kotindi 4:13

Mo Baiboloma꞉ alota꞉ I̱ma꞉ pi loa꞉ ekina꞉ teketa꞉ I̱ma꞉ hone tulaowa꞉ ekina꞉ pua꞉me la꞉la꞉me. Nikana꞉ma꞉ make homeke hone tulaasa꞉ hauma꞉ dupa aloma꞉me. Mo loma꞉eki manuna꞉ teketa꞉ nika꞉ hone tulaoma꞉ ekina꞉ puma꞉me.

2 Kotindi 7:6

Pate mo puki hoela꞉ wanda꞉hali honkopu hawao hala꞉ Koda꞉ma꞉ta꞉ mo Taitasi epolo pia꞉ ekima꞉ niki honkopu hawaya꞉me.

2 Kotindi 8:16

Nikana꞉ma꞉ iki tamba꞉ muluekema꞉ hone wopu uluma꞉ tupa꞉ Koda꞉ma꞉ Taitasi mea hone wopu utiala꞉ ekina꞉ Koda꞉ pa꞉ta꞉ keiyae aloma꞉me.

2 Kotindi 8:23

Taitasita꞉ ipikita꞉ yaka ta꞉ma꞉ni hata꞉ iki tamba꞉ muluekema꞉ I̱ yaapo e poko hala꞉me. Kutupa mo ipiki ame̱le̱ pula꞉ mandane kame tonuta꞉ do siosi manuna꞉ bikina꞉ ipula꞉ hata꞉ta꞉ Ketisona꞉ biki daeyaena꞉ la꞉la꞉ tapakee.

2 Kotindi 8:6

Koto ekina꞉ nikana꞉ma꞉ do e kini pia꞉ some Taitasi pa꞉ta꞉ do ta꞉ta꞉ ma꞉nda꞉ piki pukima꞉ homa꞉la꞉ e ikana꞉ma꞉ paeyamena꞉yeke tamba꞉ mu hapeke laa honke loma꞉me.

Ka꞉leisia 2:3

Ya hatuku poa꞉ some Taitasita꞉ Kitiki hali hayekepate mandane tapakema꞉ ipikita꞉ sekemesaisi hau pina꞉e lemekepate kone paeyaoma꞉ koto hau na peaemekeme.

Ka꞉leisia 3:26

Iki paeyaota꞉ hone tulaasa꞉eki pa꞉ta꞉ yama꞉ Yesu Ketiso ame̱le̱ apa꞉tao Koda꞉na꞉ wekiwandiki halememe.

Ka꞉leisia 3:28

Koto pa꞉la꞉ ekima꞉ta꞉ kota꞉ mo Diu tapake pita꞉ Diendaili tapake yaapo make ata꞉ka꞉ na pu mo e handeteke hala꞉ haliweki pita꞉ e pokaasa꞉ haliweki yaapo make ata꞉ka꞉ na pu mo wanda꞉ pita꞉ hali yaapo make ata꞉ka꞉ na pu piki iki paeyaota꞉ Yesu Ketiso ame̱le̱ apa꞉tao ota꞉ homeke tapake halememe.

Epesese 1:2

Koda꞉ nika꞉ Apa꞉ma꞉ make Yesu Ketiso nika꞉ Tekehalima꞉ make ipilikana꞉ma꞉ iki pa꞉ta꞉ pa hameke a꞉ta꞉ma꞉ homolo hata꞉ ika꞉ puki lopa꞉niaepeka꞉na꞉ta꞉ epelieke.

Kolosi 1:2

Mo Kolosi nane haleme Koda꞉na꞉ wanda꞉hali Ketiso pa꞉ta꞉ hata꞉ ki hone na wiki pa putia pu haleme kametonu iki pa꞉ta꞉ tapaasopa꞉me. Nika꞉ Apa꞉ Koda꞉ma꞉ iki pa꞉ta꞉ a꞉ta꞉ma꞉ homolo tamba꞉ mina꞉la꞉eki make puki lopa꞉niaasa꞉eki make kina꞉e.

1 Timodi 1:12

Ya e pokono wele peaasa꞉ Ketiso Yesu nika꞉ Tekehali pa꞉ta꞉ keiyae pi alome. Ipika꞉ e I̱ma꞉ ana꞉na꞉ pokaalieke hone wia I̱ ma̱leke lieke ekina꞉ keiyae alome.

2 Timodi 1:1

Polo I̱ta꞉ mo Ketiso Yesuna꞉ aposolo hali halome. Koda꞉ma꞉ la꞉ wieke deto hala꞉eki Ketiso Yesu pa꞉ta꞉ yama꞉ nikana꞉ma꞉ moloma꞉ ekina꞉ pi walono yeke Koda꞉ma꞉ I̱ ma̱leke lia tapaala꞉me.

2 Timodi 1:2

Do wapeta꞉ ya pukipiki weki Timodi neke pa꞉ta꞉ wape pitolome. Mo Apa꞉ Koda꞉ pita꞉ Ketiso Yesu nika꞉ Tekehali ipilikana꞉ma꞉ mo tamba꞉ mina꞉la꞉eki make a꞉ta꞉ma꞉ homa꞉la꞉eki make puki lopaasa꞉eki make neke pa꞉ta꞉ kina꞉e.

2 Timodi 4:10

Dimasita꞉ do kenkena꞉ hauna꞉ hone wopu pieke ekima꞉ I̱ na leeke mina꞉pa꞉lao mo Desalonaika da nane pua hala꞉me. Ketesinisita꞉ Ka꞉leisia kenke nane pua hala꞉me. Taitasita꞉ mo Da꞉lemeisia kenke nane pua hala꞉me.

Taitasi 1:3

Koto hoki naneta꞉ mo yapekeyeke nate opolo epeke pita꞉ma꞉ta꞉ mo koto deto hala꞉ ekita꞉ ipika꞉ pi walaasa꞉ haliwekima꞉ walemeke pima꞉ peneme yaeyekeme. Koto ka꞉la꞉ pita꞉ I̱ma꞉ walawano mo nika꞉ da꞉taasa꞉ Koda꞉ma꞉ peae la꞉leke walaasome.

Taitasi 2:13

mo hande ota꞉ ipilie nate opolo epena꞉e laa hone tulaasa꞉ hata꞉ yu wia haloma꞉me. Koto epolo pa꞉la꞉ nateta꞉ mo nika꞉ Koda꞉ tieke make da꞉taala꞉ hali Yesu Ketiso make ipilika꞉ pa̱a̱ tieke peneme yaasa꞉eki opolo ipilieke.

2 Pida 1:1

I̱ta꞉ Saimono Pida mo hande Yesu Ketisona꞉ e pokaasa꞉ make aposolo halima꞉ loa꞉me. Mo hande niki da꞉taasa꞉ Koda꞉ Yesu Ketisona꞉ tikitiki hau pita꞉la꞉eki pa꞉ta꞉ yama꞉ hone tulaala꞉eki hala꞉la꞉ ekita꞉ nika꞉ hande ota꞉ seliapo piki ekima꞉ handekeeki meleme wanda꞉hali pa꞉ta꞉ do tameiya꞉ tapaasome.

2 Pida 1:11

Dupimika꞉na꞉ta꞉ ikita꞉ mo nika꞉ Pa꞉ta꞉la꞉la꞉ Tekehali Yesu Ketisona꞉ na paelo pa꞉la꞉ Kilu Tombuao hala꞉eki pa꞉ta꞉ honda꞉ pamboemena꞉ waleke tieke kilieke.

2 Pida 2:20

Wanda꞉hali epi a꞉nda꞉ma꞉ niki pa꞉ta꞉la꞉la꞉ Tekehali Yesu Ketiso hone wita꞉la꞉eki pa꞉ta꞉ yama꞉ do kenkena꞉ honkopu hake hoke ekimanu paka꞉lao kone handeeki manuma꞉ da panda꞉ paa mina꞉ lemeka꞉na꞉ta꞉ dupiki wanda꞉halita꞉ amba꞉ hande kini pea haeme tupa꞉ dia꞉ya꞉la꞉pate ota꞉ ankulake hokeeki pa꞉ta꞉ halememe.

2 Pida 3:18

Kotoeki na pikita꞉ nika꞉ Pa꞉ta꞉la꞉la꞉ Tekehali Yesu Ketisona꞉ hone ula꞉eki make a꞉ta꞉ma꞉ homolo tamba꞉ mina꞉la꞉eki pa꞉ta꞉ daeyatia pu hapa꞉peke. Ipiki pa꞉ta꞉ pa̱a̱ pa꞉la꞉eki ame make wetepe nina꞉ make wina꞉e. Kutu pina꞉e.

2 Pida 3:2

Yaka hone pa꞉la꞉ ekita꞉ mo yakopiki potopede haliwekima꞉ amba꞉ hande la kimi pimanu make hande Pa꞉ta꞉la꞉la꞉ Tekehalina꞉ pi wiekeeki ika꞉ aposolo haliweki pa꞉ta꞉ yama꞉ iki kia꞉eki tonka꞉na꞉ niminatiki piomena꞉ loa꞉me.

1 Dioni 5:14

Nikita꞉ Koda꞉na꞉ leke popelekena꞉ honkopu mo̱loma꞉me. Pa ekipeke mo nikana꞉ma꞉ ipika꞉ hone pa꞉la꞉ ekina꞉ ala꞉ta꞉ ma꞉nda꞉ honke loma꞉ka꞉na꞉ta꞉ ota꞉ opita꞉la꞉me laa nika꞉ hone uluma꞉me.

Diudi 1:3

Yaka yankeke tonuo. I̱ma꞉ta꞉ mo hande Koda꞉na꞉ pa꞉ta꞉la꞉la꞉eki mu haloma꞉ ekina꞉ iki pa꞉ta꞉ tameiya꞉ tapaaluekema꞉ taapoa꞉me. Pate Koda꞉ma꞉ hoto homeke mo hone tulaasa꞉ ekita꞉ ipika꞉ ma̱leke lila꞉ wanda꞉hali pa꞉ta꞉ handeteke haena꞉ haleekeeki ma꞉nda꞉ma꞉ hoeyaama꞉na꞉ honkopu hao hamena꞉yeke I̱ma꞉ do sutiaasa꞉ tameiya꞉ a̱i̱ koto kone tapaanoe hone ua꞉me.