Ma꞉tiu 9:4 - Panake Pi La: Ula: Buka pita: Kine Pieke Buka

^4-5 Mo haliwekima꞉ hone wimikieki handaa Yesuma꞉ amba꞉ kokele pea hata꞉ iki pa꞉ta꞉ alota꞉ Ekipeke handa ika꞉ puki manuma꞉ koto hoke honemanu miniki halemepe laa lota꞉ pitolo alota꞉ Ikana꞉ma꞉ eki hone witemepe. I̱ma꞉ Naka꞉ hoke hauta꞉ paeyaasome alo pi yapa꞉ pa꞉la꞉pe o Neke tiao pue alo pi yapa꞉ pa꞉la꞉pe laa

Ma꞉tiu 9:4 ပူးပေါင်းရင်းမြစ်များ

Ma꞉tiu 12:25

Mo haliwekina꞉ wimiki hoke honemanu Yesuma꞉ handolo iki pa꞉ta꞉ alota꞉ Homeke kenke wanda꞉halima꞉ ika꞉ kone putupa꞉ alualu pea a꞉nda꞉ lia꞉ka꞉na꞉ta꞉ kota꞉ koto kenke wanda꞉hali homeke pa꞉ta꞉ momba꞉la haleme ekita꞉ a̱i̱ koto kone paelieke. Kutupa homeke da wanda꞉hali make o homeke tapake sunuma꞉ ika꞉ kone putupa꞉ alualu pea a꞉nda꞉ pimika꞉na꞉ta꞉ kota꞉ koto tapaketa꞉ epeke tupa꞉ hapeke na yelieke.

Maka 12:15

Koto lemeketa꞉ Yesuma꞉ ika꞉ kekeke haemekeeki handolo hata꞉ alota꞉ Ikana꞉ma꞉ ya anke ekipeke yola꞉lemepe leekeme. Toopi poeke homeke handono mea ipupe leekeme.

Maka 2:8

Koto kone Yesu ipika꞉ honema꞉ kone mo haliwekina꞉ hone wimiki ekimanu handa꞉ wiaata꞉ iki pa꞉ta꞉ alota꞉ Ekipeke koto hone witeleme ekimanu weitelemepe leekeme.

Luku 11:17

Koto lemekepate Yesuma꞉ mo wanda꞉halina꞉ hone teke amba꞉ handa꞉ wiata꞉ dupa leekeme. Kapomani homekena꞉ handeteke hala꞉ wanda꞉halima꞉ ika꞉ ika꞉ kone tekilipa꞉ alu alu pea a꞉nda꞉ pimika꞉na꞉ta꞉ ika꞉ hande tapake au leleme ekita꞉ koto kone paelieke. Kutupa tapakesiki ma꞉nda꞉ma꞉ ika꞉ ika꞉ kone tekilipa꞉ alu alu pimika꞉na꞉ta꞉ kota꞉ koto tapake sikina꞉ hao pelia꞉peke ekita꞉ hoelieke.

Luku 5:22

Kutupa mo haliwekima꞉ hone wimiki ekita꞉ Yesuma꞉ amba꞉ hone wia iki pa꞉ta꞉ alota꞉ Ekipeke ikana꞉ma꞉ ika꞉ hone pa꞉ta꞉ do honemanu witelemepe laa lota꞉ pitolo alota꞉

Luku 6:8

Kutu pimikipate Yesuma꞉ta꞉ mo haliwekina꞉ hone wimikieki amba꞉ handa꞉ wiaata꞉ mo kiki hapueke endiki hali pa꞉ta꞉ alota꞉ Tiao. Do wanda꞉halina꞉ leke popeleke nane epoe leekeme. Mo halita꞉ tiao mo wanda꞉halina꞉ leke popeleke nane tiao halo yapeekeme.

Luku 7:40

Koto ekina꞉ Yesuma꞉ alota꞉ Saimonoo. Neke pa꞉ta꞉ I̱ma꞉ pi siki ma꞉nda꞉ lonoe leekeme. Mo halima꞉ Yesuna꞉ pi litolo hata꞉ alota꞉ Aowe disao. La kie leekeme.

Dioni 16:19

Yesuma꞉ mo haliwekima꞉ ipiki pa꞉ta꞉ lota꞉ pulu pimikieki hone wia iki pa꞉ta꞉ alota꞉ Hosiki hao ikana꞉ma꞉ I̱ paa na handaata꞉ pa hosiki hao hao pea I̱ paa handilimikie loa꞉ ekina꞉ta꞉ Ika꞉ kone ane la꞉ mone la꞉ pitelemepe.

Dioni 16:30

ameta꞉ nikana꞉ma꞉ handoloma꞉me laa hali ma꞉nda꞉ma꞉ neke pa꞉ta꞉ amba꞉la lota꞉ pina꞉yeke na handeteke haleme. Nakana꞉ma꞉ hau paeyao handeleme. Koto pa꞉la꞉ ekina꞉ neketa꞉ Koda꞉ yaapo hao epele ekita꞉ opoloma꞉me.

Dioni 21:17

Hoto tepo peao Yesuma꞉ ipiki pa꞉ta꞉ alota꞉ Dionina꞉ eiyeke Saimonoo. Nakana꞉ma꞉ I̱ pa꞉ta꞉ hone pa꞉la꞉pe leekeme. Pidama꞉ta꞉ Yesuma꞉ Nakana꞉ma꞉ I̱ pa꞉ta꞉ hone pa꞉la꞉pe pi ipiki pa꞉ta꞉ hoto tepo peao lota꞉ pieke ekina꞉ta꞉ ka꞉nda꞉ma꞉ homolo hata꞉ ipiki pa꞉ta꞉ alota꞉ Tekehalio. Ala꞉ta꞉ ala꞉ta꞉ paeyao nakana꞉ma꞉ handeleme. I̱ma꞉ neke pa꞉ta꞉ hone pa꞉la꞉ ekita꞉ nakana꞉ma꞉ handeleme leekeme. Yesuma꞉ ipiki pa꞉ta꞉ alota꞉ Ya sipisipi ma꞉na꞉ manuta꞉ nakana꞉ma꞉ punao hapeke.

Dioni 6:61

Koto haliwekima꞉ ipika꞉ leeke ekina꞉ tulu tulu lemekeeki Yesuma꞉ hone wia kone mo haliweki pa꞉ta꞉ alota꞉ Do alo pina꞉ ki hone witelemepe.

Dioni 6:64

Koto pa꞉la꞉pate iki ame̱le̱ haleme mandane haliwekima꞉ I̱ pa꞉ta꞉ hone na tulaasememe leekeme. Ipiki pa꞉ta꞉ hone na tulaalo peleme haliwekita꞉ Yesuma꞉ amba꞉ kone hone wiekeme. Ipiki lina꞉ a꞉nda꞉ lombolo polo pieke hali make amba꞉ kone hone wiekeme.

Aposolo 5:9

Pidama꞉ mo wanda꞉ pa꞉ta꞉ alota꞉ Ipiliki yaapoma꞉ ipilika꞉ honema꞉ mo Tekehalina꞉ Holi Sipitidi pa꞉ta꞉ hoke hone mea wialuekema꞉ ekipeke pipipe leekeme. Handa꞉e. Naka꞉ haliki mea hoilu pa꞉la꞉ haliwekita꞉ neke mea hoilu puluekema꞉ amba꞉ do pota꞉ kake pa꞉ta꞉ do a꞉pa haleme handa꞉e leekeme.

Peneme Yaeyekeeki 2:23

Kutupa ipika꞉ hoki nane tolu haleme tapake make lu homaalueke. Kutu pua꞉ka꞉na꞉ta꞉ mo siosi paeyaoma꞉ I̱ta꞉ wanda꞉hali paeyaona꞉ honemanu make hone u halemeeki manuna꞉ hone ulu somee hone wilimikie. I̱ma꞉ta꞉ iki paeyao ika꞉ peleme ekina꞉ homeke homeke lo ana꞉na꞉ kone yenki kulueke.