Ma꞉tiu 8:9 - Panake Pi La: Ula: Buka pita: Kine Pieke Buka

⁹ Pa ekipeke. I̱ta꞉ mandane ami you haliweki oto pa꞉ta꞉ halome. Kutaa I̱ oto pa꞉ta꞉ make mandane ami haliweki halememe. Kutupa I̱ma꞉ ma꞉nda꞉ pa꞉ta꞉ Pue loa꞉ka꞉na꞉ta꞉ pelieke. Ma꞉nda꞉ pa꞉ta꞉ make Epoe loa꞉ka꞉na꞉ta꞉ ipilieke. Kutupa ya pa hameke e pokaasa꞉ some pa꞉ta꞉ Do e pokae loa꞉ka꞉na꞉ta꞉ kota꞉ ota꞉ pealieke leekeme.

Ma꞉tiu 8:9 ပူးပေါင်းရင်းမြစ်များ

Ma꞉tiu 8:10

Koto leekeeki Yesuma꞉ opuolota꞉ penkilipa꞉tia pominolo hata꞉ mo hande ipika꞉ hoki nane telimiki wanda꞉hali pa꞉ta꞉ alota꞉ I̱ma꞉ iki pa꞉ta꞉ ota꞉ pi alome. Mo Isulai tapake tukiki pa꞉ta꞉ dupiki hone tulaake some homeke ma꞉nda꞉ a꞉nda꞉ I̱ na handolome.

Ma꞉tiu 8:8

Koto leeke handaata꞉ mo somema꞉ alota꞉ O dia꞉me. Neke ya da pa꞉ta꞉ epo alota꞉ I̱ta꞉ epeke hali dia꞉ ya꞉la꞉ ekina꞉ nakana꞉ma꞉ ipika꞉ yeni pa paena꞉e pi homeke leka꞉na꞉ta꞉ kota꞉ ya e pokaasa꞉ hali tialieke.

Maka 1:27

Koto ekina꞉ wanda꞉hali paeyaoma꞉ penkilipa꞉tia pominolo hata꞉ ika꞉ ika꞉ kone lota꞉ lota꞉ pimikieki dupae. Dota꞉ eki haupe laa Panake hau wala꞉la꞉ekipe laa Biki ula꞉ halima꞉ tupa꞉ ipikana꞉ma꞉ mo hoke temokomanu pa꞉ta꞉ pi lea꞉ka꞉na꞉ta꞉ ipika꞉ pi tunkula꞉peke na ya꞉la꞉me lemekeme.

Luku 4:39

Kota꞉ ipiki pua mo wanda꞉ homa꞉pa wieke alena꞉ pa꞉ta꞉liki nane pua tiao hata꞉ mo hande titipu yeni hayeke ekima꞉ mo wanda꞉ mina꞉pa꞉laena꞉ tanda piki pi leekeme. Kutupiki pi leeke handaata꞉ mo yenima꞉ mo wanda꞉ mina꞉pa꞉lao tandela꞉pa yapeeke handaata꞉ koto kone mo wanda꞉ma꞉ tiao hata꞉ mo tapakena꞉ ne wamo peayekeme.

Luku 7:8

Pa ekipeke. I̱ta꞉ mandane ami you hali oto pa꞉ta꞉ halome. Kutaa I̱ oto pa꞉ta꞉ make mandane ami haliweki halememe. Kutupa I̱ma꞉ ma꞉nda꞉ pa꞉ta꞉ Pue loa꞉ka꞉na꞉ta꞉ pelieke. Ma꞉nda꞉ pa꞉ta꞉ make Epoe loa꞉ka꞉na꞉ta꞉ ipilieke. Kutupa yaka pa hameke e pokaasa꞉ some pa꞉ta꞉ Do e pokae loa꞉ka꞉na꞉ta꞉ kota꞉ ota꞉ pealieke leekeme.

Luku 9:1

Yesuma꞉ mo 12 disaipolo haliweki pa꞉ta꞉ Ipupa꞉e laa homeke pa꞉ta꞉ mea momba꞉laota꞉ ikana꞉ma꞉ yenimanu mea epeaena꞉ make hoke temokomanu paeyaosiki tolu lina꞉yeke Yesuma꞉ iki pa꞉ta꞉ wele pita꞉la꞉ biki pita꞉ honkopu yaapo hale hale piekeme.

Kolosi 3:22

Pa hameke e pokaaseme haliwekio. Ika꞉ piteleme hau paeyao pa꞉ta꞉ta꞉ ika꞉ do kenkena꞉ handeteke haleme haliwekina꞉ pi opua pia꞉pa꞉peke. Mo haliwekina꞉ leke popelekena꞉ hata꞉ iki ta꞉na꞉ma꞉ homaaluekema꞉ homeke na pikita꞉ ota꞉ hau pitolo hata꞉ pia꞉pa꞉peke. Pa ekipeke mo ika꞉ Tekehali pa꞉ta꞉ paala꞉ma꞉ homeleme ekina꞉ loa꞉me.

Taitasi 2:9

Mo pa hameke e pokaasa꞉ haliweki pa꞉ta꞉ta꞉ dupiki pi lapeke. Ika꞉ e pokemeeki paeyaoma꞉ mo ika꞉ handeteke hala꞉ haliwekina꞉ pi oto pa꞉ta꞉ hata꞉ ika꞉ epeke e pokeme ekima꞉ iki ta꞉na꞉ma꞉ homaapa꞉peke. Kutu pimika꞉na꞉ta꞉ mo iki handeteke hala꞉ haliwekina꞉ pi eto eto na lao make