Ma꞉tiu 8:3 - Panake Pi La: Ula: Buka pita: Kine Pieke Buka

³ Koto leeke Yesuma꞉ ipika꞉ kiki tindipao wataaso hata꞉ alota꞉ Aowe. I̱ hone pa꞉la꞉me. Naka꞉ kindi yenita꞉ epeao epeke loke halena꞉ alome leekeme. Koto leeke tomona꞉ kota꞉ mo somena꞉ kindi yenita꞉ hapua mateekeme.

Ma꞉tiu 8:3 ပူးပေါင်းရင်းမြစ်များ

Kini Pieke 1:3

Kutupa Koda꞉ma꞉ alota꞉ Pa̱a̱ pa꞉la꞉eki wina꞉e leeke handaata꞉ pa̱a̱ piekeme.

Ma꞉tiu 12:13

Koto pi la paeyeke Yesuma꞉ mo kiki hapueke endiki some pa꞉ta꞉ alota꞉ Naka꞉ kiki tindipae leekeme. Koto leeke ipika꞉ kiki tindipaeyekeme. Tindipata꞉ mo kiki epeata꞉ ipika꞉ epeke kiki ma꞉nda꞉ leke kone hayekeme.

Maka 1:41

Yesuma꞉ ipika꞉ pukima꞉ e̱ leeke handaata꞉ ipika꞉ kiki tindipa moneao wataaso hata꞉ ipiki pa꞉ta꞉ alota꞉ I̱ma꞉ hone pa꞉la꞉me. Naka꞉ loke koto wamo peaaso handa꞉e leekeme.

Maka 4:39

Yesuma꞉ tiao mo po tilipu pa꞉ta꞉ make mo ikali pa꞉ta꞉ make pi alo hata꞉ alota꞉ Pae. Tunkulie leekeme. Po tilipu tunkula ikali la꞉ma꞉ la꞉ma꞉ na piki pa wiekeme.

Maka 5:41

Kutupa ipikana꞉ma꞉ mo wandikina꞉ kiki minaaka꞉na꞉ alota꞉ Talida kumi o Wandikio. Neke pa꞉ta꞉ tiae alome leekeme.

Maka 7:34

Kutupa oli ya nane handa꞉liaaso hata꞉ pomoma꞉ homata꞉ Yesuma꞉ ipiki pa꞉ta꞉ alota꞉ Epa꞉da꞉e leekeme. Koto pita꞉ Lomba꞉e laa leekeme.

Maka 9:25

Yesuma꞉ wanda꞉hali wopu a̱i̱ya epemekeeki handaata꞉ mo hoke temoko hando alo hata꞉ alota꞉ Pi na lao pi na opuaasa꞉ temoko neke pa꞉ta꞉ dupiki pi alome. Koto weki mina꞉pa꞉lao opolu bao yopuata꞉ paa na honda꞉ pamba꞉peke leekeme.

Luku 4:27

Kutupa make Koda꞉na꞉ pi la꞉ mea halo hayeke hali Elaisa hayeke dina꞉ta꞉ kindi yeni homo haemeke wanda꞉hali wotu anekema꞉ mo Isulai da yu pa꞉ta꞉ haemekepate Koda꞉ma꞉ koto wanda꞉halita꞉ ota꞉ ma꞉nda꞉ hondo na mea epeaeyekepate pa Sitia da yu pa꞉ta꞉ hayeke hali Neimana꞉ homeke mea epeaeyekeme leekeme.

Luku 5:13

Koto leeke pi opua Yesuma꞉ ipika꞉ kiki tindipao mo halina꞉ lokena꞉ wataaso hata꞉ alota꞉ I̱ma꞉ ya hone pa꞉la꞉me. Naka꞉ loke epena꞉e. Koto leeke handaata꞉ koto kone mo kindi yeni hayekeeki tandela꞉pa peekeme.

Luku 7:14

Kutupa ipikana꞉ma꞉ mo toko tia epemeke bokosi teke pa꞉ta꞉ pua wataeyekeme. Kutu pieketa꞉ mo hande hali toko timiki haliwekima꞉ta꞉ pa tupaleke handeteke haemekeme. Yesuma꞉ alota꞉ Wekio. I̱ma꞉ neke pa꞉ta꞉ loma꞉ tiae leekeme.

Dioni 11:43

Yesuma꞉ koto laa anekema꞉ wi alo hata꞉ alota꞉ La꞉satesio. Hama epoe leekeme.

Dioni 15:24

Amba꞉ titina꞉ ma꞉nda꞉ma꞉ na pieke ekimanu I̱ma꞉ iki ame̱le̱ na pua꞉ka꞉na꞉ yoluta꞉ ika꞉ hoke hauta꞉ peneme na yaalo pia꞉me. Koto pa꞉la꞉pate I̱ma꞉ pua꞉eki handaa kone yaka Apa꞉ diki pa꞉ta꞉ honditi pu halememe.

Dioni 5:21

Hande Apa꞉ma꞉ homemeke wanda꞉hali mea da꞉taasa꞉ tupa꞉ koto tupa꞉ kone hande Eiyekema꞉ ipika꞉ hone wia wanda꞉hali mea da꞉taasa꞉me.