Ma꞉tiu 8:2 - Panake Pi La: Ula: Buka pita: Kine Pieke Buka

² Kutupa Yesu opolo ipulu haena꞉ta꞉ kindi yeni hake hali homeke ipiki pa꞉ta꞉ a꞉pa panda꞉ puniaaso hata꞉ alota꞉ Tekehalio. Neke hone pia꞉ka꞉na꞉ta꞉ kota꞉ nakana꞉ma꞉ ya yeni epeawalena꞉e leekeme.

Ma꞉tiu 8:2 ပူးပေါင်းရင်းမြစ်များ

Ma꞉tiu 10:8

Koto alo hata꞉ta꞉ mo yeni haleme wanda꞉halina꞉ yeni wamo peao make mo homemeke tokomanu mea da꞉tao make wanda꞉halina꞉ lokena꞉ hala꞉ kindi yenimanu epeaaso hata꞉ mo hoke temokomanu tolu lu pia꞉pa꞉peke. Do koto pea꞉pa꞉peke alo ekita꞉ pa hameke mimi ekina꞉ ikana꞉ma꞉ make pa hameke hala꞉pa꞉peke.

Ma꞉tiu 13:58

Koto ekina꞉ ikana꞉ma꞉ ipiki pa꞉ta꞉ hone wopu na tulaemeke handaa kota꞉ ipikana꞉ma꞉ make mo na handeke haumanu iki tukiki pa꞉ta꞉ wopu na piekeme.

Ma꞉tiu 14:33

Mo kawasona꞉ pitimiki disaipolo haliwekima꞉ koto pieke hau handolo hata꞉ta꞉ ikana꞉ma꞉ Yesuna꞉ biki a꞉meiyaaso alota꞉ Ota꞉e. Neketa꞉ ota꞉ Koda꞉na꞉ Eiyekee laa lemekeme.

Ma꞉tiu 15:25

Do pi opitolota꞉ koto kone mo wanda꞉ Yesuna꞉ anke teke pa꞉ta꞉ panda꞉ puniao lopolo alota꞉ Tekehalio. I̱ tamba꞉ mie leekeme.

Ma꞉tiu 18:26

Koto leekeeki opuaata꞉ mo e pokaeyeke halima꞉ ipika꞉ Kinina꞉ leke popelekena꞉ tumiki yotuao panda꞉ puniaaso honke alo alota꞉ Tekehalio. I̱ pa꞉ta꞉ a꞉ta꞉ma꞉ homolo hata꞉ waleke kika꞉na꞉ta꞉ mo tondiki paeyao ana꞉na꞉ epeao kulueke laa honke leekeme.

Ma꞉tiu 2:11

Kutu pieke handa ikana꞉ma꞉ mo da tukiki pa꞉ta꞉ honda꞉ pamba pua mo wekita꞉ ipika꞉ inkiki Metima꞉ wia pitiekeeki handaata꞉ ika꞉ tumiki yotuao panda꞉ puniao pita꞉ ipika꞉ biki yeiya꞉ laemekeme. Kutu polo hata꞉ta꞉ ika꞉ nu pa꞉ta꞉ mendimiki yenki tieke alemanu kolo make mo lanka꞉ yankea꞉ka꞉na꞉ totopopiki lumu opa꞉la꞉ lanka꞉ siki make mo totopo yolepiki ti pankeke ale make toku mea ipiki pa꞉ta꞉ halemekeme.

Ma꞉tiu 20:20

Kutaata꞉ Sepedina꞉ wetekema꞉ ipika꞉ eiyeke yaapo ame̱le̱ Yesu pa꞉ta꞉ a꞉pa tumiki yotuao panda꞉ pitolo hata꞉ ala꞉ta꞉ ma꞉nda꞉ honke leekeme.

Ma꞉tiu 26:6

Yesuma꞉ Bedani da puaata꞉ kindi yeni hayeke hali Saimonona꞉ da pa꞉ta꞉

Ma꞉tiu 28:17

Koto pa꞉ta꞉ta꞉ Yesu hosiki pa pate leke hayekeeki ikana꞉ma꞉ handaata꞉ ipikina꞉ pi laemekeme. Pate mandane haliwekima꞉ta꞉ hone yaapo wimikime.

Ma꞉tiu 28:9

Ipilikana꞉ma꞉ mo pimanu loluekema꞉ a̱i̱ya pepekepate pota꞉ hopikina꞉ penkilipao Yesu manda꞉hande pipikime. Ipikana꞉ma꞉ alota꞉ Epeke da ka꞉la꞉paaso leekeme. Ipiliki Yesu tekepa꞉ta꞉ a꞉pa ipika꞉ anke teke pa꞉ta꞉ howa lopolo panda꞉ pitolo hata꞉ ipikina꞉ pi laepekeme.

Ma꞉tiu 4:9

Nakana꞉ma꞉ I̱ pa꞉ta꞉ tumiki yotuao panda꞉puniao pita꞉ yeni pika꞉na꞉ta꞉ kota꞉ koto handele ale paeyaota꞉ I̱ma꞉ neke pa꞉ta꞉ kulueke Sadanima꞉ leekeme.

Ma꞉tiu 8:1

Yesuma꞉ oli hande pote pa꞉ta꞉ hao hola꞉pa꞉niao epeeke handaata꞉ wanda꞉hali tieke ipika꞉ hoki nane teli mea epemekeme.

Ma꞉tiu 8:25

Mo disaipolo haliwekima꞉ Yesu teke pa꞉ta꞉ pua ipiki mea tiaaso alota꞉ Tekehalio. Nikita꞉ ikali naa homa꞉pekeeki teke pa꞉ta꞉ ta ya꞉la꞉ma꞉ niki pa꞉ta꞉la꞉e lemekeme.

Ma꞉tiu 9:18

Yesuma꞉ mo hande haliweki pa꞉ta꞉ do koto pimanu alo haena꞉ Diu wanda꞉halina꞉ yeni dana꞉ you hali Yesu pa꞉ta꞉ opolo a꞉pa tumiki yotuao pita꞉ alota꞉ Ya wandikita꞉ homa꞉la꞉pate pa ipika꞉ lokena꞉ naka꞉ kiki a꞉pa wika꞉na꞉ta꞉ tiaalieke leekeme.

Luku 4:27

Kutupa make Koda꞉na꞉ pi la꞉ mea halo hayeke hali Elaisa hayeke dina꞉ta꞉ kindi yeni homo haemeke wanda꞉hali wotu anekema꞉ mo Isulai da yu pa꞉ta꞉ haemekepate Koda꞉ma꞉ koto wanda꞉halita꞉ ota꞉ ma꞉nda꞉ hondo na mea epeaeyekepate pa Sitia da yu pa꞉ta꞉ hayeke hali Neimana꞉ homeke mea epeaeyekeme leekeme.

Dioni 9:38

Mo halima꞉ Yesu pa꞉ta꞉ alota꞉ Tekehalio. Hone tulaasome laata꞉ Yesu pa꞉ta꞉ tumiki yotuao pitiekeme.

Aposolo 10:14

Koto leekepate Pidama꞉ alota꞉ Tekehalio. Ota꞉ dia꞉me leekeme. I̱ta꞉ hoke ale manuta꞉ na no halome leekeme.

Aposolo 10:25

Pida da pa꞉ta꞉ honda꞉ pambeeketa꞉ Koniliesima꞉ a꞉pa manda꞉hande pea ipika꞉ anke pa꞉ta꞉ lopa꞉niao Pida pa꞉ta꞉ panda꞉puniaeyekeme.

1 Kotindi 14:25

Koto ekina꞉ ipika꞉ a꞉mbao ula꞉ honemanu peneme yaeyeke handaata꞉ ipikana꞉ma꞉ panda꞉puniao Koda꞉ pa꞉ta꞉ yeni pitolo hata꞉ Ota꞉ alememe. Koda꞉ta꞉ iki ame̱le̱ do pa꞉ta꞉ hala꞉me laa lelieke.

Peneme Yaeyekeeki 19:10

I̱ta꞉ ipiki yeiya꞉ lao yeni puluku alo ipika꞉ anke teke pa꞉ta꞉ panda꞉puniao lopoa꞉ pa꞉ta꞉ ipikana꞉ma꞉ I̱ pa꞉ta꞉ alota꞉ Ei I̱ pa꞉ta꞉ kotoeki na pia꞉pema. I̱ta꞉ e pokaaso naka꞉ yankekee. Kutupa make naka꞉ kamemanu mo Yesuma꞉ peneme yaeya꞉ ota꞉ pimanu miniki haleme wanda꞉halina꞉ yankeke halome. Koda꞉ pa꞉ta꞉ homeke yeiya꞉ laaso hata꞉ yeni pu hapeke laa lea꞉me. Pa ekipeke mo Yesuma꞉ peneme yaeya꞉ ota꞉ ekita꞉ mo potopede haliwekima꞉ alemeeki hone u tiaasa꞉ekie.