Ma꞉tiu 7:11 - Panake Pi La: Ula: Buka pita: Kine Pieke Buka

¹¹ Ikana꞉ma꞉ hoke wanda꞉hali hata꞉ kone ika꞉ wekiwandiki pa꞉ta꞉ epeke epeke alemanu hala꞉pekeeki hone wimika꞉na꞉ta꞉ kota꞉ mo ika꞉ hepeni hala꞉ Apa꞉ma꞉ta꞉ ikana꞉ma꞉ piteme hau ota꞉ lombei peao koto honke lo haleme wanda꞉hali pa꞉ta꞉ ota꞉ epeke epeke alemanu halieke.

Ma꞉tiu 7:11 ပူးပေါင်းရင်းမြစ်များ

Kini Pieke 6:5

Mo Tekehalima꞉ do kenkena꞉ haemeke wanda꞉hali paeyaoma꞉ hoto paeyao ika꞉ putia peme hoke haumanu make ika꞉ temokona꞉ honemanu u tia peme ekimanu make hando haota꞉

Kini Pieke 8:21

Kutu pieke handaa mo lia haleeke hotekena꞉ totopo seliapoma꞉ta꞉ mo Tekehali ta꞉na꞉ homa꞉ tiayeke handaa ipika꞉ kone alota꞉ Do wanda꞉halima꞉ pu haleme ekina꞉ I̱ma꞉ do kenketa꞉ esihou pi oto pa꞉ta꞉ ota꞉ paa na wina꞉ lolueke. Pa ekipeke ika꞉ mo panake daeta꞉la꞉me ale pa꞉ta꞉ koneta꞉ hoke honemanu wilimi ekita꞉ I̱ma꞉ hone ulu ekina꞉ loa꞉me. Koto ekina꞉ I̱ma꞉ ame do pua꞉ tupa꞉ mo do kenkena꞉ pa pitiki alemanu paeyao ota꞉ paa a꞉nda꞉ na hoeyaalueke.

Ma꞉tiu 23:9

Kutupa make ikana꞉ma꞉ do kenkena꞉ ma꞉nda꞉ pa꞉ta꞉ Apa꞉o pi na lapa꞉peke. Pa ekipeke. Ika꞉ Apa꞉ homeke homeketa꞉ hepeni hala꞉me.

Ma꞉tiu 7:10

o ta꞉peli honke lea꞉ka꞉na꞉ta꞉ hoke keto mea halimikipe.

Dioni 3:16

Do ekina꞉yeke loa꞉me. Koda꞉ma꞉ kenke wanda꞉hali pa꞉ta꞉ pukima꞉ wotu homolo hata꞉ ipika꞉ Weki homeke kone kiekeme. Kutupa hali epima꞉ ipika꞉ Weki pa꞉ta꞉ hone tulao haya꞉ka꞉na꞉ta꞉ kota꞉ koto hali na homeke deto hala꞉eki mina꞉yeke kiekeme.

Loma꞉ 3:19

Mo hande Lo Pimanu opua oto pa꞉ta꞉ haleme wanda꞉halita꞉ mo Lo Pimanu iki pa꞉ta꞉ ula꞉ ekita꞉ handoloma꞉me. Koto Lo Pi manuma꞉ hambiliki honiolo aleme pimanu sa꞉sa꞉ peaata꞉ Koda꞉ma꞉ kenke wanda꞉hali paeyao pi yokaalu pulu pa꞉la꞉ ekita꞉ wala꞉la꞉me.

Loma꞉ 3:9

Kota꞉ niki Diu wanda꞉halima꞉ mo Diendaili wanda꞉hali ankulao haloma꞉pe. Dia꞉me. I̱ma꞉ta꞉ iki pa꞉ta꞉ amba꞉ ta waloa꞉ handa꞉e. Diu wanda꞉hali make Diendaili wanda꞉hali make hoke hau manuma꞉ wele pita꞉la꞉ ekima꞉ mandake tupa꞉ niki paeyao tombuao ula꞉me.

Loma꞉ 8:32

Koda꞉ma꞉ ota꞉ ipika꞉ Eiyeke sa꞉sa꞉ na piki kone niki paeyaona꞉eki peaaso homena꞉ kiekeme. Ipika꞉ Eiyeke niki ka꞉la꞉ ekina꞉ koto tupa꞉ ala꞉ta꞉ ala꞉ta꞉ paeyao make ipikana꞉ma꞉ kiki tindipao na kiliepe. Dia꞉me. Ota꞉ kilieke.

Ka꞉leisia 3:22

pa mo Baiboloma꞉ alota꞉ kenke paeyaota꞉ hoke hauna꞉ wele oto pa꞉ta꞉ ula꞉me ala꞉me. Koto ekina꞉ Koda꞉ma꞉ mo Yesu Ketiso pa꞉ta꞉ hone tulalemeeki tekena꞉ta꞉ I̱ma꞉ kulueke laa la꞉ ua꞉ ekita꞉ mo hone tulaaso haleme wanda꞉hali pa꞉ta꞉ halo hala꞉me.

Dia꞉mesi 1:17

Mo epeke tupa꞉ kita꞉la꞉ ekimanu paeyao make mo epeke alemanu kita꞉la꞉eki paeyao make oli hepeni nanema꞉ ipulu hata꞉ pita꞉la꞉me. Hande ya nane haleme pa̱a̱ piki ale manuna꞉ Ateke pa꞉ta꞉ hola꞉pa꞉niao ipulu hata꞉ pita꞉la꞉me. Ipikana꞉ma꞉ hau ta꞉ta꞉ ta꞉ta꞉ pikieki topo na pealieke. Kutupa paa la꞉ka꞉lea꞉ka꞉na꞉ta꞉ tu na pilieke.

1 Dioni 3:1

Mo Apa꞉ma꞉ niki pa꞉ta꞉ pukima꞉ homa꞉la꞉eki tieke handa꞉pe. Ipika꞉ pukima꞉ homa꞉la꞉ ekita꞉ ota꞉ tieke aneke yalo hata꞉ta꞉ nikita꞉ Koda꞉na꞉ wekiwandiki lelememe. Kota꞉ koto ekina꞉ nikita꞉ ota꞉ ipika꞉ wekiwandikie. Doeki tekena꞉ta꞉ do kenke wanda꞉halima꞉ta꞉ Koda꞉ na handelemeeki yalo niki make na handelememe.

1 Dioni 4:10

Pukima꞉ homa꞉la꞉ ekita꞉ dupae. Nikana꞉ma꞉ Koda꞉ pa꞉ta꞉ pukima꞉ homomeke handa dia꞉ya꞉la꞉pate pa ipikana꞉ma꞉ niki pa꞉ta꞉ pukima꞉ homolo hata꞉ ipika꞉ weki tapaala꞉ ekima꞉ta꞉ nika꞉ hoke hau paeyao paeyawala꞉me.