Ma꞉tiu 6:9 - Panake Pi La: Ula: Buka pita: Kine Pieke Buka

⁹ Yeni pimika꞉na꞉ta꞉ kota꞉ do tupa꞉ pea꞉pa꞉peke. Nika꞉ hepeni hala꞉ Apa꞉o. Naka꞉ yako piki bikita꞉ ota꞉ manda wia haena꞉e.

Ma꞉tiu 6:9 ပူးပေါင်းရင်းမြစ်များ

Ma꞉tiu 10:29

Hosiki ba siki yaapota꞉ makedina꞉ yenki 10 toea sikima꞉ hamba꞉peke ba siki yaapo yolo pa꞉la꞉pate mo Apa꞉ Koda꞉ma꞉ mo basunu homeke ma꞉nda꞉ honda꞉pa pene waleke na wina꞉ lea꞉ka꞉na꞉ta꞉ kota꞉ homeke a꞉nda꞉ kenkena꞉ honda꞉pa na lopilieke.

Ma꞉tiu 23:9

Kutupa make ikana꞉ma꞉ do kenkena꞉ ma꞉nda꞉ pa꞉ta꞉ Apa꞉o pi na lapa꞉peke. Pa ekipeke. Ika꞉ Apa꞉ homeke homeketa꞉ hepeni hala꞉me.

Ma꞉tiu 26:29

iki pa꞉ta꞉ ota꞉ pi alome. Do naloma꞉ waini ikali I̱ta꞉ paata꞉ na neke hao wetepena꞉ ya Apa꞉na꞉ Kilu Tombuao Hala꞉eki pa꞉ta꞉ iki ame̱le̱ hata꞉ panakeeki nolumeke leekeme.

Ma꞉tiu 26:42

Koto laata꞉ Yesuma꞉ hoto yaapo peao paa pua yeni pitolo hata꞉ alota꞉ Ya Apa꞉o. Do ka꞉nda꞉ma꞉ tumbiki kapo ipula꞉eki a꞉nda꞉ na yoka꞉ mea baeka꞉na꞉ ota꞉ nono lea꞉ka꞉na꞉ta꞉ kota꞉ a꞉pa꞉la꞉ma꞉ naka꞉ hone peleeki pea꞉peke leekeme.

Ma꞉tiu 5:16

Koto tupa꞉ kone wanda꞉halima꞉ ika꞉ epeke haumanu handolo hata꞉ ika꞉ hepeni hala꞉ Apa꞉ pa꞉ta꞉ yeiya꞉ lawaena꞉ma꞉ paeyaoma꞉ handena꞉ ika꞉ pa̱a̱ peapeke haumanu pu hapa꞉peke.

Ma꞉tiu 5:48

Ikana꞉ma꞉ ika꞉ hepeni hala꞉ Apa꞉ta꞉ ota꞉ tondepe wopu pea hala꞉ tupa꞉ iki make tondepe pea hao hapa꞉peke ya꞉la꞉me.

Ma꞉tiu 6:14

Kutupa ikana꞉ma꞉ mo iki pa꞉ta꞉ hoke hau pimiki wanda꞉hali ika꞉ hoke haumanu pa paeyaemeka꞉na꞉ta꞉ kota꞉ ika꞉ hepeni hala꞉ Apa꞉ma꞉ ika꞉ pimi hoke haumanu make pa paeyawalieke.

Ma꞉tiu 6:6

Ikana꞉ma꞉ yeni pimika꞉na꞉ta꞉ kota꞉ ika꞉ da panda꞉ pa꞉ta꞉ pota꞉ poka꞉neao pua pita꞉ ika꞉ lekema꞉ handa꞉peke na yeke Apa꞉ pa꞉ta꞉ yeni pea꞉pa꞉peke. Kutu pimika꞉na꞉ta꞉ kota꞉ mo ika꞉ mone honema꞉ piteme hau handa꞉la꞉ Apa꞉ma꞉ta꞉ ika꞉ epeke yenki kilieke.

Ma꞉tiu 7:11

Ikana꞉ma꞉ hoke wanda꞉hali hata꞉ kone ika꞉ wekiwandiki pa꞉ta꞉ epeke epeke alemanu hala꞉pekeeki hone wimika꞉na꞉ta꞉ kota꞉ mo ika꞉ hepeni hala꞉ Apa꞉ma꞉ta꞉ ikana꞉ma꞉ piteme hau ota꞉ lombei peao koto honke lo haleme wanda꞉hali pa꞉ta꞉ ota꞉ epeke epeke alemanu halieke.

Luku 15:18

I̱ tiao puaata꞉ yaka apa꞉ pa꞉ta꞉ pua dupa lolueke. Apa꞉o. Koda꞉ pa꞉ta꞉ make neke pa꞉ta꞉ make hoke hau polome.

Luku 15:21

Hande eiyekema꞉ ateke pa꞉ta꞉ alota꞉ Apa꞉o. Neke pa꞉ta꞉ make Koda꞉ pa꞉ta꞉ make hoke hau polome. Koto polo ekima꞉ I̱ta꞉ naka꞉ weki au lapeke na ya꞉la꞉me leekepate

Luku 2:14

Oli ya manda hala꞉ Koda꞉na꞉ pi lapa꞉peke. Ipikana꞉ma꞉ ta꞉na꞉ma꞉ homolo hata꞉ kenkena꞉ haleme haliwekina꞉ puki lopaala꞉me laa lemekeme.

Dioni 20:17

Yesuma꞉ ipiki pa꞉ta꞉ alota꞉ I̱ na mina꞉pe. Yaka Apa꞉ pa꞉ta꞉ a̱i̱ na la꞉ka꞉la a꞉meilo ekina꞉ loa꞉me. Yaka kametiti pa꞉ta꞉ yaka pi lawaalo pua꞉peke. Yaka Apa꞉ ika꞉ Apa꞉ make yaka Koda꞉ ika꞉ Koda꞉ make ipiki pa꞉ta꞉ paa la꞉ka꞉la a꞉meinolome lapeke leekeme.

Loma꞉ 1:7

Koto pa꞉la꞉ ekina꞉ Koda꞉ma꞉ pukima꞉ homaata꞉ ota꞉ ipika꞉ wanda꞉hali hamina꞉ wi la꞉la꞉ Loma꞉ wanda꞉halio. Iki paeyao pa꞉ta꞉ wape do pitolome. Nika꞉ Apa꞉ Koda꞉ma꞉ make pa Tekehali Yesu Ketisoma꞉ make iki pa꞉ta꞉ a꞉ta꞉ma꞉ homolo hata꞉ ika꞉ puki lopao hamina꞉ lepeka꞉na꞉ta꞉ epelieke.

Loma꞉ 8:15

Koda꞉ma꞉ iki ka꞉la꞉ Sipitidima꞉ta꞉ iki paala꞉ tiao pa hameke e pokaasa꞉ hali leke na hamina꞉ la꞉la꞉me. Dia꞉me. Koto hau na pita꞉la꞉me. Hande Sipitidima꞉ ikita꞉ Koda꞉ ipika꞉ wekiwandiki hamina꞉ la꞉la꞉me. Koto pa꞉la꞉ ekina꞉ Sipitidi ipika꞉ wele pita꞉la꞉ ekina꞉ nikana꞉ma꞉ Koda꞉ pa꞉ta꞉ wi alo alota꞉ Apa꞉o. Yaka Apa꞉o lo haloma꞉me.

Ka꞉leisia 1:1

I̱ Polo I̱ma꞉ aposolo hano wi la꞉la꞉ ekita꞉ halima꞉ o hali pa꞉ta꞉ yama꞉ wi na lea꞉pate mo Yesu Ketisoma꞉ make mo naku pa꞉ta꞉ ipiki mea da꞉taeyeke Apa꞉ Koda꞉ma꞉ make ipiliki telipina꞉ma꞉ I̱ wi la꞉la꞉me.

Ka꞉leisia 4:6

Ikita꞉ Koda꞉na꞉ wekiwandiki haleme ekina꞉ta꞉ Koda꞉ma꞉ ipika꞉ wekina꞉ Sipitidita꞉ nika꞉ puki pa꞉ta꞉ pitina꞉ tapaeya꞉me. Mo Apa꞉o. Ya Apa꞉o lo hala꞉ Sipitidita꞉ niki pa꞉ta꞉ tapaeya꞉me.

1 Timodi 6:16

Ipiki homeketa꞉ ipika꞉ kone pa da꞉taa hao hala꞉ Koda꞉ hala꞉me. Wanda꞉halima꞉ ipiki hala꞉ teke pa꞉ta꞉ pua꞉peke na yeke pa̱a̱ tieke pa꞉ta꞉ hala꞉me. Ipikita꞉ hali ma꞉nda꞉ma꞉ ota꞉ na handemeke yeke Koda꞉ yeke handaata꞉ ame make ota꞉ ma꞉nda꞉ma꞉ handa꞉peke na ya꞉la꞉me. Ipika꞉ biki tieke ota꞉ kende wina꞉ make mo na paeyeke pa hao hala꞉ Kilu Tombuao hala꞉ ekina꞉ wele make ipika꞉eki wina꞉e. Kutu pina꞉e.

1 Pida 1:17

Ikana꞉ma꞉ yeni pitolo hata꞉ Apa꞉o lo haleme Koda꞉ma꞉ta꞉ wanda꞉hali paeyao homeke hone witolo hata꞉ta꞉ iki homeke homekema꞉ pu haeme hauna꞉ pi yoka꞉ alu pilieke. Koto ekina꞉ta꞉ ika꞉ ame do kenkena꞉ haleme natena꞉ta꞉ Koda꞉ pa꞉ta꞉ homu pea hao hapa꞉peke.

Peneme Yaeyekeeki 4:11

Nika꞉ Tekehali Koda꞉o. Neke pa꞉ta꞉ta꞉ pa̱a̱ pa꞉la꞉eki make yeiya꞉ laasa꞉eki make honkopu make ana꞉na꞉ mea꞉peke ya꞉la꞉me. Pa ekipeke nakana꞉ma꞉ ala꞉ta꞉ ala꞉ta꞉ paeyao wa꞉peleme. Kutupa naka꞉ hone pi ekima꞉ta꞉ ika꞉ hapekeeki make da꞉ta꞉la꞉eki make hala꞉me laa lo halememe.

Peneme Yaeyekeeki 5:12

Kutupa pi ho̱la̱꞉make anekema꞉ emeli alo alota꞉ Mo hande lia꞉ Sipisipi Ma꞉na꞉ Ikikima꞉ta꞉ wele make hamoko make hone u tiaasa꞉eki make honkopu make biki miniliaasa꞉eki make pa̱a̱ pikieki make yeiya꞉ laasa꞉eki make paeyao mea꞉peketa꞉ ana꞉ pa꞉la꞉me lemekeme.