Ma꞉tiu 4:9 - Panake Pi La: Ula: Buka pita: Kine Pieke Buka

⁹ Nakana꞉ma꞉ I̱ pa꞉ta꞉ tumiki yotuao panda꞉puniao pita꞉ yeni pika꞉na꞉ta꞉ kota꞉ koto handele ale paeyaota꞉ I̱ma꞉ neke pa꞉ta꞉ kulueke Sadanima꞉ leekeme.

Ma꞉tiu 4:9 ပူးပေါင်းရင်းမြစ်များ

Ma꞉tiu 26:15

honke alo alota꞉ Ikana꞉ma꞉ Yesu minuemena꞉yeke pota꞉ walowa꞉ka꞉na꞉ta꞉ I̱ pa꞉ta꞉ aleke kilimikipe laa leekeme. Koto leeke ikana꞉ma꞉ toopi yata꞉pa silipa mani 30 ipiki pa꞉ta꞉ halemekeme.

Ma꞉tiu 4:10

Koto leeke Yesuma꞉ hombo peaaso alota꞉ Sadani neke puma. Mo Baiboloma꞉ alota꞉ Koda꞉ pa꞉ta꞉ homeke panda꞉puniao yeiya꞉ laaso hata꞉ ipika꞉ kakena꞉ homeke homo hapa꞉peke la꞉la꞉me leekeme.

Dioni 12:31

Ameta꞉ do kenke wanda꞉halina꞉ pi yokaalu pulu pa꞉la꞉ di ipula꞉me. Ameta꞉ do kenkena꞉ tumiki hala꞉ halita꞉ yoka mea lopaalieke.

Dioni 13:3

Yesuma꞉ta꞉ hande ipika꞉ Atekema꞉ ala꞉ta꞉ ala꞉ta꞉ paeyao ipiki pa꞉ta꞉ haleekeeki make ipikita꞉ Koda꞉ yaapo hao a꞉pa Koda꞉ pa꞉ta꞉ polo piekeeki make hone wiekeme.

Dioni 14:30

Do kenkena꞉ you hali epolo pa꞉la꞉ ekina꞉ I̱ma꞉ta꞉ iki pa꞉ta꞉ pi wotu na lolueke. Ipikana꞉ma꞉ta꞉ I̱ pa꞉ta꞉ hau ma꞉nda꞉ pea꞉peke na ya꞉la꞉pate

Dioni 16:11

Mo pi yokaalu pita꞉la꞉eki pa꞉ta꞉ hone u hoeyaasa꞉ ekita꞉ do kenkena꞉ hala꞉ you halita꞉ pi yokaalu peata꞉ oto pa꞉ta꞉ yaala꞉ ekina꞉ loa꞉me.

2 Kotindi 4:4

Ikana꞉ma꞉ hone na tulaasememe. Pa ekipeke do kenkena꞉ hoke koda꞉ma꞉ta꞉ ika꞉ hone manuta꞉ timba꞉ la꞉ pambaena꞉ hala꞉me. Ipikana꞉ma꞉ta꞉ mo ikina꞉ pa̱a̱ peaapeke pa̱a̱ta꞉ handaama꞉na꞉ yeke sa꞉sa꞉ pita꞉la꞉me. Mo Ketiso ota꞉ Koda꞉ma꞉ handeke halina꞉ pa̱a̱na꞉ mo Pi Seliapo pa꞉ta꞉ yama꞉ ipula꞉eki handaama꞉na꞉ yeke pita꞉la꞉me.

1 Timodi 3:6

Handaena꞉ hau pea lopaama꞉na꞉ ipikita꞉ Tekehalina꞉ pi panake mina꞉la꞉ hali na halieke. Mo hande Sadani lopeeke tupa꞉ lopaama꞉na꞉ loa꞉me.

Peneme Yaeyekeeki 19:10

I̱ta꞉ ipiki yeiya꞉ lao yeni puluku alo ipika꞉ anke teke pa꞉ta꞉ panda꞉puniao lopoa꞉ pa꞉ta꞉ ipikana꞉ma꞉ I̱ pa꞉ta꞉ alota꞉ Ei I̱ pa꞉ta꞉ kotoeki na pia꞉pema. I̱ta꞉ e pokaaso naka꞉ yankekee. Kutupa make naka꞉ kamemanu mo Yesuma꞉ peneme yaeya꞉ ota꞉ pimanu miniki haleme wanda꞉halina꞉ yankeke halome. Koda꞉ pa꞉ta꞉ homeke yeiya꞉ laaso hata꞉ yeni pu hapeke laa lea꞉me. Pa ekipeke mo Yesuma꞉ peneme yaeya꞉ ota꞉ ekita꞉ mo potopede haliwekima꞉ alemeeki hone u tiaasa꞉ekie.

Peneme Yaeyekeeki 19:16

Ipika꞉ aka꞉ hokuluna꞉ make ipika꞉ palekena꞉ maketa꞉ biki dupa laeya꞉me. Kini paeyaona꞉ kinie laa Tekehali paeyaona꞉ Tekehalie.