Ma꞉tiu 4:4 - Panake Pi La: Ula: Buka pita: Kine Pieke Buka

⁴ Koto leekepate Yesuma꞉ hombo peaaso alota꞉ Mo Baiboloma꞉ta꞉ Halima꞉ palaowa homeke naa na hapeke ya꞉la꞉pate Koda꞉na꞉ pi paeyao miniki halie ekima꞉ homeke epeke tupa꞉ halieke la꞉la꞉me leekeme.

Ma꞉tiu 4:4 ပူးပေါင်းရင်းမြစ်များ

Ma꞉tiu 15:11

Wanda꞉halita꞉ hama nane ula꞉ alemanu mea naloma꞉eki manuma꞉ iki na hoeyaalo pa꞉la꞉pate tukiki nane wia kake pa꞉ta꞉ opolu baasa꞉ ale manuma꞉ kone wanda꞉hali hoeyaapeke ya꞉la꞉me leekeme.

Ma꞉tiu 4:10

Koto leeke Yesuma꞉ hombo peaaso alota꞉ Sadani neke puma. Mo Baiboloma꞉ alota꞉ Koda꞉ pa꞉ta꞉ homeke panda꞉puniao yeiya꞉ laaso hata꞉ ipika꞉ kakena꞉ homeke homo hapa꞉peke la꞉la꞉me leekeme.

Ma꞉tiu 4:7

Koto leeke Yesuma꞉ ipika꞉ pi hombo peaaso alota꞉ Ota꞉ alepate mo Baiboloma꞉ pi ma꞉nda꞉ta꞉ dupa la꞉la꞉me. Mo Tekehali naka꞉ Koda꞉ta꞉ la handa꞉la꞉eki na pia꞉peke la꞉la꞉me leekeme.

Maka 7:20

Kutupa ipikana꞉ma꞉ alota꞉ Wanda꞉hali tukiki pa꞉ta꞉ wia ipula꞉ ale manuma꞉ wanda꞉hali hoeyao halememe leekeme.

Luku 4:12

Koto leekepate Yesuma꞉ ipika꞉ pi litolo hata꞉ alota꞉ Baibolo pima꞉ta꞉ do la꞉la꞉me. Tekehali naka꞉ Koda꞉ta꞉ na la handa꞉peke laa la꞉la꞉me leekeme.

Luku 4:4

Yesuma꞉ mo Sadanina꞉ pi litolo hata꞉ alota꞉ Mo Baiboloma꞉ alota꞉ Halima꞉ palaowa homeke naa na hapeke ya꞉la꞉me laa la꞉la꞉me leekeme.

Luku 4:8

Koto leeke Yesuma꞉ alota꞉ Mo Baiboloma꞉ dupa la꞉la꞉me. Tekehali naka꞉ Koda꞉ ipiki pa꞉ta꞉ homeke yeni pu hata꞉ e poko hapeke laa la꞉la꞉me leekeme.

Dioni 15:26

Kutu pitelemepate mo Tamba꞉ Mu Hala꞉ Hali ipilieke. Ipikita꞉ Ateke yaapo hala꞉ hali kone I̱ma꞉ tapaalueke. Ipikita꞉ ota꞉ hau pu hala꞉ Temokoe. Ipikita꞉ Ateke pa꞉ta꞉ hao ipilieke. Kutupa yaka pi la꞉ mea halawaasa꞉ wekitisi hali halieke.

Dioni 6:63

Loke mindikima꞉ta꞉ niki tamba꞉ mea꞉peke na yelieke. Mo hande Sipitidima꞉ kone da꞉taapeke ya꞉la꞉me. I̱ma꞉ iki pa꞉ta꞉ loa꞉ pi manuta꞉ Sipitidina꞉eki make da꞉taapekeeki make loa꞉me.

Loma꞉ 15:4

Mo hande Baibolo bukana꞉ wape pa꞉la꞉ ekimanu paeyaota꞉ niki waluekema꞉ wape pea pelememe. Mo hande Baibolo bukana꞉ wape pa꞉la꞉eki manuma꞉ta꞉ niki sutia tia pitolo haena꞉ niki tiao hata꞉ mo hande la꞉ ula꞉ ekimanu yaena꞉yeke handeteke hao hamono ula꞉me.

Epesese 6:17

Kutupa ika꞉ a꞉nda꞉ you aka꞉ta꞉ Koda꞉na꞉ da꞉taasa꞉eki kone pambaapa꞉peke. Kutupa make mo Sipitidi kita꞉la꞉ kepeteta꞉ pa mo Koda꞉na꞉ pimanu kone mea miniki hao hapa꞉peke.