Ma꞉tiu 4:22 - Panake Pi La: Ula: Buka pita: Kine Pieke Buka

²² Kutu pieketa꞉ koto kone ipilika꞉ apa꞉ make mo kawaso make mina꞉pa꞉lao Yesu teli mea pepekeme.

Ma꞉tiu 4:22 ပူးပေါင်းရင်းမြစ်များ

Ma꞉tiu 10:37

Ma꞉nda꞉ hali epima꞉ I̱ pa꞉ta꞉ puki wilia꞉pate pa ipika꞉ pukima꞉ homa꞉la꞉ ekita꞉ ipika꞉ apa꞉ ama꞉ pa꞉ta꞉ titina꞉ amba꞉la wia꞉ka꞉na꞉ta꞉ kota꞉ koto someta꞉ ya disaipolo hali haena꞉ lapeketa꞉ ana꞉ na pa꞉la꞉me. Hali epima꞉ I̱ pa꞉ta꞉ puki wilia꞉pate kone pa ipika꞉ pukima꞉ homa꞉la꞉ ekita꞉ titina꞉ amba꞉la ipika꞉ wekiwandiki pa꞉ta꞉ u haya꞉ka꞉na꞉ta꞉ kota꞉ koto someta꞉ ya disaipolo hali haena꞉ lapeketa꞉ ana꞉ na pa꞉la꞉me.

Ma꞉tiu 4:21

Mo pate leke pulu hata꞉ hama̱la̱꞉ ma꞉nda꞉ Dia꞉mesi Dioni yaapo handeekeme. Ipilika꞉ apa꞉ta꞉ Sepedie. Ipilikita꞉ ipilika꞉ apa꞉ ame̱le̱ kawaso manda pita꞉ ika꞉ tenki numanu epeaaso pitimikime. Kutu polo pitina꞉ta꞉ Yesuma꞉ ipiliki wi leekeme.

Ma꞉tiu 4:23

Yesuma꞉ mo Ka꞉lili kenke paeyao pa꞉ta꞉ pominolo hata꞉ ika꞉ pi hotu haemeke damanu pa꞉ta꞉ pi waleekeme. Ipikana꞉ma꞉ mo Koda꞉na꞉ Kilu Tombuao Hala꞉ ekina꞉ Pi Seliapomanu walolo hata꞉ mo wanda꞉halina꞉ ta꞉ta꞉ ta꞉ta꞉ piki yeni ki paeyao wamo peayekeme.

Maka 1:20

Yesuma꞉ handaata꞉ koto kone Ipupe laa wi leekeme. Koto leekeeki opuata꞉ mo hama̱la̱꞉ma꞉ ipilika꞉ ateke Sepedi make mo e pokaemeke haliweki make palai kawasona꞉ pitina꞉ mina꞉pa꞉lao Yesuna꞉ hoki nane teli mea pepekeme.

Luku 14:26

I̱ telia꞉ mea ipuluekema꞉ ipilimi wanda꞉hali ma꞉nda꞉ hondoma꞉ I̱ ame̱le̱ pominolota꞉ ana꞉ na pa꞉la꞉me. Pate ipikana꞉ma꞉ I̱ pa꞉ta꞉ puki kuluekema꞉ta꞉ ipika꞉ apa꞉ ama꞉ make ipika꞉ wanda꞉ make wekiwandiki make ipika꞉ kame ana꞉ tonu make ipiki tonka꞉na꞉ kiaota꞉ I̱ pa꞉ta꞉ puki tiekema꞉ homea꞉ka꞉na꞉ta꞉ kota꞉ kutu pilia꞉ someta꞉ ana꞉ pa꞉la꞉me leekeme.

Luku 14:33

Yesuma꞉ a꞉mbolo hata꞉ alota꞉ Koto tupa꞉ kone iki ma꞉nda꞉ epima꞉ yaka hoki nane telia꞉ mea ipulueke hone wia꞉ka꞉na꞉ta꞉ kota꞉ ipika꞉ hone pa꞉la꞉ ale paeyao mina꞉pa꞉lao I̱ telia꞉ mea ipilieke leekeme.

Luku 5:11

Koto ekina꞉ta꞉ mo kawaso yola꞉ mea mo ikali tea꞉na꞉ mea wiata꞉ ika꞉ ala꞉ta꞉ ala꞉ta꞉ paeyao mina꞉pa꞉lao Yesuna꞉ hoki nane teli mea pemekeme.

2 Kotindi 5:16

Koto ekina꞉ta꞉ ameta꞉ ma꞉nda꞉na꞉ manda hauna꞉ dupiki somee dupiki somee pi na aloma꞉me. Kenke hali tupa꞉ mo nate ma꞉nda꞉na꞉ Ketisota꞉ dupiki somee o mukutu piki somee loma꞉ ekita꞉ ameta꞉ kotoeki ota꞉ pa na aloma꞉me.