Ma꞉tiu 3:2 - Panake Pi La: Ula: Buka pita: Kine Pieke Buka

² Mo hande hepenina꞉ Kilu Tombuao Hala꞉ ekita꞉ teke pa꞉ta꞉ ya꞉la꞉ma꞉ ika꞉ hoke haumanu paeyao mina꞉pa꞉lao hoki wala꞉pa꞉peke leekeme.

Ma꞉tiu 3:2 ပူးပေါင်းရင်းမြစ်များ

Ma꞉tiu 10:7

Kutupa iki puaata꞉ dupiki pi lapa꞉peke Mo hande Hepenina꞉ Kilu Tombuao Hala꞉ ekita꞉ iki teke pa꞉ta꞉ ta a꞉pa hala꞉ handa꞉pe lapa꞉peke.

Ma꞉tiu 11:20

Mo hande Yesuma꞉ ipika꞉ na handeke haumanu pu hayeke daoni pa꞉ta꞉manu haemeke wanda꞉halima꞉ta꞉ mo haumanu handaa kone ika꞉ hoke haumanu mina꞉pa꞉lao na la꞉ka꞉la꞉lemeke yeke handaa

Ma꞉tiu 12:41

Mo Koda꞉na꞉ pi yokaalu pulu pa꞉la꞉ nate opolo epea꞉ka꞉na꞉ta꞉ mo hande Ninipa wanda꞉halima꞉ Dionana꞉ waleeke pi opua ika꞉ hoke hau mina꞉pa꞉lao puki la꞉ka꞉la haemeke handaata꞉ ikana꞉ma꞉ tiao hata꞉ iki la꞉ mea lopaalieke alome. Pa ekipeke. Ameta꞉ iki pa꞉ta꞉ta꞉ mo hande Diona ota꞉ lombei piki hali ma꞉nda꞉ ta a꞉pa hala꞉ handepe.

Ma꞉tiu 13:11

Yesuma꞉ ika꞉ pi hombo peaaso alota꞉ Mo hepenina꞉ Kilu Tombuao Hala꞉ ekina꞉ a꞉mbao ula꞉ hone manuta꞉ ikita꞉ opua hone wilimipate mo wanda꞉halita꞉ hone na wina꞉yeke onkoluma꞉ pi alome.

Ma꞉tiu 13:24

Koto la paeyeketa꞉ Yesuma꞉ iki pa꞉ta꞉ onkoluma꞉ pi ma꞉nda꞉ta꞉ dupa leekeme. Mo hepenina꞉ Kilu Tombuao Hala꞉ ekita꞉ dupiki hone wia꞉pa꞉peke. Hali homekema꞉ ipika꞉ e pa꞉ta꞉ epeke waemanu tande laa peekeme.

Ma꞉tiu 13:31

Yesuma꞉ta꞉ iki pa꞉ta꞉ onkoluma꞉ pi ma꞉nda꞉ la halolo hata꞉ alota꞉ Mo hepenina꞉ Kilu Tombuao Hala꞉ ekita꞉ dupiki hone wia꞉pa꞉peke. Hali homekema꞉ ipika꞉ e pa꞉ta꞉ mo ki̱mi̱le̱ma꞉ handeke ale masidadi kiliki nokopa peekeme.

Ma꞉tiu 13:33

Yesuma꞉ iki pa꞉ta꞉ onkoluma꞉ pi ma꞉nda꞉ paa la haleekeme dupa. Mo hepenina꞉ Kilu Tombuao Hala꞉ ekita꞉ yisitima꞉ handa꞉la꞉me. Wanda꞉ homekema꞉ mo yisitimanu mea sini tieke tumbiki palaowa tapu dakole pealieke. Kutu pilia꞉ hoki naneta꞉ koto palaowa paeyao pombei ya halieke leekeme.

Ma꞉tiu 13:47

Hepenina꞉ Kilu Tombuao Hala꞉ ekita꞉ do tupa꞉ make ya꞉la꞉me. Mandane ta꞉peli mu haleme haliwekima꞉ ika꞉ tenki nu tieke mea ikali lekena꞉ lopao ta꞉ta꞉ ta꞉ta꞉ piki ta꞉pelimanu paeyao wopu mondu haleme.

Ma꞉tiu 13:52

Koto lemeke opitolo Yesuma꞉ alota꞉ Hali ma꞉nda꞉ epi a꞉nda꞉ma꞉ta꞉ mo amba꞉ la꞉ wieke Lo Pimanu walo hala꞉ hali hata꞉ta꞉ pa mo hepenina꞉ Kilu Tombuao Hala꞉ ekina꞉ hau paeyao miniki hala꞉ hali make haya꞉ka꞉na꞉ta꞉ kota꞉ koto someta꞉ mo da tiekena꞉ tekehali tupa꞉ hata꞉ ipika꞉ momba꞉la nu pindu hao u hala꞉ da panda꞉ pa꞉ta꞉ pua amba꞉ epeke alemanu make panake epeke alemanu make apa꞉tao mea a꞉pa peneme yaasa꞉ somema꞉ handilieke leekeme.

Ma꞉tiu 18:23

Pa ekipeke. Mo hepenina꞉ Kilu Tombuao Hala꞉ ekita꞉ do tupa꞉ ya꞉la꞉me. Kini hali homekema꞉ ipika꞉ e poka꞉la꞉ haliwekina꞉ tondiki manuta꞉ tikitiki yaalueke hone wiekeme.

Ma꞉tiu 20:1

Mo hepenina꞉ Kilu Tombuao Hala꞉ ekita꞉ do tupa꞉e. Nate homeke ma꞉nda꞉na꞉ hali homeke ma꞉nda꞉ma꞉ mandane haliweki yenki haluekema꞉ ipikana꞉ma꞉ ipika꞉ waini pu e pokaena꞉yeke da ka꞉la꞉paaso siki weilu peekeme.

Ma꞉tiu 22:2

Mo hepenina꞉ Kilu Tombuao Hala꞉ ekina꞉ hau pa꞉la꞉ ekita꞉ do tupa꞉ pa꞉la꞉me. Nate homeke ma꞉nda꞉na꞉ mo kini hali homekema꞉ ipika꞉ eiyekena꞉ wanda꞉ hapita꞉la꞉ ne pambaluekema꞉ tikitiki yayekeme.

Ma꞉tiu 23:13

Koto pi laa paeyeketa꞉ Yesuma꞉ alota꞉ Iki Lo Pi ula꞉eki walo haleme haliweki make Pa꞉tisi haliweki make iki paeyaona꞉ hoke yenki tieke ipuleke handolo ekina꞉ I̱ paala꞉e. Ikita꞉ hoke makeaaso yayapiki hau pu haleme haliwekie. Ikana꞉ma꞉ta꞉ mo hepenina꞉ Kilu Tombuao Hala꞉ eki pa꞉ta꞉ honda꞉ pamba꞉la꞉eki kiaaso hata꞉ta꞉ mo poluekema꞉ hone pa꞉la꞉ wanda꞉hali puaama꞉na꞉ ika꞉ leke popelekena꞉ kone mo honda꞉ pambolo peleme pota꞉ pa꞉ta꞉ pota꞉ kake katolao halememe.

Ma꞉tiu 25:1

Yesuma꞉ alota꞉ Koto nate a꞉nda꞉ opolo epea꞉ka꞉na꞉ta꞉ mo hande hepenina꞉ Kilu Tombuao Hala꞉ ekina꞉ hauta꞉ do tupa꞉ pia꞉ka꞉na꞉ handilimikie. Nate ma꞉nda꞉na꞉ kiki yaapo wandiki tonu a꞉nda꞉ma꞉ wanda꞉ mulu pieke hali epeeke manda꞉hande pea handa꞉ mea ipuluekema꞉ ika꞉ ka꞉ta꞉sini ola꞉pake mea mina pemekeme.

Ma꞉tiu 25:14

Yesuma꞉ alota꞉ Mo nate a꞉nda꞉ opolo epea꞉ka꞉na꞉ta꞉ mo hande hepenina꞉ Kilu Tombuao Hala꞉ ekina꞉ hauta꞉ do tupa꞉ pia꞉ka꞉na꞉ handilimikie. Mo hamoko hali homekema꞉ kenke ma꞉nda꞉ pa꞉ta꞉ puluekema꞉ tikitiki yaaso hata꞉ta꞉ ipika꞉ e pokaemeke haliwekima꞉ ipika꞉ ala꞉ta꞉ ala꞉ta꞉ handeteke hawaena꞉ wi leekeme.

Ma꞉tiu 4:17

Koto tomona꞉ta꞉ Yesuma꞉ ipika꞉ pi walolota꞉ dupa Koda꞉na꞉ Kilu Tombuao Hala꞉ ekita꞉ teke pa꞉ta꞉ ya꞉la꞉ma꞉ ika꞉ hoke haumanu hoki walaa la꞉ka꞉la꞉pa꞉peke lo hayekeme.

Ma꞉tiu 4:23

Yesuma꞉ mo Ka꞉lili kenke paeyao pa꞉ta꞉ pominolo hata꞉ ika꞉ pi hotu haemeke damanu pa꞉ta꞉ pi waleekeme. Ipikana꞉ma꞉ mo Koda꞉na꞉ Kilu Tombuao Hala꞉ ekina꞉ Pi Seliapomanu walolo hata꞉ mo wanda꞉halina꞉ ta꞉ta꞉ ta꞉ta꞉ piki yeni ki paeyao wamo peayekeme.

Ma꞉tiu 5:10

Ika꞉ Koda꞉na꞉ hone pa꞉la꞉eki peaaseme ekina꞉ kone mandane wanda꞉halima꞉ iki pa꞉ta꞉ tandamanu halemeka꞉na꞉ta꞉ kota꞉ ikana꞉ma꞉ta꞉ ta꞉na꞉ma꞉ homo halememe. Mo hepenina꞉ Kilu Tombuao Hala꞉ ekita꞉ ika꞉ ekie.

Ma꞉tiu 5:3

Mandane wanda꞉hali epi ikana꞉ma꞉ ika꞉ pukima꞉ Ya temoko teketa꞉ natehali halome hone u haemeka꞉na꞉ta꞉ kota꞉ koto wanda꞉halita꞉ ta꞉na꞉ma꞉ homo halememe. Mo hepenina꞉ Kilu Tombuao Hala꞉ ekita꞉ ika꞉ ekie.

Ma꞉tiu 6:10

Naka꞉ Kilu Tombuao Haleeki do ane opolo epena꞉e. Naka꞉ hone pa꞉la꞉eki oli hepeni nane peao haleme tupa꞉ do kenkena꞉ make peawaenae.

Ma꞉tiu 6:33

Koto pa꞉la꞉ ekina꞉ta꞉ ikana꞉ma꞉ mo Koda꞉na꞉ Kilu Tombuao Hala꞉eki make ipika꞉ tikitiki piki hau make epena꞉ loluekema꞉ yeke titina꞉ amba꞉la weiyu haemeka꞉na꞉ta꞉ kota꞉ Koda꞉ma꞉ mo koto ika꞉ hone peleme ale manuta꞉ iki ana꞉lao ku halieke.

Maka 1:15

Dupa leekeme. Ameta꞉ Koda꞉ ipika꞉ natee. Ameta꞉ Koda꞉ ipika꞉ Kilu Tombuao Hala꞉eki teke pa꞉ta꞉ ya꞉la꞉me laa Hone ma꞉nda꞉ la꞉ka꞉la꞉ mina wiaata꞉ do Pi Seliapo hone tulao hapa꞉peke leekeme.

Maka 1:4

Koto wape pieke tupa꞉ bapitaisi peao hayeke hali Dionima꞉ hapu hayeke alena꞉ a꞉pa hayekeme. Kutupa ipikana꞉ma꞉ wanda꞉hali bapitaisi peaaso hata꞉ pi make wala꞉tiki piekeme. Dupa leekeme. Hone la꞉ka꞉la mina wimika꞉na꞉ta꞉ I̱ma꞉ iki bapitaisi peaalueke. Koto ekina꞉ Koda꞉ma꞉ ika꞉ hoke haumanu paeyaalieke leekeme.

Maka 6:12

Kutupa mo disaipolo haliwekima꞉ puaata꞉ wanda꞉hali pa꞉ta꞉ pi walolo hata꞉ alota꞉ Hone ma꞉nda꞉ la꞉ka꞉la wia꞉pa꞉peke laata꞉

Luku 1:16

Kutupa ipikana꞉ma꞉ Isulai wanda꞉hali wopu pa hatuku ika꞉ Tekehali Koda꞉ pa꞉ta꞉ pelimikie.

Luku 11:20

Dia꞉me. Koda꞉na꞉ honkopu homekema꞉ mo hoke temoko tolu lu halome. Kutu pu halo ekima꞉ta꞉ Koda꞉na꞉ Kilu Tombuao Hala꞉ ekita꞉ iki teke pa꞉ta꞉ amba꞉ a꞉pa꞉la꞉ ekita꞉ peneme yao wala꞉la꞉me.

Luku 13:3

Ota꞉ dia꞉me. I̱ma꞉ iki pa꞉ta꞉ ota꞉ loa꞉me. Iki make ika꞉ piteleme hoke haumanu na kiaemeka꞉na꞉ta꞉ kota꞉ iki make mo hande Ka꞉lili haliweki homemeke tupa꞉ kone homilimikie.

Luku 13:5

Ota꞉ dia꞉me. I̱ma꞉ iki pa꞉ta꞉ ota꞉ loa꞉me. Iki make ika꞉ piteleme hoke haumanu na kiaemeka꞉na꞉ta꞉ kota꞉ koto tapake homemeke tupa꞉ kone homilimikie leekeme.

Luku 15:10

Koto tupa꞉ kone hoke hali homekema꞉ Koda꞉ pa꞉ta꞉ hone ma꞉nda꞉ la꞉ka꞉lea꞉ka꞉na꞉ta꞉ kota꞉ oli Koda꞉na꞉ enisolo manuma꞉ koto ekina꞉ta꞉ ta꞉na꞉ tiekema꞉ homilimikie laa leekeme.

Luku 15:7

I̱ma꞉ iki pa꞉ta꞉ ota꞉ pi alome. Koto tupa꞉ kone oli hepeni naneta꞉ pa mandane 99 hone ma꞉nda꞉ na la꞉ka꞉lapeke epeke tupa꞉ haleme wanda꞉hali pa꞉ta꞉ ta꞉na꞉ma꞉ make homelemepate pa mo hoke hali homekema꞉ hone la꞉ka꞉lea꞉ka꞉na꞉ta꞉ kota꞉ oli hepeni naneta꞉ ota꞉ ta꞉na꞉ tiekema꞉ homilimikie laa leekeme.

Luku 16:30

Hande hamoko halima꞉ ipika꞉ pi hombo peaaso alota꞉ A꞉pa Eipoloha꞉ma꞉o. Kotota꞉ ana꞉ dia꞉me. Pate amba꞉ homeeke hali ma꞉nda꞉ma꞉ paa tiao lolo pea꞉ka꞉na꞉ta꞉ kota꞉ mo haliwekima꞉ ika꞉ hoke hau peleme ekimanu hoki walimikie laa leekeme.

Luku 21:31

Kota꞉ koto tupa꞉ kone hande loa꞉ alemanu ipula꞉eki kini pea handemeka꞉na꞉ta꞉ teke pa꞉ta꞉ Koda꞉na꞉ Kilu Tombuao Hala꞉ Ekita꞉ ipuluekema꞉ hala꞉me hone wilimikie.

Luku 24:47

ipika꞉ bikina꞉ mo hoke hauna꞉ hone la꞉ka꞉la꞉la꞉eki make pa paeyaasa꞉eki make mo Diutuseleme da pa꞉ta꞉ kini pea pua mo kenke honiki paeyao pa꞉ta꞉ haleme wanda꞉hali pa꞉ta꞉ ota꞉ walotia pua꞉pa꞉peke ya꞉la꞉me.

Luku 6:20

Yesuma꞉ ipika꞉ hoki nane tolu haemeke haliweki handolo hata꞉ alota꞉ Natehali wanda꞉halita꞉ ta꞉na꞉ma꞉ homo halememe. Koda꞉na꞉ Kilu Tombuao Hala꞉ ekita꞉ ika꞉ ekie.

Luku 9:2

Kutupa mo haliwekima꞉ Koda꞉na꞉ Kilu Tombuao Hala꞉ ekina꞉ pi walolo hata꞉ yeni haleme wanda꞉hali mea epeawaena꞉ Yesuma꞉ iki tapaeyekeme.

Aposolo 11:18

Mo haliwekima꞉ Pidama꞉ leekeeki opuaata꞉ ika꞉ lota꞉ lota꞉ pimiki pimanu tunkulata꞉ Koda꞉na꞉ pi laaso hata꞉ alota꞉ Koda꞉ma꞉ta꞉ mo Diendaili wanda꞉halima꞉ make hone ma꞉nda꞉ la꞉ka꞉la꞉ mina wia da꞉ta꞉la꞉eki mea꞉pa꞉peke pota꞉ lombolo piekeme lemekeme.

Aposolo 17:30

Hone wopu na wimiki pita꞉ta꞉ Koda꞉ma꞉ pa pina꞉ leekepate ameta꞉ kenke wanda꞉hali paeyao pa꞉ta꞉ta꞉ Ika꞉ hoke hau mina꞉pa꞉lao hone ma꞉nda꞉ la꞉ka꞉la wina꞉ lapa꞉peke ala꞉me.

Aposolo 2:38

Koto lemeke handaa Pidama꞉ iki pa꞉ta꞉ alota꞉ Koda꞉ma꞉ ika꞉ hoke hau peleme ekimanu pa paeyaena꞉yeke hone ma꞉nda꞉ la꞉ka꞉la꞉ mina wiaata꞉ Yesu Ketisona꞉ bikina꞉ bapitaisi hau pea꞉pa꞉peke. Kutu pimika꞉na꞉ta꞉ Koda꞉ma꞉ kilie aleta꞉ mo Holi Sipitidi kilieke.

Aposolo 20:21

Kutupa Diu wanda꞉hali pa꞉ta꞉ make Kitiki wanda꞉hali pa꞉ta꞉ make ika꞉ Koda꞉ pa꞉ta꞉ hone ma꞉nda꞉ la꞉ka꞉la꞉ mina꞉ wiaata꞉ nika꞉ Tekehali Yesu Ketisona꞉ pi miniki haena꞉yeke walo haowa꞉ ekita꞉ handememe lea꞉me.

Aposolo 26:20

Mo Damasikasi da wanda꞉hali pa꞉ta꞉ amba꞉la wala kutupa Diutuseleme da pa꞉ta꞉ make mo Diudia nane paeyao make kutupa Diendaili wanda꞉hali pa꞉ta꞉ make iki paeyaoma꞉ Koda꞉ pa꞉ta꞉ la꞉ka꞉lolo hata꞉ hone ma꞉nda꞉ la꞉ka꞉la witolo epeke haumanu pina꞉yeke pi waloendi pu haowa꞉me.

Aposolo 3:19

Koto pa꞉la꞉ ekina꞉ ika꞉ hoke hau peleme ekimanu Koda꞉ma꞉ honi mea baena꞉yeke ikana꞉ma꞉ hone ma꞉nda꞉ la꞉ka꞉la꞉ mina wiaata꞉ Koda꞉ pa꞉ta꞉ la꞉ka꞉la꞉ mina pua꞉pa꞉peke.

2 Kotindi 7:10

Pa ekipeke mo Koda꞉ma꞉ homo tiaasa꞉ ka꞉nda꞉ma꞉ta꞉ puki topo peaasa꞉eki mea ipulu hata꞉ da꞉ta꞉monoyeke pa꞉ta꞉la꞉la꞉eki pa꞉ta꞉ hatuku pula꞉mee. Koto ekina꞉ta꞉ ma꞉nda꞉ma꞉ koto pa꞉ta꞉ta꞉ I̱ hoeyaasa꞉ ekie pi ma꞉nda꞉ lapeke na ya꞉la꞉me. Pate do kenkena꞉ hau pa꞉ta꞉ ipula꞉ ka꞉nda꞉ma꞉ta꞉ homa꞉la꞉eki handa꞉ u hala꞉me.

Kolosi 1:13

Ipikana꞉ma꞉ niki timba꞉ leke ekina꞉ honkopu pa꞉ta꞉ haoma꞉eki pa꞉ta꞉ pa꞉ta꞉la꞉ mea a꞉pa mo ipika꞉ Eiyekena꞉ kilu tumbuao hala꞉eki pa꞉ta꞉ hatuku epea꞉me.

2 Timodi 2:25

Ipikana꞉ma꞉ mo pi tunkuleleme wanda꞉hali tikitiki yaasota꞉ kimelema꞉ hauma꞉ta꞉ yopu pu halieke. Koto hau a꞉nda꞉ pu haya꞉ka꞉na꞉ta꞉ kota꞉ ikita꞉ Koda꞉ma꞉ iki pa꞉ta꞉ waleke wiaya꞉ka꞉na꞉ta꞉ ika꞉ pukimanu topo pea mo ota꞉ pina꞉ hone ti laemeka꞉na꞉ta꞉

Hibulu 6:1

Mo hande titi panake pa꞉ta꞉ opuma꞉ Ketisona꞉ pi manuna꞉ homeke na ambula u hake pa wina꞉ ipika꞉ pi mandane ekimanu make handa꞉tia pomana꞉e. Da a꞉eyoma꞉ka꞉na꞉ta꞉ oni hande amba꞉ nokopoma꞉ da ka꞉ta꞉ta꞉ pa yoka noka꞉pa꞉tiki noka꞉pa꞉tiki pea꞉peke na ya꞉la꞉me. Koto tupa꞉ kone nikana꞉ma꞉ make mo Koda꞉ pa꞉ta꞉ hone tulaasa꞉ titina꞉ pimanu make mo teke na wiki hau pita꞉la꞉ ekimanu mina꞉pa꞉lao hone la꞉ka꞉la꞉la꞉ ekina꞉ pimanu make

2 Pida 3:9

Mandane wanda꞉halima꞉ hone witolota꞉ Tekehalita꞉ ipika꞉ pi la꞉ ula꞉eki puluekema꞉ta꞉ kesema꞉ pu hala꞉me lo halememe. Kotoeki na piki ipikana꞉ma꞉ta꞉ ikina꞉ a꞉ta꞉ma꞉ homolo yu wia hala꞉me. Pa ekipeke ipikana꞉ma꞉ta꞉ homeke a꞉nda꞉ hoeyaapa꞉na꞉e laata꞉ wanda꞉hali paeyao ika꞉ hoke hau mina꞉pa꞉laena꞉e hone u̱ hala꞉me.

Peneme Yaeyekeeki 2:21

I̱ma꞉ta꞉ ipika꞉ hoke hau hoki walena꞉ waleke haloa꞉pate ipika꞉ loke hoeyaasa꞉ hau pa꞉ta꞉ hoki wala꞉peke ya꞉leke kiaasa꞉me.

Peneme Yaeyekeeki 2:5

Iki pua lopeleme tupa꞉ hone wipee. Ika꞉ hoke hau hoki walaa amba꞉ titina꞉ pimieki paa pipee. Ikana꞉ma꞉ ika꞉ hoke hau hoki na walemeka꞉na꞉ta꞉ I̱ma꞉ iki pa꞉ta꞉ a꞉pa mo ika꞉ ola꞉pake keo panka꞉la꞉ ale ipika꞉ u hala꞉ ale mina꞉pa꞉laena꞉ lolueke.