Ma꞉tiu 27:2 - Panake Pi La: Ula: Buka pita: Kine Pieke Buka

² Kutaata꞉ mo haliwekima꞉ Yesu mea senima꞉ tonkaota꞉ mo hande Loma꞉ Kapomani You hali tieke Pailedi pa꞉ta꞉ hatuku pemekeme.

Ma꞉tiu 27:2 ပူးပေါင်းရင်းမြစ်များ

Kini Pieke 22:9

Kutupa mo hande Koda꞉ma꞉ la haleeke alena꞉ opolo a꞉pa Eipoloha꞉ma꞉ma꞉ oloda a꞉eyaata꞉ ti manda ana꞉ layekeme. Kutupa ipikana꞉ma꞉ ipika꞉ weki tonkao mo olodana꞉ ti manda wiekeme.

Ma꞉tiu 20:19

Koto haliwekima꞉ ipiki kitaaso hata꞉ ipika꞉ lokena꞉ dopi tao yumbua baota꞉ homena꞉ lilimikie. Kutupa ipikita꞉ nate tepo wiaata꞉ paa tiao da꞉taa halieke leekeme.

Ma꞉tiu 28:14

Kutupa koto lelimi pi a꞉nda꞉ mo Kapomani tiekema꞉ opia꞉ka꞉na꞉ta꞉ kota꞉ nikana꞉ma꞉ ika꞉ hoke hau na peleme ekita꞉ ipiki pa꞉ta꞉ epeke tupa꞉ pua la halumekema꞉ hone na wia꞉pa꞉peke lemekeme.

Luku 13:1

Koto natena꞉ta꞉ koto pa꞉ta꞉ haemeke mandane haliwekima꞉ Yesu pa꞉ta꞉ a꞉pa mo Pailedima꞉ Ka꞉lili mandane haliwekita꞉ ika꞉ hotekemanu lia Koda꞉ pa꞉ta꞉ halolo haena꞉ kone lieke ekina꞉ pi la halemekeme.

Luku 20:20

Koto ekina꞉ yeketa꞉ ikana꞉ma꞉ pota꞉ ma꞉nda꞉ weitolo hata꞉ mandane haliwekima꞉ lota꞉ pita꞉la꞉eki manuma꞉ Yesu tamena꞉yeke ma꞉na꞉ yapa꞉ pimikime. Mo haliweki pa꞉ta꞉ alota꞉ Makeaaso hata꞉ kone ikana꞉ma꞉ homu piki pimanu alememe hone wina꞉ lota꞉ pulu pupe lemekeme. Ika꞉ hone tukiki pa꞉ta꞉ta꞉ Koto lota꞉ pilimi ekima꞉ pa makeaaso hata꞉ Yesuna꞉ kiki tondoliki honda꞉ lia mo Loma꞉na꞉ Kapomani You halina꞉ kiki nane hala꞉ monealumeke laa honema꞉ pimikime.

Luku 23:1

Mo hande tapake paeyao tiao Yesuta꞉ mo Pailedi pa꞉ta꞉ hatuku puaata꞉

Luku 23:12

Amba꞉ta꞉ Hetodi pita꞉ Pailedi yaapota꞉ a꞉nda꞉ tunkula alu pea haepekepate koto natena꞉ta꞉ ta꞉ma꞉ni pipikime.

Luku 3:1

Mo Loma꞉ Kapomani titina꞉ You hali Sisa Taibitiasi ipika꞉ bapi 15 peao handeteke hayeke da yu paeyaota꞉ pa handeteke hayekeme. Koto pita꞉ma꞉ta꞉ ipikana꞉ma꞉ mea haena꞉ leeke Kapomani you haliweki manuma꞉ ika꞉ handeteke hatia epena꞉ leeke kenke manuta꞉ dupa handeteke haemekeme. Pontiasi Pailedita꞉ Diudia kenke handeteke hayekeme. Hetodita꞉ Ka꞉lili kenke handeteke hayekeme. Kutupa Hetodina꞉ hameke Pilipita꞉ Idulia make Data꞉kenaidisi koto kenke yaapo handeteke hayekeme. Laisaniasita꞉ Abilini kenke handeteke hayekeme.

Dioni 18:12

Mo ami haliweki ika꞉ you hali tonka꞉na꞉ mo Diu wanda꞉halina꞉ tembolo da handeteke haemeke haliweki make ikana꞉ma꞉ Yesu da꞉ka꞉pa꞉ minaata꞉ puma꞉ tonkao

Dioni 18:24

Koto ekina꞉ A꞉nasima꞉ta꞉ Yesuta꞉ tonkao pelia haena꞉ kone mo yeni peao haemeke you haliwekina꞉ you hali Kaiya꞉pasi pa꞉ta꞉ tapaeyekeme.

Dioni 18:28

Kaiya꞉pasi hayeke alena꞉ mina꞉pa꞉lao mo Kapomani You halina꞉ da pa꞉ta꞉ Yesu hatuku mea pemekeme. Da panake ka꞉la꞉polo haena꞉ mea pemekeme. Diu haliwekima꞉ta꞉ mo Lombei Pupa Yapeeke ekina꞉ ne pambemekeeki noluekema꞉ iki hoeyaama꞉na꞉ ika꞉ nindi pelemeeki hone witolo hata꞉ mo da tukiki pa꞉ta꞉ na peke hama꞉ nane pa haemekeme.

Aposolo 12:6

Hetodima꞉ Pida mea a꞉pa waluekema꞉ haena꞉ timba kone Pidata꞉ mo ami hali yaapo ame̱le̱ seni pu yaapoma꞉ endialu pea tukiki pa꞉ta꞉ peliekeme. Kutupa pota꞉ hama꞉ nane hata꞉ kade haliwekima꞉ mo dipula da handeteke hatiki ombu pimikime.

Aposolo 21:33

Kutupa mo hande a꞉nda꞉ tumiki halima꞉ a꞉pa Polo minata꞉ seni pu yaapoma꞉ hotape leekeme. Kutupa Polota꞉ hane halipe eki hau pia꞉pe laa lota꞉ piekeme.

Aposolo 22:25

Kutu piekepate puma꞉ Polo tonkaemeke pita꞉ Poloma꞉ ipiki teke pa꞉ta꞉ hayeke ami opisa hali ma꞉nda꞉ pa꞉ta꞉ alota꞉ Loma꞉ da pamodi mea wia hala꞉ halita꞉ pi yokaalu na piki yumbolo hauta꞉ ana꞉ pa꞉la꞉pe laa leekeme.

Aposolo 22:29

Hande Polona꞉ pu hayeke ekina꞉ teke weilu pimiki haliwekima꞉ koto leekeeki opuaata꞉ kuta kone yola꞉ pamba tikitiki pua꞉tiki pua haemekeme. Kutupa mo a꞉nda꞉ tumiki hali make Polota꞉ hande Loma꞉ pamodi wia hala꞉ hali mea tonkao pua꞉ka꞉ta꞉me laa paala꞉ma꞉ homeekeme.

Aposolo 24:27

Kutupa hao bapi yaapo yapeeketa꞉ Pilikisima꞉ kapomani you hali haya꞉ ekita꞉ pa Posiasi Pesitasima꞉ miekeme. Kutu pieketa꞉ Pilikisima꞉ta꞉ mo Diu haliweki ta꞉na꞉ma꞉ homaaluekema꞉ Polota꞉ dipula pa pita꞉ pelia haena꞉ laa peekeme.

Aposolo 28:20

Koto ekina꞉ I̱ma꞉ iki wi la handolo pi loluekema꞉ loa꞉me. Isulai wanda꞉halima꞉ hone wilimi ekina꞉ do seni puma꞉ I̱ tonkaeya꞉me lea꞉me.

Aposolo 3:13

Eipoloha꞉ma꞉ Aisa꞉ke Dieikope ika꞉ Koda꞉ta꞉ nika꞉ apa꞉ titina꞉ Koda꞉ma꞉ kone mo wele pita꞉la꞉eki ipika꞉ e pokaeyeke hali Yesuna꞉ biki mea a꞉meiyaaso hata꞉ haleekeme. Kutu pa꞉la꞉pate ikana꞉ma꞉ Pailedi pa꞉ta꞉ luekema꞉ hatuku pua Pailedima꞉ta꞉ paa pena꞉ loluekema꞉ taapolo haena꞉ kone ikana꞉ma꞉ luekema꞉ taapeme hali ipikina꞉ loa꞉me.

Aposolo 4:27

Ota꞉ leekeme laata꞉ Do daoni tieke pa꞉ta꞉ Hetodi pita꞉ Pontiasi Pailedi yaapoma꞉ make mo Diendaili haliweki pita꞉ Isulai wanda꞉hali ame̱le̱ make paeyaoma꞉ momba꞉laata꞉ naka꞉ yakopiki E Pokaeya꞉ Halita꞉ hande Ketiso haena꞉ lele hali Yesu mea lopaaluekema꞉ tiao haememe.

Aposolo 9:2

Kutu putia mo yeni peao haemeke you haliwekina꞉ you hali pa꞉ta꞉ pua alota꞉ Mo Damasikasi nane pi hotu haleme damanu pa꞉ta꞉ do hande panake hau piteleme wanda꞉hali dipula mea Diutuseleme nane mea ipuluekema꞉ loa꞉ma꞉ pase kie laa pua honke leekeme.

1 Timodi 6:13

Mo ala꞉ta꞉ ala꞉ta꞉ paeyao da꞉taa wina꞉ la꞉la꞉ Koda꞉na꞉ leke popelekena꞉ hata꞉ make mo hande Pontiasi Pailedi pa꞉ta꞉ ota꞉ pi leeke Ketiso Yesu ipika꞉ leke popelekena꞉ hata꞉ make I̱ma꞉ neke pa꞉ta꞉ dupa alome.

2 Timodi 2:9

I̱ma꞉ do Pi Seliapo walo halo ekina꞉ ka꞉nda꞉ tieke mu halome. Kutaa make I̱ta꞉ pi yamba꞉la꞉la꞉ hoke hali leke seni puma꞉ tonkao uleke halome. I̱ta꞉ koto pa꞉leke halopate pa Koda꞉na꞉ pita꞉ kutupe seni puma꞉ na tonkao ula꞉me.

Hibulu 13:3

Mo dipula haena꞉ la꞉la꞉ wanda꞉halina꞉ ka꞉nda꞉ta꞉ nika꞉eki kone hone witolo hata꞉ iki hone na yonka꞉lapa꞉peke. Koto tupa꞉ kone mo mandane tanda no haleme wanda꞉hali make hone na yonka꞉lapa꞉peke.