Ma꞉tiu 23:29 - Panake Pi La: Ula: Buka pita: Kine Pieke Buka

²⁹ Iki mo Lo Pi ula꞉eki walo haleme haliweki make Pa꞉tisi haliweki make iki paeyaona꞉ hoke yenki tieke ipuleke handolo ekina꞉ I̱ paala꞉e. Ikita꞉ hoke makeaaso yayapiki hau pu haleme haliwekie. Ikana꞉ma꞉ mo amba꞉ homemeke potopede hali manuna꞉ lapa꞉ mandata꞉ epeke toopi da siki a꞉eyo make mo amba꞉ ota꞉ epeke hau pu hao homemeke wanda꞉halina꞉ nimina tiaasa꞉ a꞉emeke pa hala꞉ ale manuna꞉ au laaso ombu hao halememe.

Ma꞉tiu 23:29 ပူးပေါင်းရင်းမြစ်များ

Aposolo 2:29

Kametitio. Iki pa꞉ta꞉ mo nika꞉ apa꞉ Deipidina꞉ do ota꞉ pimanu alome. Ipikita꞉ amba꞉ kone homeeke handa mea hoimikipate pa ame make hande hoimiki alena꞉ hando haloma꞉me.

Ma꞉tiu 23:27

Iki mo Lo Pi ula꞉eki walo haleme haliweki make Pa꞉tisi haliweki make iki paeyaona꞉ hoke yenki tieke ipuleke handolo ekina꞉ I̱ paala꞉e. Ikita꞉ hoke makeaaso yayapiki hau pu haleme haliwekie. Ikita꞉ mo hama nane ota꞉ hakepiki ma꞉na꞉ kenke liala꞉ hali lapa꞉da tupa꞉ halememe. Koto hali lapa꞉da manuta꞉ hama꞉ naneta꞉ epeke hau pea hake pea ula꞉pate tukiki pa꞉ta꞉ta꞉ hali toko tandepeke holiki manuma꞉ tumbao u hala꞉me.

Ma꞉tiu 23:28

Koto hali lapa꞉da tupa꞉ta꞉ wanda꞉halina꞉ leke popelekena꞉ ika꞉ lokema꞉ piteme hau manuta꞉ ota꞉ epeke hau pu hala꞉ haliweki leke halemepate oni tukiki pa꞉ta꞉ta꞉ makea makea hau make hoke hoke hau manuma꞉ make tumbulu baalememe.

Ma꞉tiu 23:30

Kutu pitolo hata꞉ ikana꞉ma꞉ ika꞉ honema꞉ta꞉ Mo hande ika꞉ apa꞉mei tonu haemeke toma꞉na꞉ haoma꞉ka꞉na꞉ yoluta꞉ kota꞉ nikana꞉ma꞉ mo hande potopede haliweki lia homaema꞉ tupa꞉ na lia꞉tiki pulu puma꞉me laa lo halememe.