Ma꞉tiu 20:3 - Panake Pi La: Ula: Buka pita: Kine Pieke Buka

³ Kutupa mo somema꞉ paa 9 koloka꞉ tupa꞉ paa la꞉ka꞉la mo makedi hama pua koto pa꞉ta꞉ mo mandane e na pokaemeke haliwekimanu handa꞉ wiekeme.

Ma꞉tiu 20:3 ပူးပေါင်းရင်းမြစ်များ

Ma꞉tiu 20:2

Mandane haliweki handa꞉ wia ipikana꞉ma꞉ alota꞉ Ikana꞉ma꞉ mulupeleme manita꞉ nate homekena꞉ 1 kina kulueke leekeeki opitolo haena꞉ iki paeyaoma꞉ homeke hone wimiki handaata꞉ mo e pa꞉ta꞉ tapaeyekeme.

Ma꞉tiu 20:4

Kota꞉ ipikana꞉ma꞉ koto haliweki pa꞉ta꞉ alota꞉ Ikana꞉ma꞉ ya e pua pokaemeka꞉na꞉ta꞉ I̱ma꞉ iki pa꞉ta꞉ yenki ota꞉ ana꞉na꞉ kone kulueke leekeme.

Maka 15:25

Nate wenokona꞉ haena꞉ Yesu mo a꞉ka꞉tei wapepiki tina꞉ tamendiaemekeme.

Aposolo 16:19

Kutu pia꞉pate mo wandiki ipika꞉ teke haliwekima꞉ta꞉ Nika꞉ hone pia꞉ ekina꞉ mani mia꞉tiki puma꞉ ekita꞉ ameta꞉ paeya꞉me laa hone wiaata꞉ Polo Sailasi yaapo da꞉ka꞉pa꞉ minaata꞉ makedi pa꞉ta꞉ yola꞉ mea pua you haliweki pa꞉ta꞉ pitaemekeme.

Aposolo 2:15

Mandane haliweki ika꞉ honema꞉ta꞉ do haliwekita꞉ hoke ikali naa keaaso pitelememe alemepate dia꞉me. Ameta꞉ pa 9 okoloko nate minolo haena꞉ kone haloma꞉me.

1 Timodi 5:13

Kutaa make kutupiki kosa꞉piki wanda꞉wekima꞉ da yalayala pu pominolo hata꞉ ika꞉ e poka꞉peke natemanu hoeyaalememe. Koto hau homeke dia꞉pate ikana꞉ma꞉ kotoeki ota꞉ lombeipiki hoke hau ma꞉nda꞉ta꞉ dupa. Mandane wanda꞉halina꞉ hau hotiata꞉ la꞉ mundula mundula pitolo hata꞉ mo ota꞉ lapeke na ya꞉la꞉ ekimanu la꞉ tiatia pu halememe.

Hibulu 6:12

Ikana꞉ma꞉ soka꞉la꞉ homeleme wanda꞉hali hamena꞉ niki hone na pa꞉la꞉me. Kotoeki na pikita꞉ mo hande mandane wanda꞉hali ika꞉ hone tulaemeke hauma꞉ make ika꞉ epeke tupa꞉ yu wia haemeke hauma꞉ make koto hau yaapo pa꞉ta꞉ yama꞉ mo hande Koda꞉ma꞉ la꞉ ula꞉ ekimanu mu haemekeme. Koto wanda꞉halina꞉ hauta꞉ ikana꞉ma꞉ handa꞉ muemena꞉ hone witoloma꞉me.