Ma꞉tiu 2:18 - Panake Pi La: Ula: Buka pita: Kine Pieke Buka

¹⁸ Mo Lama kenke naneta꞉ pi ho̱la̱꞉make ma꞉nda꞉ opitelememe. Wanda꞉ homeke ma꞉nda꞉ma꞉ ka꞉nda꞉ tiekema꞉ homolo hata꞉ e̱ tieke ala꞉me. Leisoloma꞉ ipika꞉ wekiwandikina꞉ e̱ tieke ala꞉me. Ipika꞉ wekiwandiki paeyao homemeke handaa wanda꞉weki ma꞉nda꞉ma꞉ ipiki ta꞉na꞉ma꞉ homa꞉tiao tamba꞉ mina꞉ lapeketa꞉ kiaasa꞉me laa leekeme.

Ma꞉tiu 2:18 ပူးပေါင်းရင်းမြစ်များ

Kini Pieke 37:30

Ipikita꞉ ipika꞉ hameke tonu pa꞉ta꞉ pua alota꞉ Mo wekita꞉ hande naku pa꞉ta꞉ na pila꞉ma꞉ I̱ma꞉ta꞉ eki pulua꞉pe leekeme.

Kini Pieke 42:36

Ika꞉ apa꞉ma꞉ mo wekitonu pa꞉ta꞉ alota꞉ Ika꞉ honema꞉ta꞉ yaka wekiwandiki paeyao alu pano pitelemepe. Diosepe pa꞉la꞉me. Simiono make pa꞉la꞉me. Ameta꞉ Benisamini mea polukuma꞉ alemepe. I̱ta꞉ mo teto minolo somee leekeme.

Ma꞉tiu 2:17

Do hau paeyao pieke ekita꞉ mo hande amba꞉ potopede Dietemaiyama꞉ la꞉ wiekeeki yaeyekeme. Koto ipikana꞉ma꞉ leeke pita꞉ dupa

Luku 8:52

Koto da pa꞉ta꞉ pitimiki wanda꞉hali paeyaoma꞉ta꞉ mo wandikina꞉ e̱ alo hata꞉ homa꞉ wia pitimikime. Yesuma꞉ mo wanda꞉hali pa꞉ta꞉ alota꞉ E̱ na lapepe. Do wandiki sikita꞉ ota꞉ na homa꞉la꞉pate pa u peliolo hata꞉ pa꞉la꞉me leekeme.

Peneme Yaeyekeeki 8:13

Kutupa handoa꞉pate oli ya pa꞉ta꞉ a̱e̱ya̱ ida tieke anekema꞉ alota꞉ A꞉pee. A꞉pee. Mo mandane enisolo tepoma꞉ ika꞉ bu kanake lia꞉ka꞉na꞉ta꞉ do kenkena꞉ haleme wanda꞉halita꞉ ekipiki tanda tieke piki ka꞉nda꞉manu milimikipe.