Ma꞉tiu 17:4 - Panake Pi La: Ula: Buka pita: Kine Pieke Buka

⁴ Koto ekina꞉ta꞉ Pidama꞉ Yesu pa꞉ta꞉ alota꞉ Tekehalio. Do pa꞉ta꞉ haloma꞉ ekita꞉ a꞉pa꞉la꞉me. Koto ekina꞉ naka꞉ hone pia꞉ka꞉na꞉ta꞉ I̱ma꞉ sale da tepo a꞉eyono lae laata꞉ Homeke naka꞉eki ma꞉nda꞉ Mosesina꞉eki ma꞉nda꞉ Elaidiana꞉eki pea a꞉eyono lae leekeme.

Ma꞉tiu 17:4 ပူးပေါင်းရင်းမြစ်များ

Ma꞉tiu 17:3

Kutupa Elaidia Mosesi yaapo opolo a꞉paata꞉ Yesu ame̱le̱ pi pi alo haemekeme. Kutu pitolo haena꞉ koto hoki nane tolu haemeke hali tepoma꞉ handemekeme.

Luku 9:33

Koto ekina꞉ta꞉ hali yaapota꞉ Yesu mina꞉pa꞉lao poluekema꞉ pulu haena꞉ laata꞉ Pidama꞉ Yesu pa꞉ta꞉ alota꞉ Tekehalio. Niki do pa꞉ta꞉ haloma꞉ ekita꞉ ota꞉ epeke epomekeme. Topu da tepo a꞉eyamono lae. Ma꞉nda꞉ naka꞉eki. Ma꞉nda꞉ Mosesina꞉eki. Ma꞉nda꞉ Elaidiana꞉eki pea a꞉eyamono lae leekeme. Pidama꞉ leeke pi manuta꞉ hone wotu na wiki hata꞉ leekeme.

Dioni 17:24

Apa꞉o. Do haliwekita꞉ nakana꞉ma꞉ I̱ pa꞉ta꞉ keleme. Koto pele ekina꞉ I̱ halo alena꞉ iki make koto pa꞉ta꞉ haena꞉ yaka pa̱a̱ piki biki tieke moloeki handena꞉yeke I̱ma꞉ hone pa꞉la꞉me. Koto biki tieketa꞉ nakana꞉ma꞉ keleekie. Do kenke a̱i̱ na wepieke dina꞉ kone I̱ pa꞉ta꞉ pukima꞉ homele ekina꞉ keleme.

Dioni 7:2

Hande Sale damanu pa꞉ta꞉ haemeke ekina꞉ ne pambolo pimiki di tekepa꞉ta꞉ yeekeme.

Pilipai 1:23

Ale yaapoma꞉ yola꞉ alu pita꞉la꞉me. Do kenkena꞉ haloeki mina꞉pa꞉lao Ketiso yaapo pua hapeketa꞉ hone wotu pa꞉la꞉me. Kutupa make do polueke alo ekita꞉ I̱ pa꞉ta꞉ta꞉ ota꞉ epekeeki ya꞉la꞉pate

1 Dioni 3:2

Ota꞉ yaka ta꞉ma꞉ni sunuo. Nikita꞉ ameta꞉ Koda꞉na꞉ wekiwandiki ya꞉la꞉pate pa mo wetepena꞉ halo polome ekita꞉ a̱i̱ na peneme yaala꞉me. Koto pa꞉la꞉pate mo Ketiso opolo ipilia꞉ dina꞉ta꞉ nikita꞉ ipikima꞉ kone handulumeke. Pa ekipeke ipikita꞉ ota꞉ ipika꞉ hala꞉eki nika꞉ lekema꞉ handolo polome ekina꞉ loa꞉me.

Peneme Yaeyekeeki 21:23

Mo daonina꞉ta꞉ nate o kaisepo ma꞉nda꞉ pa̱a̱ pealuekema꞉ opa꞉peke na ya꞉me. Pa ekipeke mo Koda꞉na꞉ au la꞉la꞉ pa̱a̱ta꞉ koto pa꞉ta꞉ pa̱a̱ pu hala꞉me. Kutupa mo daonina꞉ ola꞉paketa꞉ mo Sipisipi Ma꞉na꞉ Ikiki ya꞉me.