Ma꞉tiu 17:3 - Panake Pi La: Ula: Buka pita: Kine Pieke Buka

³ Kutupa Elaidia Mosesi yaapo opolo a꞉paata꞉ Yesu ame̱le̱ pi pi alo haemekeme. Kutu pitolo haena꞉ koto hoki nane tolu haemeke hali tepoma꞉ handemekeme.

Ma꞉tiu 17:3 ပူးပေါင်းရင်းမြစ်များ

Ma꞉tiu 17:2

Kutupa ikana꞉ma꞉ handa꞉ pelia haena꞉ Yesuna꞉ loke wonu piliekeme. Ipika꞉ leke popeleketa꞉ nate pa̱a̱ pita꞉la꞉ tupa꞉ pa̱a̱ piekeme. Kutupa ipika꞉ daumanu make pa̱a̱ peaata꞉ hake wopu piekeme.

Ma꞉tiu 17:4

Koto ekina꞉ta꞉ Pidama꞉ Yesu pa꞉ta꞉ alota꞉ Tekehalio. Do pa꞉ta꞉ haloma꞉ ekita꞉ a꞉pa꞉la꞉me. Koto ekina꞉ naka꞉ hone pia꞉ka꞉na꞉ta꞉ I̱ma꞉ sale da tepo a꞉eyono lae laata꞉ Homeke naka꞉eki ma꞉nda꞉ Mosesina꞉eki ma꞉nda꞉ Elaidiana꞉eki pea a꞉eyono lae leekeme.

Maka 9:4

Kutupa Elaidia Mosesi yaapo opolo a꞉paata꞉ Yesu ame̱le̱ pi pi lo haemekeme. Kutu pitolo haena꞉ koto disaipolo hali tepoma꞉ handemekeme.

Luku 1:17

Ipikita꞉ Tekehalina꞉ tapaalia꞉ hali pua hata꞉ta꞉ hande Elaidia tupa꞉ honkopu hao wele pitolo hata꞉ kutupa wekiwandiki ateke ameda titi make paa mea apa꞉taota꞉ mo hande pi na opueleme wanda꞉halima꞉ tikitiki piki hone wina꞉yeke mea la꞉ka꞉laota꞉ mo hande Tekehalina꞉ epolo pa꞉la꞉ dina꞉yeke ipika꞉ wanda꞉hali mea tikitiki yao haena꞉ lelieke leekeme.

Luku 16:16

Mo Lo Pi wieke ekimanu make mo hande potopede haliwekima꞉ wape pimiki ekimanu make la꞉tia a꞉pa hande bapitaisi peao hayeke hali Dionima꞉ walo paeyaeyekeme. Koto natena꞉ kini pu mea a꞉pa ame do natena꞉ kone Koda꞉na꞉ Kilu Tombuao Hala꞉ ekina꞉ Pi Seliapota꞉ wala꞉tia pu haleketa꞉ kota꞉ mo wanda꞉hali aneke hapuma꞉ koto pa꞉ta꞉ ipuluekema꞉ honkopu wotu halememe leekeme.

Luku 24:27

Kutupa Yesuma꞉ iki pa꞉ta꞉ mo Baibolo paeyaona꞉ ipika꞉ pi lao ula꞉eki paeyao la haleekeme. Ipikana꞉ma꞉ mo Mosesina꞉ buka manuna꞉ kini pea a꞉pa mo potopede manuma꞉ lao wieke ekimanu lo paeyaeyekeme.

Luku 24:44

Kutupa Yesuma꞉ iki pa꞉ta꞉ alota꞉ Do hau manuta꞉ hande I̱ ame̱le̱ haeme dina꞉ la kua꞉ ekimanue. Mo hande Mosesina꞉ Lo Pi wape pea ula꞉ ekina꞉ make hande potopede haliwekima꞉ wape pea ula꞉ ekina꞉ make hande Emeli bukana꞉ wape pea ula꞉ ekina꞉ make I̱na꞉ lao ula꞉eki manuta꞉ ota꞉ yaapeke ya꞉la꞉me leekeme.

Luku 9:33

Koto ekina꞉ta꞉ hali yaapota꞉ Yesu mina꞉pa꞉lao poluekema꞉ pulu haena꞉ laata꞉ Pidama꞉ Yesu pa꞉ta꞉ alota꞉ Tekehalio. Niki do pa꞉ta꞉ haloma꞉ ekita꞉ ota꞉ epeke epomekeme. Topu da tepo a꞉eyamono lae. Ma꞉nda꞉ naka꞉eki. Ma꞉nda꞉ Mosesina꞉eki. Ma꞉nda꞉ Elaidiana꞉eki pea a꞉eyamono lae leekeme. Pidama꞉ leeke pi manuta꞉ hone wotu na wiki hata꞉ leekeme.

Dioni 1:17

Koda꞉ma꞉ta꞉ mo hande Lo Pimanu niki pa꞉ta꞉ la kina꞉yeke Mosesi pa꞉ta꞉ la haleekeme. Kutu piekepate pa a꞉ta꞉ma꞉ homa꞉la꞉eki make ota꞉ hau pita꞉la꞉eki make Yesu Ketisoma꞉ mea a꞉paeyekeme.