Ma꞉tiu 11:30 - Panake Pi La: Ula: Buka pita: Kine Pieke Buka

³⁰ Do I̱ma꞉ ika꞉ peiyokona꞉ tuemena꞉ mea tiaaso tima꞉ta꞉ ika꞉ peiyoko na hoeyaalieke. Kutaa mo I̱ma꞉ mea tipe alo ka꞉nda꞉ta꞉ ka꞉nda꞉ wopu na piki yapa꞉ pilieke alome leekeme.

Ma꞉tiu 11:30 ပူးပေါင်းရင်းမြစ်များ

Ma꞉tiu 12:1

Hosikima꞉ hao hao pea hoki naneta꞉ Yesu ipika꞉ hoki nane telimiki haliweki ame̱le̱ Diu wanda꞉halina꞉ hoto pila꞉ nate homekena꞉ mo widi e manuna꞉ pulu hata꞉ta꞉ mo disaipolo haliwekima꞉ iki tea꞉ pieke handaa widina꞉ kilikimanu honda꞉mipi pea nemekeme.

Dioni 16:33

Do la kitolo pita꞉ ikana꞉ma꞉ I̱ yaapo ta꞉ma꞉ni pea hata꞉ puki lopa꞉niao hamina꞉yeke la loa꞉me. Kenke wanda꞉halima꞉ iki pa꞉ta꞉ tanda kulu pelemepate honkopu hao hapa꞉peke. Do kenkena꞉ pita꞉la꞉ hau manuta꞉ I̱ma꞉ amba꞉ bepolao ulume leekeme.

Aposolo 15:10

Koto ekina꞉ Koda꞉ma꞉ pa꞉la꞉eki handa kone ameta꞉ pa ekipeke Koda꞉ la handuluekema꞉ hone witelemepe. Nika꞉ apa꞉meima꞉ make nikana꞉ma꞉ kone make mea꞉peke na yeke ka꞉nda꞉ pa꞉la꞉eki kone pa ekipeke mo hande hone tulaaseme wanda꞉hali pa꞉ta꞉ ka꞉nda꞉ma꞉ homena꞉ alemepe.

Aposolo 15:28

Mo Holi Sipitidima꞉ make nika꞉ honema꞉ make iki pa꞉ta꞉ ka꞉nda꞉ma꞉ na homaake pa do pimanu siki homeke a꞉pa꞉la꞉ma꞉ opua꞉pe aloma꞉me.

2 Kotindi 4:17

Kutupa do hosiki pa ta꞉ka꞉li minoloma꞉ ka꞉nda꞉ manuma꞉ta꞉ koto ka꞉nda꞉ ota꞉ lombeipiki pa u halopa꞉la꞉ seliapo piki pa̱a̱ mea ipilieke.

Ka꞉leisia 5:1

Ota꞉ ka꞉la꞉pa꞉ tapao hamono Ketisoma꞉ niki ka꞉la꞉pa꞉ tapaala꞉me. Koto pa꞉la꞉ ekina꞉ta꞉ ka꞉la꞉pa꞉ tapaala꞉ wanda꞉hali tupa꞉ taka꞉lao hata꞉ mo pa hameke e pokaaseme wanda꞉hali tupa꞉ paa na hapa꞉peke.

Ka꞉leisia 5:18

Koto pa꞉la꞉pate kota꞉ mo Sipitidima꞉ iki hatuku pu haya꞉ka꞉na꞉ta꞉ kota꞉ mo Lo Pi ula꞉ ekima꞉ta꞉ iki na tombuao hala꞉me.

Pilipai 4:13

Do hau paeyaota꞉ Ketisoma꞉ ka꞉la꞉ welema꞉ bepolatia a꞉pa polome.

1 Dioni 5:3

Nika꞉ Koda꞉ pa꞉ta꞉ pukima꞉ homoloma꞉ ekima꞉ta꞉ kota꞉ ipika꞉ pi ula꞉eki opua pitoloma꞉eki konee. Kutupa ipika꞉ mana꞉ pi manuma꞉ta꞉ niki ka꞉nda꞉ na peaasa꞉me.