Ma꞉tiu 11:3 - Panake Pi La: Ula: Buka pita: Kine Pieke Buka

³ Mo haliwekima꞉ Yesu pa꞉ta꞉ a꞉pa alota꞉ Do nika꞉ lota꞉ pita꞉la꞉eki ota꞉ la kuelena꞉e. Dionima꞉ hali ma꞉nda꞉ ipilieke lea꞉ halita꞉ nekepe o ma꞉nda꞉ epena꞉ yu wia hamonope leekeme.

Ma꞉tiu 11:3 ပူးပေါင်းရင်းမြစ်များ

Kini Pieke 12:3

Mo neke epealimi wanda꞉halita꞉ I̱ma꞉ epealo polopate. Mo neke pa꞉ta꞉ esihou pi lelimi wanda꞉halita꞉ kota꞉ I̱ma꞉ iki pa꞉ta꞉ esihou pi laalueke. Kutupa neke pa꞉ta꞉ yama꞉ta꞉ mo tutu ta꞉ta꞉ ta꞉ta꞉ paeyao epealueke leekeme.

Kini Pieke 3:15

Kutupa I̱ma꞉ neketa꞉ mo wanda꞉ yaapo a꞉nda꞉ tunkula꞉ alu peao ipika꞉ monduma꞉ monduma꞉ pilia꞉ wekiwandikima꞉ make naka꞉ ekima꞉ make a꞉nda꞉ tunkula꞉ alu alu pu haena꞉ lolueke. Ipikana꞉ma꞉ naka꞉ you da꞉ka꞉pa꞉ tombuaeya꞉ka꞉na꞉ta꞉ nakana꞉ma꞉ ipika꞉ anke kinuku handulu nelipikie leekeme.

Kini Pieke 49:10

Diudama꞉ta꞉ mo kinina꞉ minu hala꞉ dolo miniki halieke. Kutupa ipika꞉ monduma꞉ monduma꞉ pilia꞉ wekiwandikina꞉ wekiwandiki pa꞉ta꞉ yama꞉ kini halimanu hoto paeyao handeteke hao hatiki pilimikie. Tutu manuma꞉ta꞉ ipika꞉ dakisi hambuluekema꞉ ala꞉ta꞉ ala꞉ta꞉ mea a꞉palimikie. Kutupa ipiki pa꞉ta꞉ homu pitolo hata꞉ panda꞉punialimikie.

Ma꞉tiu 11:10

Koto some Dionita꞉ mo hande Baibolona꞉ wape pa꞉la꞉ pina꞉ Koda꞉ma꞉ alota꞉ Ya pi lawalo pula꞉ hali amba꞉la mo naka꞉ pota꞉ tiki tiki yawaena꞉e tapaalueke leeke pita꞉ kota꞉ ipikina꞉ leekeme.

Ma꞉tiu 11:4

Yesuma꞉ iki pa꞉ta꞉ hombo peaaso alota꞉ Ikita꞉ paa la꞉ka꞉la pua do ika꞉ lekema꞉ handeleme ekimanu make katakema꞉ opiteleme ekimanu make Dioni pa꞉ta꞉ dupa pua la hala꞉pa꞉peke.

Ma꞉tiu 21:5

Mo Saioni da teke tieke pa꞉ta꞉ haleme wanda꞉hali pa꞉ta꞉ta꞉ dupa lapeke. Ika꞉ kini tieketa꞉ iki pa꞉ta꞉ taa ipula꞉ handa꞉pe. Ipikita꞉ homu piki hali hata꞉ mo donki ma꞉na꞉na꞉ hoki manda pila꞉me. kutupa mo donki hali ma꞉na꞉ ikiki manda pila꞉me lapa꞉peke laa leekeme.

Ma꞉tiu 21:9

Kutupa mo Yesu hatuku pulu hata꞉ titina꞉ hao wetepe hao pimiki wanda꞉hali paeyaoma꞉ wi aneke hapu kini pea la꞉ alu alu pitolo hata꞉ alota꞉ Hosa꞉na꞉e. Deipidina꞉ eiyeke pa꞉ta꞉ ta꞉na꞉e laata꞉ Mo Tekehalina꞉ bikina꞉ ipula꞉ halita꞉ Koda꞉ma꞉ ta꞉na꞉ma꞉ homena꞉e. Koda꞉na꞉ biki mea a꞉meiyamana꞉e laa la꞉tia pemekeme.

Maka 11:9

Titina꞉ pemeke wanda꞉halima꞉ make wetepena꞉ pemeke wanda꞉halima꞉ tonka꞉na꞉ wi la alu alu pitolo alota꞉ Hosa꞉na꞉e. Ta꞉na꞉e. Tekehalina꞉ bikina꞉ ipula꞉ halita꞉ Koda꞉ma꞉ ipika꞉ pi laena꞉e laa

Luku 19:38

Mo wanda꞉halima꞉ la꞉tia pulu alota꞉ Mo Tekehalina꞉ bikina꞉ ipula꞉ kini halita꞉ Koda꞉ma꞉ epeaena꞉e. Hepeni nane haleme tapakema꞉ a꞉nda꞉ peliaaso hata꞉ Koda꞉na꞉ biki tieke miniliaena꞉e la꞉tia pemekeme.

Dioni 11:27

Madama꞉ ipika꞉ pi hombo peaaso alota꞉ Tekehalio. Aowe. Naka꞉ kakema꞉ homolo hata꞉ neketa꞉ hande Ketiso make Koda꞉na꞉ Eiyeke do kenkena꞉ ipilieke leeke halita꞉ hone witolome leekeme.

Dioni 12:13

Koto ekina꞉ dopema꞉ handeke ti palekemanu tonda꞉pa꞉ mepi pea mina Yesu manda꞉hande puluekema꞉ wi la꞉tiki pulu hata꞉ alota꞉ Koda꞉na꞉ pi laapa꞉pe. Tekehalina꞉ bikina꞉ ipula꞉ halita꞉ Koda꞉ma꞉ epeaeya꞉ka꞉na꞉ta꞉ epelieke. Ipikita꞉ Isulai wanda꞉halina꞉ Kini halie la lemekeme.

Dioni 16:14

Yaka pi kone opua iki pa꞉ta꞉ la kia꞉ka꞉na꞉ta꞉ ipikana꞉ma꞉ yaka biki mea a꞉meiyalieke.

Dioni 4:21

Yesuma꞉ ipiki pa꞉ta꞉ alota꞉ Wanda꞉o. I̱ma꞉ do aloeki opua꞉peke. Nate ma꞉nda꞉ ipilieke laa koto nate epea꞉ka꞉na꞉ta꞉ kota꞉ do pote pa꞉ta꞉ hata꞉ make oli Diutuseleme da pa꞉ta꞉ hata꞉ make wanda꞉halima꞉ta꞉ hande Apa꞉ pa꞉ta꞉ yeni na pilimikie laata꞉

Dioni 6:14

Mo wanda꞉halima꞉ta꞉ Yesuma꞉ koto pa꞉ta꞉ wele wopu piekeeki hando hao alota꞉ Do halita꞉ hande kenkena꞉ epolo pa꞉la꞉ ota꞉ Potopede hali ya꞉ka꞉ta꞉me lemekeme.

Dioni 7:31

Hande Ketiso epea꞉ka꞉na꞉ta꞉ do halina꞉ wele pita꞉la꞉ ekimanu ankulaliepe lemekeme.

Hibulu 10:37

Kutu pea꞉peke ekina꞉ta꞉ mo Baiboloma꞉ alota꞉ Pa hosiki siki yu wia hao wetepena꞉ta꞉ mo epolo pa꞉la꞉ hali opolo ipuluekema꞉ta꞉ hoi hoi na piki opolo ipilieke.