Ma꞉tiu 10:2 - Panake Pi La: Ula: Buka pita: Kine Pieke Buka

² Koto 12 Aposolo haliwekina꞉ biki manuta꞉ doe. Titina꞉ta꞉ Saimono biki ma꞉nda꞉ta꞉ Pida kutupata꞉ Pida ipika꞉ hameke A꞉ndutu make Sepedina꞉ eiyeke Dia꞉mesi Dioni hama̱la̱꞉ make

Ma꞉tiu 10:2 ပူးပေါင်းရင်းမြစ်များ

Ma꞉tiu 17:1

Hoto yunki mindiki hata꞉ hao Yesuma꞉ Pida pita꞉ Dia꞉mesi Dioni hama̱la̱꞉ handa꞉ meata꞉ pote tumiki pa꞉ta꞉ pua ika꞉siki haemekeme.

Ma꞉tiu 20:20

Kutaata꞉ Sepedina꞉ wetekema꞉ ipika꞉ eiyeke yaapo ame̱le̱ Yesu pa꞉ta꞉ a꞉pa tumiki yotuao panda꞉ pitolo hata꞉ ala꞉ta꞉ ma꞉nda꞉ honke leekeme.

Ma꞉tiu 26:37

Koto laata꞉ ipikana꞉ma꞉ Pida make Sepedina꞉ eiyeke yaapo iki tepo hoeya꞉ nane hatuku peekeme. Kutu polo hata꞉ta꞉ ipika꞉ pukima꞉ tanda tieke minolo hata꞉ ka꞉nda꞉ tiekema꞉ homeekeme.

Ma꞉tiu 4:18

Yesuma꞉ mo hande Ka꞉lili ikali leke houna꞉ pulu hata꞉ta꞉ ta꞉peli mu haepeke hama̱la̱꞉ yaapo Saimono biki ma꞉nda꞉ta꞉ Pida make hameke A꞉ndutu yaapoma꞉ mo hande ikali leke pa꞉ta꞉ tenki nuna꞉ ta꞉peli minolo haepekeeki handeekeme.

Ma꞉tiu 4:21

Mo pate leke pulu hata꞉ hama̱la̱꞉ ma꞉nda꞉ Dia꞉mesi Dioni yaapo handeekeme. Ipilika꞉ apa꞉ta꞉ Sepedie. Ipilikita꞉ ipilika꞉ apa꞉ ame̱le̱ kawaso manda pita꞉ ika꞉ tenki numanu epeaaso pitimikime. Kutu polo pitina꞉ta꞉ Yesuma꞉ ipiliki wi leekeme.

Maka 1:29

Yesuta꞉ mo Diu wanda꞉halina꞉ pi hotu haemeke da mina꞉pa꞉lao Dia꞉mesi Dioni ame̱le̱ mo Saimono A꞉ndutu yaapona꞉ da pa꞉ta꞉ pua honda꞉ pambemekepate Saimonona꞉ meiyeke wanda꞉ta꞉ ki yeni hapa wiekeme. Yesuma꞉ mo da opolo peeke mo wanda꞉na꞉ yeni hapa wiekeeki ipiki pa꞉ta꞉ la halemekeme.

Maka 13:3

Yesuta꞉ oli Olipi ti polu peiyene pa꞉ta꞉ mo tembolo da handa꞉moneao pitina꞉ Pida Dia꞉mesi Dioni A꞉ndutu make ika꞉ honumake sikima꞉ Yesu pa꞉ta꞉ lota꞉ pea alota꞉

Maka 6:30

Hande tapaeyeke haliwekima꞉ Yesu pa꞉ta꞉ paa a꞉paata꞉ ika꞉ pi walemeke ekimanu make ika꞉ pimiki ekimanu paeyao make Yesu pa꞉ta꞉ lemekeme.

Luku 11:49

Doeki tekena꞉ta꞉ Koda꞉na꞉ epeke hone wotu wita꞉la꞉ ekima꞉ta꞉ do la꞉la꞉me. I̱ma꞉ta꞉ yaka potopede haliweki make pi mea pomuao haleme haliweki tapaalo polopate mandaneta꞉ lu baalimiki make mandaneta꞉ tanda tanda wopu halimikie laa la꞉la꞉me.

Luku 22:14

Mo hande nate opolo epeeketa꞉ Yesu ipika꞉ pita꞉peke da panda꞉ mea mo ipika꞉ disaipolo haliweki ame̱le̱ teipolona꞉ pitimikime.

Luku 22:8

Yesuma꞉ Pida pita꞉ Dioni yaapo pa꞉ta꞉ dupiki pi mea pena꞉ lo tapaaso alota꞉ Pua nika꞉ Lombei Pupa Yapeeke Natena꞉ ne nolo polome alena꞉ tikitiki yaalo pupa꞉e leekeme.

Luku 5:10

Saimono ipika꞉ ta꞉ma꞉ni pieke hama̱la̱꞉ Sepedina꞉ eiyeke yaapo Dia꞉mesi Dioni yaapoma꞉ make penkilipa꞉tia pomipikime. Yesuma꞉ Saimono pa꞉ta꞉ alota꞉ Nakana꞉ma꞉ paala꞉ma꞉ na homa꞉peke laata꞉ Ekipeke ame do kini peaata꞉ nakana꞉ma꞉ pa haliweki mealipikie leekeme.

Luku 9:10

Mo aposolo haliwekima꞉ paa a꞉pa ika꞉ pimiki ekimanu paeyaosiki Yesu pa꞉ta꞉ la halemekeme. Koto ekina꞉ta꞉ Yesuma꞉ mo haliweki ame̱le̱ ika꞉ siki mo Betesaida teke da pa꞉ta꞉ pemekeme.

Dioni 12:22

Pilipima꞉ A꞉ndutu pa꞉ta꞉ pua laata꞉ Ipilikana꞉ma꞉ Yesu lolo pepekeme.

Dioni 13:23

Disaipolo hali homeketa꞉ Yesuma꞉ puki pieke halita꞉ Yesu yaapo lopu la꞉ alu pea pitiekeme.

Dioni 20:2

Kutupa handa anke hao pua Saimono Pida pa꞉ta꞉ make hande Yesuma꞉ pukima꞉ homeeke disaipolo hali ma꞉nda꞉ pa꞉ta꞉ make ipiliki yaapo pa꞉ta꞉ ipikana꞉ma꞉ pua alota꞉ Mo hande naku pa꞉ta꞉ Tekehali toko yoka wilimieki make na handoloma꞉ma꞉ hando pa꞉ta꞉ wia pelemepe leekeme.

Dioni 21:2

Saimono Pida make hande Manda꞉e lemeke hali Tomasi make hande Ka꞉lili nane Keina da hao epeeke hali Nada꞉niele make Sepedi ipika꞉ eiyeke yaapo make Yesuna꞉ disaipolo hali yaapo ma꞉nda꞉ make paeyao mandake pa꞉ta꞉ momba꞉la haemekeme.

Dioni 21:20

Pidama꞉ la꞉ka꞉la꞉moneao Yesuma꞉ pukima꞉ homeeke halita꞉ ipika꞉ hoki nane epeekeeki handeekeme. Mo halita꞉ hande ne nalo pita꞉ Yesu teke pa꞉ta꞉ panda꞉puniao lota꞉ pitolo alota꞉ Tekehalio. Neke a꞉nda꞉ lombolo pa꞉la꞉ hali epipe leeke halie.

Dioni 21:24

Mo hande disaipolo hali doe. Kutupa koto pieke ekimanu pa꞉ta꞉ laa kutupa make wape pia꞉me. Ipikana꞉ma꞉ lea꞉ alemanu paeyaota꞉ nikana꞉ma꞉ ota꞉ ekie hone witoloma꞉me.

Dioni 6:67

Koto ekina꞉ Yesuma꞉ hande 12 disaipolo haliweki pa꞉ta꞉ alota꞉ Ikana꞉ma꞉ make I̱ kiao pelimikipe.

Dioni 6:70

Yesuma꞉ ika꞉ pi hombo peaaso alota꞉ Iki 12 haliwekita꞉ I̱ma꞉ na talopu mea hamina꞉ loeke yekea. Kutu pua꞉pate iki ame̱le̱ hala꞉ hali homeketa꞉ hoke temoko hala꞉me leekeme.

Dioni 6:71

Koto leeke ekita꞉ ipikana꞉ma꞉ mo Isekatioti hali Saimonona꞉ eiyeke Diudasi pa꞉ta꞉ leekeme. Ipikita꞉ hande 12 haliweki ame̱le̱ haemeke hali kone wetepeta꞉ Yesu lina꞉yeke a꞉nda꞉ lombeekeme.

Dioni 6:8

Ipika꞉ disaipolo hali ma꞉nda꞉ta꞉ Saimono Pidana꞉ hameke A꞉ndutuma꞉ alota꞉

Aposolo 1:13

Mo teke da tieke pa꞉ta꞉ puaata꞉ ika꞉ pelia hao haemeke manda da panda꞉ pa꞉ta꞉ opa꞉liaemekeme. Pida Dioni yaapo Dia꞉mesi A꞉ndutu yaapo Pilipi Tomasi yaapo Badolomiu Ma꞉tiu yaapo A꞉lopia꞉sina꞉ eiyeke Dia꞉mesi pita꞉ Saimono Seloti yaapo kutupa Dia꞉mesina꞉ eiyeke Diudasi makee.

Aposolo 1:26

Koto yeni peaata꞉ mo hali yaapona꞉ biki toopisiki yaapona꞉ wape peaata꞉ titina꞉ wape pea lopaeyeke halina꞉ biki Madaiyasi yeketa꞉ koto hali mimikime. Kutupa mo halita꞉ hande kiki yaapona꞉ ankena꞉ homeke pu aposolo haliweki ame̱le̱ ta꞉ma꞉ni pea haemekeme.

Aposolo 12:2

Ipikana꞉ma꞉ Dionina꞉ hameke Dia꞉mesita꞉ kepete hokuluma꞉ liekeme.

Aposolo 3:1

Kutupa Pida Dioni yaapota꞉ ipilika꞉ yeni pu haepeke nate lekena꞉ 3 okoloko nate oni pambolo pulu haena꞉ oli tembolo da pa꞉ta꞉ yeni puluekema꞉ pepekeme.

1 Kotindi 15:7

Kutupa koto hoki naneta꞉ ipikita꞉ Dia꞉mesi pa꞉ta꞉ pua walaata꞉ mo aposolo haliweki paeyao pa꞉ta꞉ make paa pua waleekeme.

Epesese 4:11

Ipikana꞉ma꞉ kone wanda꞉hali pa꞉ta꞉ hala꞉la꞉ alemanu dupa haleekeme. Mandaneeki aposolo haliweki haena꞉ laata꞉ mandaneeki hande Pi Seliapo wala꞉la꞉ haliweki haena꞉ laata꞉ mandaneeki Koda꞉na꞉ pi la꞉ mea hala꞉la꞉ haliweki haena꞉ laata꞉ mandaneeki pasida haliweki make disa haliweki make haena꞉ la꞉la꞉me.

Hibulu 3:1

Koda꞉ma꞉ wi la꞉ mea haena꞉ la꞉la꞉ ya Ketiso kame tonuo nika꞉ hone tu lao haloma꞉ ekina꞉ yeni peao hala꞉ You hali pita꞉ Koda꞉ma꞉ tapaeyeke hali Yesu peneme yaaso hata꞉ta꞉ ipiki pa꞉ta꞉ hone wopu u hapa꞉peke.

1 Pida 1:1

I̱ Pida Yesu Ketisona꞉ Aposoloma꞉ iki Koda꞉ma꞉ ma̱leke lia mea hala꞉ wanda꞉hali mo a꞉nda꞉ma꞉ ta꞉la꞉leke da yoka tankulupu mea pua iki ta Pondasi kenke o Ka꞉leisia kenke o Ka꞉padosia kenke o Eisia kenke kutupa make mo Bidinia do kenke paeyao pa꞉ta꞉ panka꞉ halo peleme wanda꞉hali iki pa꞉ta꞉ do wape pitolome.

2 Pida 1:1

I̱ta꞉ Saimono Pida mo hande Yesu Ketisona꞉ e pokaasa꞉ make aposolo halima꞉ loa꞉me. Mo hande niki da꞉taasa꞉ Koda꞉ Yesu Ketisona꞉ tikitiki hau pita꞉la꞉eki pa꞉ta꞉ yama꞉ hone tulaala꞉eki hala꞉la꞉ ekita꞉ nika꞉ hande ota꞉ seliapo piki ekima꞉ handekeeki meleme wanda꞉hali pa꞉ta꞉ do tameiya꞉ tapaasome.

2 Dioni 1:1

I̱ta꞉ you halima꞉ mo hande yaka pukima꞉ homolo ankula꞉ ankula꞉ pa꞉ta꞉ do tameiya꞉ tapaasome. I̱ma꞉ homeke dia꞉ya꞉la꞉pate mo hande ota꞉eki hone ula꞉ wanda꞉halima꞉ make iki pukima꞉ homelememe.

3 Dioni 1:1

I̱ta꞉ you halima꞉ mo yaka pukima꞉ homolo yankeke Kaiasi pa꞉ta꞉ do tameiya꞉ tapaasome.

Peneme Yaeyekeeki 1:1

Do bukata꞉ mo Yesu Ketisona꞉ peneme yaeyeke haumanu lao ula꞉ bukae. Koda꞉ma꞉ do peneme yaasa꞉ haumanu haleeke ekita꞉ ipika꞉ e pokaasa꞉ wanda꞉hali pa꞉ta꞉ koto kone pulu piekeeki waluekema꞉ piekeme. Ketisoma꞉ta꞉ ipika꞉ e pokaasa꞉ hali Dioni pa꞉ta꞉ ipika꞉ enisolo tapao dupiki haumanu walena꞉ leekeme.

Peneme Yaeyekeeki 1:9

I̱ta꞉ ika꞉ kame Dioni Yesuna꞉ hoki nane teliolo halie. Ipika꞉ Kilu Tombuao Hala꞉eki pa꞉ta꞉ haleme ekina꞉ ki hone na wiki Pina꞉e laa tanda mineleme ekina꞉ putupoloma꞉ yankekema꞉ loa꞉me. I̱ta꞉ Koda꞉na꞉ pi walaawa꞉ ekina꞉ make Yesuma꞉ ota꞉eki peneme yaeyekeeki walaawa꞉ ekina꞉ I̱ta꞉ mo dawalama꞉ dupake Pa꞉timosi kenke siki pa꞉ta꞉ hano lelememe.

Peneme Yaeyekeeki 18:20

Hepenio ta꞉na꞉ma꞉ homa꞉e. Pa ekipeke ipikita꞉ hoeyaala꞉ ekina꞉ loa꞉me. Koda꞉na꞉ wanda꞉hali make mo aposolo haliweki make potopede haliweki make ta꞉na꞉ma꞉ homa꞉pee. Pa ekipeke mo wanda꞉ma꞉ iki pa꞉ta꞉ pia꞉ ekina꞉ Koda꞉ma꞉ ipiki hoeyaala꞉me.

Peneme Yaeyekeeki 22:8

I̱ Dionima꞉ do hau paeyao handaa make opua꞉me. Kutupa do haumanu handa make opu paeyaota꞉ I̱ta꞉ do haumanu walea꞉ enisolona꞉ anketeke pa꞉ta꞉ lopa ipiki pa꞉ta꞉ panda꞉puniao yeiya꞉ laaluekema꞉ pitua꞉pate