Maka 9:4 - Panake Pi La: Ula: Buka pita: Kine Pieke Buka

⁴ Kutupa Elaidia Mosesi yaapo opolo a꞉paata꞉ Yesu ame̱le̱ pi pi lo haemekeme. Kutu pitolo haena꞉ koto disaipolo hali tepoma꞉ handemekeme.

Maka 9:4 ပူးပေါင်းရင်းမြစ်များ

Ma꞉tiu 11:13

Amba꞉ haemeke potopede haliweki paeyaoma꞉ make mo hande Mosesina꞉ la꞉ wieke Lo pi manuma꞉ make Koda꞉na꞉ pi wala꞉tiki a꞉paata꞉ Dionina꞉ nate opolo a꞉pa haena꞉ta꞉ lo naeyekeme.

Maka 9:3

Kutupa ipika꞉ daumanu make pa̱a̱ peaata꞉ hake wopu piekeme. Kenke hali ma꞉nda꞉ma꞉ koto tupa꞉ dau hake peaapeke na ya꞉la꞉me.

Maka 9:5

Pidama꞉ Yesu pa꞉ta꞉ alota꞉ Tekehalio. Do pa꞉ta꞉ do haloma꞉ ekita꞉ a꞉pa꞉la꞉me. Sale da tepo a꞉eyamono lae laata꞉ Homeke naka꞉eki ma꞉nda꞉ Mosesina꞉eki ma꞉nda꞉ Elaidiana꞉eki pea a꞉eyamono lae leekeme.

Luku 24:27

Kutupa Yesuma꞉ iki pa꞉ta꞉ mo Baibolo paeyaona꞉ ipika꞉ pi lao ula꞉eki paeyao la haleekeme. Ipikana꞉ma꞉ mo Mosesina꞉ buka manuna꞉ kini pea a꞉pa mo potopede manuma꞉ lao wieke ekimanu lo paeyaeyekeme.

Luku 24:44

Kutupa Yesuma꞉ iki pa꞉ta꞉ alota꞉ Do hau manuta꞉ hande I̱ ame̱le̱ haeme dina꞉ la kua꞉ ekimanue. Mo hande Mosesina꞉ Lo Pi wape pea ula꞉ ekina꞉ make hande potopede haliwekima꞉ wape pea ula꞉ ekina꞉ make hande Emeli bukana꞉ wape pea ula꞉ ekina꞉ make I̱na꞉ lao ula꞉eki manuta꞉ ota꞉ yaapeke ya꞉la꞉me leekeme.

Luku 9:19

Ipika꞉ disaipolo haliwekima꞉ ipika꞉ pi hombo peaaso alota꞉ Mandane wanda꞉halima꞉ta꞉ neketa꞉ mo bapitaisi peao haya꞉ hali Dioni lo halememe. Mandane wanda꞉halima꞉ta꞉ Elaidia lo halememe. Mandane wanda꞉halima꞉ta꞉ potopede hali ma꞉nda꞉ amba꞉ hande homea꞉pate ame dosiki paa tiao hala꞉ halie lo halememe lemekeme.

Dioni 5:39

Deto hala꞉eki handa꞉ uluekema꞉ ikana꞉ma꞉ mo hande Baibolo buka pimanu pa꞉ta꞉ teke weitelemepateta꞉ mo hande Baibolo buka pi manuma꞉ kone yaka pi lawaasa꞉me.

Peneme Yaeyekeeki 19:10

I̱ta꞉ ipiki yeiya꞉ lao yeni puluku alo ipika꞉ anke teke pa꞉ta꞉ panda꞉puniao lopoa꞉ pa꞉ta꞉ ipikana꞉ma꞉ I̱ pa꞉ta꞉ alota꞉ Ei I̱ pa꞉ta꞉ kotoeki na pia꞉pema. I̱ta꞉ e pokaaso naka꞉ yankekee. Kutupa make naka꞉ kamemanu mo Yesuma꞉ peneme yaeya꞉ ota꞉ pimanu miniki haleme wanda꞉halina꞉ yankeke halome. Koda꞉ pa꞉ta꞉ homeke yeiya꞉ laaso hata꞉ yeni pu hapeke laa lea꞉me. Pa ekipeke mo Yesuma꞉ peneme yaeya꞉ ota꞉ ekita꞉ mo potopede haliwekima꞉ alemeeki hone u tiaasa꞉ekie.