Maka 9:12 - Panake Pi La: Ula: Buka pita: Kine Pieke Buka

¹² Kutupa Yesuma꞉ iki pa꞉ta꞉ alota꞉ Titina꞉ amba꞉la Elaidia ota꞉ ipilieke. Ala꞉ta꞉ ala꞉ta꞉ tikitiki yao wina꞉yeke ipilieke laata꞉ Mo hande Wanda꞉halina꞉ Eiyeke pa꞉ta꞉ tanda tieke mu yaala꞉ma꞉ homao kiaalo peleme ekita꞉ eki eki pa la꞉la꞉pe leekeme.

Maka 9:12 ပူးပေါင်းရင်းမြစ်များ

Ma꞉tiu 16:21

Koto natena꞉ kini pu meata꞉ Yesuma꞉ ipika꞉ disaipolo tonu peneme yao alo hata꞉ dupa leekeme. I̱ta꞉ ota꞉ Diutuseleme da nane polueke. Kutu pua꞉ka꞉na꞉ta꞉ koto pa꞉ta꞉ mo you haliwekima꞉ make yeni peao haleme you haliwekima꞉ make wape pea wala꞉tiki pu haleme haliwekima꞉ make I̱ tanda tieke ota꞉ wotu kilimikie leekeme. I̱ kiao limika꞉na꞉ta꞉ homuluepate hoto tepo naku pa꞉ta꞉ wia paa da꞉taa tiao halueke leekeme.

Ma꞉tiu 26:24

Koto pa꞉la꞉pate mo Wanda꞉halina꞉ Eiyeke pa꞉ta꞉ Baibolona꞉ wape pa꞉la꞉ tupa꞉ homilia꞉pate pa Wanda꞉halina꞉ Eiyeke mina꞉yeke a꞉nda꞉ lomba꞉la꞉ halita꞉ ota꞉ a꞉ta꞉ tiekee. Koto halita꞉ na mendia꞉ka꞉na꞉ yoluta꞉ epolo pia꞉me leekeme.

Maka 10:33

Opua꞉pe. Nikita꞉ ameta꞉ Diutuseleme nane opa꞉liaasoma꞉me. Mo yeni peao haleme you haliwekima꞉ make mo wape pea wala꞉tiki pu haleme haliwekima꞉ make Wanda꞉halina꞉ Eiyeke mea dupa lelimikie. Neketa꞉ homoelena꞉ lumeke lelimikie laata꞉ ikana꞉ma꞉ta꞉ ipikita꞉ mo Diendaili haliweki pa꞉ta꞉ mea halimikie laata꞉

Maka 9:13

Kutu piliepate I̱ma꞉ iki pa꞉ta꞉ alome. Elaidia amba꞉la epea꞉pate pa mo Baibolo bukana꞉ wape pa꞉la꞉ tupa꞉ ika꞉ hone pa꞉la꞉ ekimanu ipiki pa꞉ta꞉ pimikime leekeme.

Luku 1:76

Koto ekina꞉ ya wekio. Neketa꞉ Ota꞉ Manda Hala꞉ Koda꞉ ipika꞉ pi la꞉mea halo hala꞉ hali haleme laa lelimikie. Kutupa Tekehali wetepena꞉ epena꞉ nakana꞉ma꞉ ipika꞉ pota꞉ tikitiki yawaluekema꞉ amba꞉la pelipikie.

Luku 23:11

Kutupa Hetodi make ipika꞉ a꞉ndeli minimiki haliweki ame̱le̱ Yesu eto eto lao pa ale au laemekeme. Kutupa ota꞉ epeke au leke dau hokulu mea yamao paa Pailedi pa꞉ta꞉ tapaa moneayekeme.

Luku 23:39

Mo hande pi yambeleeke some ma꞉nda꞉ma꞉ tetopiki pimanu la꞉ moneaso alota꞉ Neketa꞉ hande Ketiso dia꞉ya꞉ka꞉ta꞉pe. Neke make diki make pa꞉ta꞉la꞉taa leekeme.

Aposolo 1:6

Yesu make mo haliweki ame̱le̱ mandake pa꞉ta꞉ momba꞉la haemeke dina꞉ ikana꞉ma꞉ Yesu pa꞉ta꞉ alota꞉ Tekehalio. Ame do natena꞉ta꞉ nakana꞉ma꞉ Isulai paa kilu tombuao haluekema꞉ alepe lemekeme.

Aposolo 4:11

Pa ekipeke Yesu pa꞉ta꞉ta꞉ mo Baiboloma꞉ alota꞉ Koto toopita꞉ iki mo da a꞉eteleme haliwekima꞉ kipa꞉la꞉me lemepate pa ameta꞉ koto toopi kone mo keneme toopi pa ula꞉me laa la꞉la꞉me.