Maka 8:6 - Panake Pi La: Ula: Buka pita: Kine Pieke Buka

⁶ Yesuma꞉ mo wanda꞉hali wopu pa꞉ta꞉ alota꞉ Kenkena꞉ pita꞉pe leekeme. Kutupa mo palaowa siki watake hata꞉ meaata꞉ Koda꞉ pa꞉ta꞉ keiyae pi laa pindi pindi peaata꞉ ipika꞉ disaipolo haliwekima꞉ wanda꞉hali pa꞉ta꞉ hale hale pina꞉ haleekeme. Kutupa mo disaipolo haliwekima꞉ mo wanda꞉hali pa꞉ta꞉ mea hale hale pimikime.

Maka 8:6 ပူးပေါင်းရင်းမြစ်များ

Ma꞉tiu 26:26

Ne nalo pitina꞉ Yesuma꞉ Palaowa mea Koda꞉ pa꞉ta꞉ Keiyae laa pindi pindi pea iki pa꞉ta꞉ hale hale pitolo alota꞉ Mea nape. Dota꞉ ya loke mindikie leekeme.

Maka 8:20

Kutupa Yesuma꞉ alota꞉ Mo hande palaowa siki watake hata꞉ mo 4 daoseni wanda꞉halina꞉ pindi pindi peaowa꞉ pita꞉ma꞉ta꞉ putu pilikima꞉ta꞉ ala꞉ta tieke ekipu tumba mimipe leekeme. Ikana꞉ma꞉ ipiki pa꞉ta꞉ alota꞉ Watake hata꞉e lemekeme.

Maka 8:5

Yesuma꞉ iki pa꞉ta꞉ dupa lota꞉ pitolo alota꞉ Palaowa siki ekipu wia halemepe laa lota꞉ piekeme. Mo haliwekima꞉ alota꞉ Watake hata꞉e lemekeme.

Maka 8:7

Ta꞉peli tepo a꞉nda꞉ make wia haemeke handaa Yesuma꞉ Koda꞉ pa꞉ta꞉ keiyae pi laata꞉ ipika꞉ disaipolo haliweki pa꞉ta꞉ alota꞉ Do ta꞉pelimanu make mea hale hale pipe leekeme.

Luku 12:37

Kutupa mo you hali paa la꞉ka꞉la a꞉pa mo ipika꞉ e pokaaseme hali wekita꞉ u̱ na polu pitiki a꞉nda꞉ pa ipiki yu wia pilimieki a꞉pa handea꞉ka꞉na꞉ta꞉ kota꞉ ikita꞉ ta꞉na꞉ma꞉ homo halimikie. I̱ma꞉ iki pa꞉ta꞉ ota꞉ pi aloma꞉ Mo haliwekima꞉ koto hau pimiki yeke handaa ika꞉ you halima꞉ta꞉ ipika꞉ manda aka꞉ hola wiaata꞉ iki pa꞉ta꞉ Ne no hala꞉ alena꞉ a꞉pa pita꞉pe laa ne pana꞉ pu kilieke.

Luku 24:30

Kutupa mo hali yaapo ame̱le̱ ne nolueke alo pitiniaota꞉ Yesuma꞉ mo betedi mea keiyae laata꞉ pindipa mo hali yaapo haleekeme.

Dioni 2:5

Pate ipika꞉ ama꞉ma꞉ta꞉ mo e pokaemeke haliweki pa꞉ta꞉ alota꞉ Ipikana꞉ma꞉ la꞉lie pi opua pea꞉pa꞉peke leekeme.

Dioni 6:23

Mandane kawaso manuta꞉ Taibitiasi nane hao a꞉paata꞉ hande Tekehalima꞉ keiyae pi laa mo wanda꞉hali paeyao pa꞉ta꞉ palaowa teli teli peaeyeke ikali tea꞉na꞉ kone opolo epemekeme.

Loma꞉ 14:6

Hali epima꞉ ipika꞉ hone wia nate ma꞉nda꞉ta꞉ tiekee laa hone wia꞉ka꞉na꞉ta꞉ kota꞉ Tekehalina꞉ pi laaso hata꞉ hone wita꞉la꞉me. Hali epima꞉ nemanu paeyao no haya꞉ka꞉na꞉ta꞉ kota꞉ Tekehalina꞉ pi laaso hata꞉ no hala꞉me. Mo nemanu meata꞉ Koda꞉ pa꞉ta꞉ keiyae pi laa nala꞉ ekina꞉ loa꞉me. Hali epima꞉ mandane nemanu napeke kiaeya꞉ka꞉na꞉ta꞉ kota꞉ Koda꞉ pa꞉ta꞉ keiyae pi laa Tekehalina꞉ pi laaso hata꞉ pita꞉la꞉me.

Kolosi 3:17

Ika꞉ piteleme haumanu make aleme pimanu make paeyaota꞉ mo Tekehali Yesuna꞉ bikina꞉ pitolo hata꞉ ipiki pa꞉ta꞉ yama꞉ Apa꞉ Koda꞉ pa꞉ta꞉ keiyae pi lo hapa꞉peke.