Maka 8:34 - Panake Pi La: Ula: Buka pita: Kine Pieke Buka

³⁴ Yesuma꞉ pota꞉na꞉ titi yola pemeke wanda꞉hali make ipika꞉ disaipolo haliweki make ipiki pa꞉ta꞉ epena꞉yeke wi lemipi peaata꞉ iki pa꞉ta꞉ alota꞉ Ya hoki nane toluekema꞉ hone pa꞉la꞉ halima꞉ ipiki pa꞉ta꞉ kone hone ula꞉ ekimanu tunkulaata꞉ ipika꞉ a꞉ka꞉tei wapepiki ti mea tia ya hoki nane telina꞉e leekeme.

Maka 8:34 ပူးပေါင်းရင်းမြစ်များ

Ma꞉tiu 10:38

Ma꞉nda꞉ hali epima꞉ ipika꞉ a꞉ka꞉tei wape piki ti mea tia ya hau honda꞉ mea na telia pia꞉ka꞉na꞉ta꞉ kota꞉ koto someta꞉ ya disaipolo hali haena꞉ lapeketa꞉ ana꞉ na pa꞉la꞉me.

Dioni 10:27

Yaka sipisipi ma꞉na꞉ manuma꞉ yaka pi ho̱la̱꞉make minelememe. I̱ma꞉ make iki handolome. Kutupa yaka hoki nane telia꞉ mea ipulimime.

Ka꞉leisia 5:24

Mo Yesu Ketisona꞉ wanda꞉halima꞉ta꞉ ika꞉ lokena꞉ hau make koto loke ipika꞉ namonamo hata꞉ na꞉na꞉ na꞉na꞉ pitolo loke tiaasa꞉eki make koto hau paeyaota꞉ Ketiso yaapo apa꞉tao mo a꞉ka꞉tei wape piki tina꞉ lia endialememe.

Ka꞉leisia 2:20

Koto pa꞉la꞉ ekina꞉ta꞉ ame do ya da꞉ta halo ekita꞉ ya kone na da꞉ta halopate Ketiso I̱ tukiki pa꞉ta꞉ da꞉ta hala꞉me. I̱ma꞉ do koto da꞉ta halo ekita꞉ Koda꞉na꞉ Eiyeke pa꞉ta꞉ hone tulaalo ekima꞉ halome. Ipikana꞉ma꞉ I̱ pa꞉ta꞉ pukima꞉ homolo hata꞉ I̱ da꞉ta hanoyeke ipika꞉ da꞉ta꞉la꞉ ekita꞉ pa haleekeme.

1 Dioni 3:16

Nikana꞉ma꞉ mo pukima꞉ homa꞉la꞉ ekita꞉ dupa ya꞉ka꞉ta꞉me laa hone witoloma꞉ ekina꞉ teketa꞉ Ketisoma꞉ta꞉ nika꞉ anketeke mea ipika꞉ da꞉ta꞉la꞉ ekita꞉ halea꞉me. Koto ekina꞉ta꞉ nikana꞉ma꞉ make nika꞉ da꞉ta꞉la꞉ ekima꞉ta꞉ nika꞉ kametonu tamba꞉ muluekema꞉ pa hala꞉peke ya꞉la꞉me.

Ma꞉tiu 16:24

Koto la paeyeketa꞉ Yesuma꞉ ipika꞉ disaipolo haliweki pa꞉ta꞉ alota꞉ Hali ma꞉nda꞉ epima꞉ ya hoki nane toluekema꞉ hone pia꞉ka꞉na꞉ta꞉ kota꞉ ipiki pa꞉ta꞉ kone hone ula꞉ ekimanu tunkulaata꞉ ipika꞉ a꞉ka꞉tei wape piki ti mea tia ya hoki nane telina꞉e leekeme.

Pilipai 3:10

Ya hone pa꞉la꞉eki homeketa꞉ ota꞉ Ketiso handuluekema꞉ hone pa꞉la꞉me. Koto hone pa꞉la꞉ ekita꞉ Ketiso ipika꞉ tiala꞉ wele pa꞉la꞉eki muluekema꞉ make ipikana꞉ma꞉ tanda mieke tupa꞉ muluekema꞉ make kutupa Ketiso homeeke tupa꞉ I̱ make mandake tupa꞉ homuluekema꞉ hone pa꞉la꞉me.

Loma꞉ 8:17

Nikana꞉ma꞉ta꞉ ipika꞉ weki wandiki hata꞉ Koda꞉ma꞉ ipika꞉ wanda꞉hali epealuekema꞉ wina꞉ la꞉la꞉ ekimanu mulumeke. Kutupa Koda꞉ma꞉ Ketiso pa꞉ta꞉ haluekema꞉ wina꞉ la꞉la꞉ ekimanu make Ketiso ame̱le̱ mulumeke. Nikana꞉ma꞉ Ketiso ame̱le̱ tanda pa꞉la꞉ ekimanu muma꞉ka꞉na꞉ta꞉ kota꞉ ipika꞉ pa̱a̱ pa꞉la꞉eki make ipiki ame̱le̱ mandakena꞉ halumeke.

Luku 9:23

Koto laata꞉ Yesuma꞉ iki paeyao pa꞉ta꞉ alota꞉ Hali ma꞉nda꞉ epima꞉ I̱ telia꞉ mea ipulueke hone wia꞉ka꞉na꞉ta꞉ ipika꞉ kone hone yonka꞉lao nate paeyao ipika꞉ a꞉ka꞉tei wapepiki ti mea tia pominolo hata꞉ I̱ telia꞉ mea pomu haena꞉e.

Kolosi 3:5

Koto ekina꞉ta꞉ do kenkena꞉ ekina꞉ hone pa꞉la꞉eki manuta꞉ yola꞉la꞉ hau make ha̱i̱piki hau pita꞉la꞉eki make we pamba꞉la꞉eki make hoke hauna꞉ hone tulaa pelia hala꞉eki make pasa꞉tei pita꞉la꞉ hauta꞉ mo toopi ti wepia ula꞉ ale pa꞉ta꞉ honke honke ala꞉ pasa꞉tei pita꞉la꞉ hauma꞉ handekeeki make doeki paeyaota꞉ ota꞉ homena꞉ lapa꞉peke.

Pilipai 3:7

Koto pa꞉la꞉pate I̱ma꞉ Ketiso pa꞉ta꞉ hone tulaaluekema꞉ yeke mo hande ya biki wia꞉ alemanu paeyaota꞉ ameta꞉ pa alee hone ulume.

1 Pida 4:1

Ketiso ipika꞉ lokema꞉ tanda mieke handa ikana꞉ma꞉ make ipikana꞉ma꞉ mo tanda mulu piekeeki pa꞉ta꞉ hone wieke tupa꞉ koto mandake honema꞉ kone iki honkopu hao hapa꞉peke. Kota꞉ ma꞉nda꞉ epima꞉ ipika꞉ lokema꞉ tanda mu haya꞉ka꞉na꞉ta꞉ ipikana꞉ma꞉ hoke hau mina꞉pa꞉lao hala꞉me.

Ka꞉leisia 6:14

Kutu pu halemepate I̱ma꞉ta꞉ mo nika꞉ Tekehali Yesu Ketiso mo kolosuna꞉ homeeke ekina꞉ homeke hakoko liki pi lolueke. Yesu Ketisoma꞉ kolosuna꞉ homeeke handa ya hone pa꞉ta꞉ta꞉ do kenke hau paeyaota꞉ homeke alema꞉ handa꞉la꞉me. Kutupa make I̱ta꞉ do kenke hauna꞉ta꞉ homa꞉ pa ulume hone witolome.

1 Kotindi 15:31

Ya kametitio. Homa꞉la꞉ ekita꞉ nate paeyao I̱ pa꞉ta꞉ a꞉pa꞉peke ya꞉la꞉me. Dota꞉ pa yapa꞉piki pi alope. Dia꞉me. Nika꞉ Tekehali Yesu Ketiso pa꞉ta꞉ ta꞉ma꞉ni pea haloma꞉ ekina꞉ I̱ma꞉ ika꞉ pi laaso hata꞉ pitolo tupa꞉ do alo pi make ota꞉ekie alome.

Loma꞉ 6:6

Doeki make hone witoloma꞉me. Amba꞉ niki hao hoeyaoma꞉ ekita꞉ hande a꞉ka꞉tei wape piki tina꞉ Yesu ame̱le̱ mandakena꞉ lia homeekeme. Nikana꞉ma꞉ hoke hau puluekema꞉ hone wotu pa꞉la꞉ ekimanu Koda꞉ma꞉ hoeyaaluekema꞉ pa꞉la꞉me. Kutupa hoke hau pita꞉la꞉ ekima꞉ niki paa a꞉nda꞉ na lu tombuaena꞉yeke pa꞉la꞉me.

Luku 14:33

Yesuma꞉ a꞉mbolo hata꞉ alota꞉ Koto tupa꞉ kone iki ma꞉nda꞉ epima꞉ yaka hoki nane telia꞉ mea ipulueke hone wia꞉ka꞉na꞉ta꞉ kota꞉ ipika꞉ hone pa꞉la꞉ ale paeyao mina꞉pa꞉lao I̱ telia꞉ mea ipilieke leekeme.

2 Pida 1:14

Nika꞉ hande Tekehali Yesu Ketisoma꞉ I̱ pa꞉ta꞉ peneme yao la kia꞉ tupa꞉ I̱ma꞉ do homa꞉peke loketa꞉ teke pa꞉ta꞉ baalueke hone witolome.

1 Pida 4:13

Kotoeki na pikita꞉ Ketisona꞉ ka꞉nda꞉ putu piliki minoloma꞉me laa ta꞉na꞉ma꞉ homa꞉pa꞉peke. Kota꞉ ipika꞉ pa̱a̱ pita꞉la꞉eki opolo ipilie pita꞉ma꞉ iki pa꞉ta꞉ ta꞉na꞉ma꞉ homa꞉la꞉ ekita꞉ tumbalieke.

Taitasi 2:12

Koto a꞉ta꞉ma꞉ homo tamba꞉ mina꞉la꞉ ekima꞉ walota꞉ pa nikana꞉ma꞉ Koda꞉ hoki nane yao nika꞉ hoke hone pa꞉la꞉ haumanu pitoloma꞉eki make do kenkena꞉ hoke hone pa꞉la꞉ haumanu pitoloma꞉eki make kiaamono pa꞉la꞉me. Koto pa꞉la꞉ ekina꞉ta꞉ ame do kenkena꞉ hata꞉ta꞉ nika꞉ hone handeteke hata꞉ make tondepe pea hata꞉ make Koda꞉na꞉ hau hone witolo hata꞉ make kutu pitolo hata꞉

Kolosi 1:24

Koto ekina꞉ ameta꞉ I̱ta꞉ mo ikina꞉ tanda minolo ekina꞉ ta꞉na꞉ma꞉ homolome. Yaka lokema꞉ tanda minolo ekita꞉ mo hande Ketisoma꞉ ipika꞉ loke mo siosina꞉eki peaaso mieke tanda putupiliki u pelia hala꞉ ekita꞉ I̱ma꞉ paeyaaluekema꞉ tamba꞉ minolo loa꞉me.

Aposolo 14:22

Ketiso wanda꞉hali honkopu haena꞉ alo hata꞉ pi walolo alota꞉ Pi wotu miniki hao hapa꞉pekealeo laata꞉ Nikita꞉ ka꞉nda꞉ma꞉ homa꞉la꞉eki wotu meata꞉ Koda꞉ ipika꞉ Kilu Tombuao Hala꞉ ekina꞉ honda꞉ pambulumeke lepekeme.

Luku 18:22

Yesuma꞉ do pi opuaata꞉ mo hali pa꞉ta꞉ alota꞉ Nakana꞉ma꞉ pulu pele hau ma꞉nda꞉ pa ula꞉me. Naka꞉ wia hale ala꞉ta꞉ ala꞉ta꞉ paeyao mandane wanda꞉halima꞉ hambena꞉ laa mo milipi manita꞉ mandane natehali wanda꞉hali pa꞉ta꞉ hale hale pea꞉peke. Kutu pikina꞉ta꞉ nakana꞉ma꞉ oli hepeni da tukiki pa꞉ta꞉ta꞉ mo epeke epeke ale wopu mu halipikie. Koto ekina꞉ta꞉ yaka hoki nane telia꞉peke leekeme.

Luku 13:24

Ikana꞉ma꞉ mo dekepeke pota꞉ kake pa꞉ta꞉ honda꞉ pambuluekema꞉ honkopu hapa꞉peke. Pa ekipeke. Wanda꞉hali wotuma꞉ honda꞉ pambuluekema꞉ taapolo pelemepate honda꞉ pambolo pua꞉pa꞉peke na ya꞉lieke.

Ma꞉tiu 27:32

Pota꞉na꞉ pulu hata꞉ Saitini hali bikita꞉ Saimono manda꞉hande pimikime. Hande dolo a꞉ndeli miniki haemeke haliwekima꞉ mo hali meata꞉ Yesuna꞉ a꞉ka꞉tei wape piki ti mea tiawaena꞉ lemekeme.

Peneme Yaeyekeeki 2:10

Mo mulu peleme tanda manuna꞉ paala꞉ma꞉ na homa꞉pa꞉peke. Opia꞉pe. Mo Sadanima꞉ta꞉ iki la handolo hata꞉ iki ma꞉nda꞉ hondo dipula mea lopaalieke. Kutupa ika꞉ ka꞉nda꞉ma꞉ homelemeeki manuta꞉ kiki yaapo natena꞉ pua paelieke. Homa꞉la꞉eki epena꞉ kone I̱ pa꞉ta꞉ hone tulaa pelia hapa꞉peke. Kutu pimika꞉na꞉ta꞉ ika꞉ a꞉nda꞉ pea bepolaaseme ekina꞉ ta꞉na꞉ma꞉ homolo peleme yenkita꞉ da꞉ta꞉la꞉eki kulueke.

Hibulu 13:13

Niki make mandake tupa꞉ kone mo tikene pua mo ipikana꞉ma꞉ mieke yaala꞉ apa꞉tao mumana꞉e.

2 Desalonaika 3:11

Nikana꞉ma꞉ doeki aloma꞉ ekina꞉ teketa꞉ taa iki tukiki pa꞉ta꞉ mandakena꞉ haleme wanda꞉halita꞉ soka꞉la꞉ pamba pa pitu hata꞉ mandane wanda꞉halina꞉ pita꞉la꞉eki manuna꞉ wakopu tia pomu dupi dupi la꞉tiki pu haleme ekita꞉ opu haloma꞉me.

1 Kotindi 9:19

I̱ta꞉ hali ma꞉nda꞉na꞉ pa hameke e pokaaso hali na hake ya kone halome. Kutupu halopate mandane wanda꞉hali wopu muluekema꞉ yaka hone wia kone wanda꞉hali paeyaona꞉ pa hameke e pokaaso hali halome.

1 Kotindi 8:13

Koto ekina꞉ yaka kamena꞉ ne nala꞉ ekima꞉ta꞉ ipiki hoke hau pina꞉ mea lopaapeke yea꞉ka꞉na꞉ta꞉ kota꞉ I̱ma꞉ mo mindiki ma꞉nda꞉siki hoto homeke a꞉nda꞉ ota꞉ na nolueke. Yaka kame lopaapa꞉na꞉yeke loa꞉me.

Dioni 19:17

Kutupa Yesuma꞉ ipika꞉ a꞉ka꞉tei wapepiki ti mea tia pua mo daoni hama꞉ nane hayeke alena꞉ opolo peekeme. Mo kenke bikita꞉ Hali you holikima꞉ handeke alena꞉ lo haemekeme. Hibulu pi laata꞉ Kolokoda lemekeme.

Luku 20:45

Mo wanda꞉hali paeyaoma꞉ Yesuma꞉ alo pitieke pi opitolo haena꞉ ipika꞉ disaipolo haliweki pa꞉ta꞉ alota꞉

Maka 10:21

Yesuma꞉ ipiki pa꞉ta꞉ handolo hata꞉ a꞉ta꞉ma꞉ homolo hata꞉ alota꞉ Nakana꞉ma꞉ta꞉ homeke hau homeke na pa꞉la꞉me. Neke pua naka꞉ wia hale alemanu paeyao ma꞉nda꞉ma꞉ hambaata꞉ mo natehali wanda꞉hali pa꞉ta꞉ hale hale pika꞉na꞉ta꞉ neketa꞉ oli hepeni nane yenki tieke wialieke leekeme. Kutupa a꞉pa ya hoki nane telia꞉peke leekeme.

Maka 7:14

Kutupa Yesuma꞉ wanda꞉hali ipiki pa꞉ta꞉ epena꞉yeke paa wi lemipi piekeme. Kutupa iki pa꞉ta꞉ alota꞉ Iki paeyao ya pi opua hone wia꞉pa꞉peke.