Maka 7:5 - Panake Pi La: Ula: Buka pita: Kine Pieke Buka

⁵ Kutupa mo Pa꞉tisi haliwekima꞉ make mo wape pea wala꞉tiki pu haemeke haliwekima꞉ make Yesu pa꞉ta꞉ lota꞉ pitolo hata꞉ alota꞉ Naka꞉ disaipolo haliwekima꞉ ika꞉ ateke meiyekena꞉ haumanu na opiki ekipeke kiki hoke ekima꞉ ne no halemepe lemekeme.

Maka 7:5 ပူးပေါင်းရင်းမြစ်များ

Ma꞉tiu 15:2

Pa ekipeke mo naka꞉ hoki nane telieleme haliweki nika꞉ ateke meiyekena꞉ mana꞉ pimanu ekipeke na opitolo pitelemepe. Ika꞉ ne noluekema꞉ta꞉ titina꞉ amba꞉la mo nika꞉ pimanu ula꞉ tupa꞉ ika꞉ kiki na tandepo halememe lemekeme.

Maka 7:13

Do tupa꞉ ika꞉ ateke meiyekema꞉ pimiki ekimanu opitolo hata꞉ Koda꞉ma꞉ la꞉la꞉ pita꞉ alupaasememe. Kutupa ika꞉ hoki nane telieleme haliweki make walo halememe laata꞉ Koto tupa꞉ kone mandane haumanu make pu halememe leekeme.

Maka 7:8

Yesuma꞉ ombu alota꞉ Koda꞉na꞉ pi ula꞉ ekimanu na waleke ika꞉ ateke meiyekena꞉eki kone walo halememe leekeme.

Maka 7:9

Kutupa ipikana꞉ma꞉ iki pa꞉ta꞉ alota꞉ Koda꞉na꞉ pi ula꞉ ekimanu mina꞉pa꞉laota꞉ ika꞉ ateke meiyekena꞉ hau pimiki ekimanu pu haleme ekita꞉ epeke hau pitolo pimipe laata꞉

Aposolo 21:21

mandane haliwekima꞉ iki pa꞉ta꞉ lemekeeki dupa. Hande hali Poloma꞉ mo Diendaili wanda꞉hali ame̱le̱ haleme Diu haliweki pa꞉ta꞉ta꞉ Mosesima꞉ waleekeeki mina꞉pa꞉lao ika꞉ wekisunu sekemesaisi hau na piki Diu haliwekima꞉ pita꞉la꞉eki na pea꞉pa꞉peke laa walo hala꞉mee alememe lememe.

Aposolo 21:24

Tonkopu haliwekima꞉ nindi pea do halememe. Do haliweki ame̱le̱ hata꞉ta꞉ naka꞉ loke epeao kutupa ika꞉ you itiki makole mina꞉yeke ika꞉ yenki halawapeke lememe. Koto ekina꞉ paeyaoma꞉ naka꞉ hande Lo Pimanu opiteleeki handolo hata꞉ neke pa꞉ta꞉ leme pimanu na opilimikie lememe.

Loma꞉ 4:12

Kutu pa꞉la꞉pate Eipoloha꞉ma꞉ ipikita꞉ mo sekemesaisi hau pea haleme haliwekina꞉ apa꞉ make hala꞉me. Iki sekemesaisi hau pea haleme ekina꞉ dia꞉ya꞉la꞉pate hande nika꞉ apa꞉ Eipoloha꞉ma꞉ma꞉ta꞉ sekemesaisi hau na piki hata꞉ kone hone tulaeyeke tupa꞉ ikana꞉ma꞉ make hone tulaaseme ekina꞉ loa꞉me.

Ka꞉leisia 1:14

I̱ma꞉ mo hande Diu wanda꞉halina꞉ haumanu muluekema꞉ta꞉ ya mandake daeyoma꞉ Diu wekitonu bepolao lombei pitolo hata꞉ nika꞉ atekena꞉ atekena꞉ mana꞉ pimanu hone ota꞉ wopu ua꞉me.

2 Desalonaika 3:11

Nikana꞉ma꞉ doeki aloma꞉ ekina꞉ teketa꞉ taa iki tukiki pa꞉ta꞉ mandakena꞉ haleme wanda꞉halita꞉ soka꞉la꞉ pamba pa pitu hata꞉ mandane wanda꞉halina꞉ pita꞉la꞉eki manuna꞉ wakopu tia pomu dupi dupi la꞉tiki pu haleme ekita꞉ opu haloma꞉me.

2 Desalonaika 3:6

Kametonuo. Tekehali Yesu Ketisona꞉ bikina꞉ dupa꞉pe aloma꞉me. Mo nikana꞉ma꞉ loma꞉ mana꞉ pimanu opua na piki soka꞉la꞉ pambeke kametiti pa꞉ta꞉ apa꞉tao na hake ta꞉ta꞉ hapa꞉peke.