Maka 7:34 - Panake Pi La: Ula: Buka pita: Kine Pieke Buka

³⁴ Kutupa oli ya nane handa꞉liaaso hata꞉ pomoma꞉ homata꞉ Yesuma꞉ ipiki pa꞉ta꞉ alota꞉ Epa꞉da꞉e leekeme. Koto pita꞉ Lomba꞉e laa leekeme.

Maka 7:34 ပူးပေါင်းရင်းမြစ်များ

Maka 1:41

Yesuma꞉ ipika꞉ pukima꞉ e̱ leeke handaata꞉ ipika꞉ kiki tindipa moneao wataaso hata꞉ ipiki pa꞉ta꞉ alota꞉ I̱ma꞉ hone pa꞉la꞉me. Naka꞉ loke koto wamo peaaso handa꞉e leekeme.

Maka 15:34

Nate 3 okoloko (lekelo yopula꞉ haena꞉) Yesuma꞉ anekehapu wi la alota꞉ Eloi. Eloi. Lama sa꞉ba꞉kadani la alota꞉ doeki leekeme. Ya Koda꞉o. Ya Koda꞉o. I̱ ekipeke yonka꞉laalepe leekeme.

Maka 5:41

Kutupa ipikana꞉ma꞉ mo wandikina꞉ kiki minaaka꞉na꞉ alota꞉ Talida kumi o Wandikio. Neke pa꞉ta꞉ tiae alome leekeme.

Maka 6:41

Kutupa Yesuma꞉ hande palaowa kitiki siki yunki hata꞉ make hande ta꞉peli yaapo make minaata꞉ ya nane handa꞉liao Koda꞉ pa꞉ta꞉ keiyae laata꞉ palaowa kitiki sunu pindi pindi pea ipika꞉ disaipolo haliwekima꞉ mea wanda꞉hali mina꞉yeke hale hale piekeme. Ipikana꞉ma꞉ ta꞉peli yaapo make pindi pindi pea disaipolo haliwekima꞉ hale hale pina꞉ haleekeme.

Maka 7:35

Koto kone ipika꞉ katake yaapo lumbupa wiaata꞉ ipika꞉ kekeke tindipao hayeketa꞉ kutupa pi epeke tupa꞉ leekeme.

Maka 8:12

Yesuma꞉ ipika꞉ pukima꞉ pomo tieke wotu homolo hata꞉ alota꞉ Ame do haleme wanda꞉halima꞉ ekipeke wele pita꞉la꞉eki ma꞉nda꞉ weitelemepe leekeme. Iki pa꞉ta꞉ ota꞉ pi alome. Ame do haleme wanda꞉halima꞉ wele pita꞉la꞉eki ma꞉nda꞉ na handilimikie leekeme.

Luku 18:42

Yesuma꞉ mo hali pa꞉ta꞉ alota꞉ A꞉pa꞉la꞉me. Handa꞉e. Naka꞉ hone tulale ekima꞉ neke epeaala꞉me.

Luku 19:41

Yesu mo Diutuseleme da teke pa꞉ta꞉ opolo a꞉pa mo da handolo hata꞉ta꞉ e̱ alo alota꞉

Luku 7:14

Kutupa ipikana꞉ma꞉ mo toko tia epemeke bokosi teke pa꞉ta꞉ pua wataeyekeme. Kutu pieketa꞉ mo hande hali toko timiki haliwekima꞉ta꞉ pa tupaleke handeteke haemekeme. Yesuma꞉ alota꞉ Wekio. I̱ma꞉ neke pa꞉ta꞉ loma꞉ tiae leekeme.

Dioni 11:33

Metima꞉ e̱ leekeeki make mo ipiki ame̱le̱ pemeke Diu wanda꞉halina꞉ e̱ lemekeeki make handaata꞉ ipikana꞉ma꞉ ka꞉nda꞉ma꞉ homolo hata꞉ ipika꞉ puki tetoma꞉ homeekeme.

Dioni 11:35

Kutupa Yesuma꞉ e̱ leekeme.

Dioni 11:38

Yesuma꞉ pa puki tetoma꞉ homolo hata꞉ mo lapa꞉ pimiki alena꞉ peekeme. Mo lapa꞉ pimiki ekita꞉ tikene da pa꞉ta꞉ toopima꞉ a꞉mba wimikime.

Dioni 11:41

Kutupa hande toopi pa nane mea wimikime. Yesuma꞉ handa꞉liao hata꞉ alota꞉ Apa꞉o. Nakana꞉ma꞉ yaka pi opu hale ekina꞉ neke pa꞉ta꞉ keiyae pi alome.

Dioni 11:43

Yesuma꞉ koto laa anekema꞉ wi alo hata꞉ alota꞉ La꞉satesio. Hama epoe leekeme.

Dioni 17:1

Yesuma꞉ koto pimanu laata꞉ oli ya nane handa꞉liao hata꞉ alota꞉ Apa꞉o. Hande di amba꞉ epa꞉la꞉me. Naka꞉ wekima꞉ naka꞉ bikita꞉ mea a꞉meiyaena꞉yeke naka꞉ wekina꞉ biki nakana꞉ma꞉ mea a꞉meiyapeke.

Aposolo 9:34

Pidama꞉ ipiki pa꞉ta꞉ alota꞉ Iniasio. Yesu Ketisoma꞉ neke epeaasa꞉me. Naka꞉ yapa꞉ta꞉ oko pea mina tiae laa leekeme. Koto leeke pita꞉ kone Iniasita꞉ tiaeyekeme.

Aposolo 9:40

Pidama꞉ mo wanda꞉sunu paeyao hama꞉ nane pupe laata꞉ tumiki yotuao yeni peaata꞉ mo wanda꞉ toko handa꞉moneaaso alota꞉ Ta꞉bida. Tiae laa leekeme. Mo wanda꞉ma꞉ leke kila Pida handaata꞉ tiao pitiekeme.

Hibulu 4:15

Nika꞉ Yeni peao hala꞉ You halima꞉ta꞉ nika꞉ honkopu na hake dete piki haumanu handaa a꞉ta꞉ma꞉ na homolo pa꞉la꞉ hali dia꞉me. Kotoeki na pikita꞉ nika꞉ Yeni peao hala꞉ You halita꞉ mo niki la handa꞉peke ya꞉la꞉ ekimanu paeyaoma꞉ ipiki make la handetiki piekepate hoke hau homeke siki ma꞉nda꞉ a꞉nda꞉ ota꞉ na piekeme.