Maka 7:2 - Panake Pi La: Ula: Buka pita: Kine Pieke Buka

² Kutupa Yesuna꞉ disaipolo haliwekima꞉ na tandepemeke kikima꞉ ne nemekeeki handemekeme. Mo Pa꞉tisi haliwekima꞉ dupiki tandepea꞉peke laa lemeke tupa꞉ kiki na tandepemekeme.

Maka 7:2 ပူးပေါင်းရင်းမြစ်များ

Ma꞉tiu 15:2

Pa ekipeke mo naka꞉ hoki nane telieleme haliweki nika꞉ ateke meiyekena꞉ mana꞉ pimanu ekipeke na opitolo pitelemepe. Ika꞉ ne noluekema꞉ta꞉ titina꞉ amba꞉la mo nika꞉ pimanu ula꞉ tupa꞉ ika꞉ kiki na tandepo halememe lemekeme.

Maka 7:5

Kutupa mo Pa꞉tisi haliwekima꞉ make mo wape pea wala꞉tiki pu haemeke haliwekima꞉ make Yesu pa꞉ta꞉ lota꞉ pitolo hata꞉ alota꞉ Naka꞉ disaipolo haliwekima꞉ ika꞉ ateke meiyekena꞉ haumanu na opiki ekipeke kiki hoke ekima꞉ ne no halemepe lemekeme.

Luku 11:38

Mo hande Pa꞉tisi halima꞉ta꞉ Yesuma꞉ ne noluekema꞉ ipika꞉ kiki amba꞉la na tandepeekeeki hando haota꞉ pututuma꞉ homa tola꞉tia pomiekeme.

Aposolo 10:28

Diu halima꞉ kenke ma꞉nda꞉ hali yaapo ta꞉ma꞉ni pea꞉peke na yeke ipika꞉ da pa꞉ta꞉ pua꞉peke na ya꞉la꞉me ekita꞉ ika꞉ kone handelemepate Koda꞉ma꞉ Hali ma꞉nda꞉ta꞉ hoke hali o hoe peao hala꞉ halie pi na lapeke laa I̱ pa꞉ta꞉ walea꞉me leekeme.

Aposolo 11:8

Koto lea꞉pate I̱ma꞉ alota꞉ Tekehalio. Ota꞉ dia꞉me. Nindi peala꞉ ale ya꞉leke hoeya꞉ pea hata꞉ kutupiki ne hoto homeke a꞉nda꞉ na nolome laa loa꞉me.

Loma꞉ 14:14

I̱ta꞉ Tekehali Yesu yaapo ta꞉ma꞉ni poloeki yalo hata꞉ hone ota꞉ dupa witolome. Aleta꞉ ma꞉nda꞉ homeke a꞉nda꞉ta꞉ ipika꞉ kone hone wia pa na hoeta꞉la꞉me. Hali ma꞉nda꞉ ipika꞉ honema꞉ta꞉ aleta꞉ ma꞉nda꞉ma꞉ I̱ hoeyaalieke hone wia hata꞉ kone pa meisa meisa pea pia꞉ka꞉na꞉ta꞉ kota꞉ mo hali ipika꞉ kone hoeyaalieke.

Hibulu 10:29

Kutu piekeeki hone witolo hata꞉ nikana꞉ma꞉ mo hali homeke ma꞉nda꞉ma꞉ mo a꞉ta꞉ma꞉ homa tamba꞉ mina꞉la꞉ Sipitidi laasa꞉ pi alo make mo ipika꞉ hoke hau paeyaeyeke pi la꞉ ula꞉ weta꞉ pa ekie hone witolo hata꞉ make mo Koda꞉na꞉ Eiyeke hoki walaa paa pa alema꞉ handa ya꞉ka꞉na꞉ta꞉ kota꞉ koto hali pa꞉ta꞉ta꞉ eki hau opolo ipiliekee hone witemepe. Kutu pilie someta꞉ kota꞉ mo lita꞉la꞉eki ota꞉ lombei piki hoke yenki milieke hone wia꞉pa꞉peke.

Peneme Yaeyekeeki 21:27

Pate mo ha̱i̱ piki ala꞉ta꞉ ma꞉nda꞉ koto daoni pa꞉ta꞉ na honda꞉ pambilieke. Koto tupa꞉ kone ma꞉nda꞉ epima꞉ yaala꞉piki haumanu pu o yayapiki pi lo hala꞉ some make na honda꞉ pambilieke. Mo Sipisipi Ma꞉na꞉ Ikiki ipika꞉ da꞉ta꞉la꞉ tapakena꞉ biki ula꞉ bukana꞉ biki laala꞉ wanda꞉hali homeke koto daoni pa꞉ta꞉ honda꞉ pambilimikie.