Maka 7:13 - Panake Pi La: Ula: Buka pita: Kine Pieke Buka

¹³ Do tupa꞉ ika꞉ ateke meiyekema꞉ pimiki ekimanu opitolo hata꞉ Koda꞉ma꞉ la꞉la꞉ pita꞉ alupaasememe. Kutupa ika꞉ hoki nane telieleme haliweki make walo halememe laata꞉ Koto tupa꞉ kone mandane haumanu make pu halememe leekeme.

Maka 7:13 ပူးပေါင်းရင်းမြစ်များ

Ma꞉tiu 15:6

ikana꞉ma꞉ta꞉ koto halima꞉ ipika꞉ apa꞉ ama꞉ta꞉ tamba꞉ mia꞉peke laa la꞉ ula꞉ pi pea꞉peke ekita꞉ Pina꞉ma꞉ pea꞉peke na ya꞉ka꞉ta꞉me laa lo halememe. Kutupa koto piteme hau manuta꞉ kota꞉ ikana꞉ma꞉ ika꞉ waleme pimanu kone teli mea pu haluekema꞉ yeke Koda꞉na꞉ pi ula꞉ ekimanu hoki walo halememe.

Maka 7:12

kota꞉ ikana꞉ma꞉ta꞉ mo halima꞉ ipika꞉ apa꞉ ama꞉ pa꞉ta꞉ koto ala꞉ta꞉ hala꞉peke na ya꞉la꞉me lo halememe.

Maka 7:14

Kutupa Yesuma꞉ wanda꞉hali ipiki pa꞉ta꞉ epena꞉yeke paa wi lemipi piekeme. Kutupa iki pa꞉ta꞉ alota꞉ Iki paeyao ya pi opua hone wia꞉pa꞉peke.

Maka 7:3

Hande Pa꞉tisi haliwekima꞉ make Diu haliweki paeyaoma꞉ make apa꞉meina꞉ haumanu pu haemekeeki hone witolo hata꞉ ne noluekema꞉ kiki amba꞉la tandepo haemekeme.

Maka 7:5

Kutupa mo Pa꞉tisi haliwekima꞉ make mo wape pea wala꞉tiki pu haemeke haliwekima꞉ make Yesu pa꞉ta꞉ lota꞉ pitolo hata꞉ alota꞉ Naka꞉ disaipolo haliwekima꞉ ika꞉ ateke meiyekena꞉ haumanu na opiki ekipeke kiki hoke ekima꞉ ne no halemepe lemekeme.

Maka 7:9

Kutupa ipikana꞉ma꞉ iki pa꞉ta꞉ alota꞉ Koda꞉na꞉ pi ula꞉ ekimanu mina꞉pa꞉laota꞉ ika꞉ ateke meiyekena꞉ hau pimiki ekimanu pu haleme ekita꞉ epeke hau pitolo pimipe laata꞉

Ka꞉leisia 1:14

I̱ma꞉ mo hande Diu wanda꞉halina꞉ haumanu muluekema꞉ta꞉ ya mandake daeyoma꞉ Diu wekitonu bepolao lombei pitolo hata꞉ nika꞉ atekena꞉ atekena꞉ mana꞉ pimanu hone ota꞉ wopu ua꞉me.

Ka꞉leisia 5:21

o ma꞉nda꞉na꞉ epeke hauna꞉ mineke panka꞉la꞉eki make o ikali naa keaasa꞉eki make o kima꞉ na homeke hoke ikali nala꞉ haumanu make kutupiki mandane hau ma꞉nda꞉manu make hone wilimime. Amba꞉ iki kinki pua꞉ tupa꞉ ame make paa kinki pitolome. Do alo haumanu pu haleme wanda꞉hali ikita꞉ Koda꞉na꞉ Kilu Tombuao Hala꞉eki pa꞉ta꞉ pua꞉peke na yelieke.

Taitasi 1:14

Koto ekina꞉ta꞉ ikana꞉ma꞉ mo hande Diu wanda꞉halina꞉ pa pimanu make o ota꞉ pi na opiki haliwekina꞉ pi ula꞉ ekimanu make ipua teliaama꞉na꞉ kutu puelena꞉e.