Maka 6:52 - Panake Pi La: Ula: Buka pita: Kine Pieke Buka

⁵² Pa ekipeke ikana꞉ma꞉ta꞉ mo hande 5 daoseni wanda꞉hali pa꞉ta꞉ palaowa kitiki sunu telipieke ekina꞉ teketa꞉ hone lenkipa na wimiki ekiyalo hone na wimikime.

Maka 6:52 ပူးပေါင်းရင်းမြစ်များ

Maka 16:14

Kutupa wetepena꞉ mo hande kiki yaapona꞉ ankena꞉ homeke pu haliweki kone ne nalo pitina꞉ iki pa꞉ta꞉ ipika꞉ kone waleekeme. Yesuma꞉ mo haliwekima꞉ ipika꞉ tiao hayekeeki handemeke wanda꞉halina꞉ pi na opimiki handaata꞉ Yesuma꞉ mo haliwekina꞉ pi na opimiki ekina꞉ make ika꞉ puki taka꞉laeyeke ekina꞉ make pi leekeme.

Maka 3:5

Kutupa Yesuma꞉ mineke pankolo hata꞉ mo haliweki handolo hata꞉ lekema꞉ lekema꞉ pea handeekeme. Ika꞉ hone taka꞉laeyeke handaa Yesuma꞉ pukima꞉ ka꞉nda꞉ma꞉ homolo hata꞉ mo hali pa꞉ta꞉ alota꞉ Naka꞉ kiki tindipae leekeme. Koto leeke handaa ipika꞉ kiki tindipaeyeke epeekeme.

Maka 7:18

Kutupa ipikana꞉ma꞉ iki pa꞉ta꞉ alota꞉ Kotota꞉ iki make pi teke hone na witelemepe leekeme. Yonkeleke hama꞉ nane ula꞉ alemanu mea naloma꞉eki manuma꞉ tukiki nane pea꞉ka꞉na꞉ta꞉ hoeyaapeke na ya꞉la꞉me. Koto ekita꞉ hone na witelemepe.

Luku 24:25

Kutupa Yesuma꞉ mo hali yaapo pa꞉ta꞉ alota꞉ Meimei liake some yaapoo. Mo hande potopede halima꞉ leeke pimanu homeke a꞉nda꞉ hone a̱i̱ na tulao pipika꞉ta꞉me.

Dioni 12:40

Koda꞉ma꞉ ika꞉ leke holu peaota꞉ ika꞉ pukita꞉ taka꞉la꞉pa pua hata꞉ta꞉ toopi leke wina꞉ leekeme. Wanda꞉halima꞉ ika꞉ lekema꞉ handaama꞉na꞉ make ika꞉ puki tooluma꞉ hone wiaama꞉na꞉ pua꞉me. I̱ma꞉ iki wamo peaanoyeke I̱ pa꞉ta꞉ na la꞉ka꞉la haena꞉yeke pua꞉me laa leekeme.

Loma꞉ 11:7

Koto pa꞉la꞉ ekina꞉ nikana꞉ma꞉ eki pi loluma꞉pe. Isulai wanda꞉halima꞉ ika꞉ weimiki ekita꞉ na handa꞉ wimikime. Koda꞉ma꞉ hande talopu mea haena꞉ leeke wanda꞉hali tepo tepo homeke handa꞉ wimikipate mo mandane wanda꞉halima꞉ta꞉ Koda꞉ma꞉ wi leeke ekita꞉ na opimikime.