Maka 6:3 - Panake Pi La: Ula: Buka pita: Kine Pieke Buka

³ Do halita꞉ kapenda hali dia꞉ya꞉ka꞉ta꞉pe laa Metina꞉ eiyeke dia꞉ya꞉ka꞉ta꞉pe. Dia꞉mesi Diosepe Diudasi make Saimono make ipika꞉ hameke titi dia꞉ya꞉ka꞉ta꞉pe laa Ipika꞉ beliki titi do pa꞉ta꞉ niki ame̱le̱ na halemepe lemekeme. Kutupa ipiki pa꞉ta꞉ honditi pitolo hata꞉ lemekeme.

Maka 6:3 ပူးပေါင်းရင်းမြစ်များ

Ma꞉tiu 11:6

Koto ekina꞉ do I̱ma꞉ pitolo haumanu handaa ka꞉nda꞉ma꞉ na homa꞉la꞉ halima꞉ta꞉ ta꞉na꞉ma꞉ homo hala꞉me laa pua lapa꞉peke leekeme.

Ma꞉tiu 12:46

Yesuma꞉ koto wanda꞉hali pa꞉ta꞉ pimanu panake alo haena꞉ta꞉ ipika꞉ inkiki hameketonu opolo epemekeme. Ikana꞉ma꞉ da hama꞉ nane a꞉pa hata꞉ Yesu pa꞉ta꞉ pi lomono epena꞉e laa honke lemekeme.

Maka 15:40

Mandane wanda꞉wekima꞉ hosiki yola꞉ta꞉ pao hata꞉ handeteke haemekeme. Koto wanda꞉weki ame̱le̱ Ma꞉kadala da wanda꞉ Meti hayeketa꞉ kutupa mo wetepe weki Dia꞉mesi Diosepe hama̱la̱꞉na꞉ inkiki Meti make Salome make haemekeme.

Maka 3:18

A꞉ndutu Pilipi Badolomiu make Ma꞉tiu make Tomasi make A꞉lopia꞉sina꞉ eiyeke Dia꞉mesi make Ta꞉dia꞉si make Saimono Seloti make mo Isekatioti hali Diudasita꞉ Yesu lina꞉ a꞉nda꞉ lomba꞉ polo pieke hali make do haliweki paeyaona꞉ bikimanue.

Luku 2:34

Simionima꞉ iki epeaota꞉ mo wekina꞉ inkiki Meti pa꞉ta꞉ alota꞉ Isulai wanda꞉hali wopu mea da꞉taaluekema꞉ make hoeyaaluekema꞉ make Koda꞉ma꞉ do weki mea haena꞉ laa pa꞉la꞉me. Ipikita꞉ Koda꞉ma꞉ tombo leke haya꞉ka꞉na꞉ta꞉ wanda꞉hali wopuma꞉ ipiki pa꞉ta꞉ pi la la pitolo hata꞉ make

Luku 7:23

I̱ pa꞉ta꞉ hone yaapo yaapo lo na wimika꞉na꞉ta꞉ kota꞉ koto wanda꞉halita꞉ ta꞉na꞉ma꞉ homo halememe laa lapa꞉peke leekeme.

Luku 8:20

Ma꞉nda꞉ma꞉ Yesu pa꞉ta꞉ a꞉pa alota꞉ Naka꞉ ama꞉ kame tonuta꞉ neke handuluekema꞉ da hama do a꞉pa halememe leekeme.

Dioni 14:22

Yesuma꞉ koto leeke handaata꞉ Diudasi hande Isekatioti hali Diudasi pa꞉ta꞉ na loa꞉ma꞉ ipikana꞉ma꞉ Yesu pa꞉ta꞉ alota꞉ Tekehalio. Ekipa kenke wanda꞉halima꞉ na handena꞉ leke niki pa꞉ta꞉ homeke peneme yao walipikipe leekeme.

Dioni 6:42

Koto ekina꞉ mo wanda꞉halima꞉ alota꞉ Do halita꞉ Yesue la Diosepena꞉ eiyeke na hala꞉pe laata꞉ inkiki ateke yaapo amba꞉ handoloma꞉me. Ekipeke I̱ta꞉ oli hepeni nane hao hola꞉pa꞉niao epoa꞉me ala꞉pe lemekeme.

Aposolo 1:13

Mo teke da tieke pa꞉ta꞉ puaata꞉ ika꞉ pelia hao haemeke manda da panda꞉ pa꞉ta꞉ opa꞉liaemekeme. Pida Dioni yaapo Dia꞉mesi A꞉ndutu yaapo Pilipi Tomasi yaapo Badolomiu Ma꞉tiu yaapo A꞉lopia꞉sina꞉ eiyeke Dia꞉mesi pita꞉ Saimono Seloti yaapo kutupa Dia꞉mesina꞉ eiyeke Diudasi makee.

Aposolo 12:17

Kutu pimikipate Pidama꞉ kikima꞉ kone pi na lapee leekeme. Kutupa Tekehalima꞉ mo dipula da pa꞉ta꞉ hatuku epeeke pi la haleekeme. Kutupa Pidama꞉ alota꞉ Dia꞉mesi pa꞉ta꞉ make Ketiso kametiti pa꞉ta꞉ make do pi la hala꞉pa꞉peke leekeme. Kutupa mina꞉pa꞉lao pua da ma꞉nda꞉ pa꞉ta꞉ peekeme.

1 Kotindi 1:23

Kutu pelemepateta꞉ nikana꞉ma꞉ hande a꞉ka꞉tei wape piki tina꞉ Ketiso endiaemekeme laa pi walo haloma꞉me. Do waloma꞉ pina꞉ta꞉ mo Diu wanda꞉halima꞉ta꞉ ya handa꞉olu bepi pu halememe. Kutupa mo Kitiki wanda꞉halima꞉ta꞉ Pa ekie lo halememe.

1 Kotindi 9:4

I̱ta꞉ yaka ena꞉ yenkita꞉ mo ne ikali napekeeki ana꞉ na pa꞉la꞉pe.

Ka꞉leisia 1:19

Koto hata꞉ta꞉ I̱ma꞉ aposolo hali ma꞉nda꞉ na handoa꞉pate pa mo Tekehalina꞉ hameke Dia꞉mesi homeke handoa꞉me.

1 Pida 2:4

Tekehalita꞉ mo da꞉ta ula꞉ toopi pa꞉ta꞉ ipu hapa꞉peke. Wanda꞉halima꞉ta꞉ koto toopita꞉ pa alee hone wia kiao haemekeme. Koto pimikipate Koda꞉ma꞉ mo toopita꞉ ota꞉ epekeekie la ma̱leke liekeme.

Diudi 1:1

I̱ta꞉ Diudi Dia꞉mesina꞉ hameke hande Yesu Ketisona꞉ e pokaaso halima꞉ loa꞉me. I̱ma꞉ do tameiya꞉ta꞉ mo hande Koda꞉na꞉ wi la꞉la꞉eki opeleme wanda꞉hali iki pa꞉ta꞉ tapaasome. Dota꞉ mo hande Apa꞉ Koda꞉na꞉ pukima꞉ homa꞉la꞉eki oto pa꞉ta꞉ haleme make Yesu Ketisona꞉ handeteke hala꞉eki pa꞉ta꞉ haleme wanda꞉hali iki pa꞉ta꞉ loa꞉me.