Maka 5:7 - Panake Pi La: Ula: Buka pita: Kine Pieke Buka

⁷ Kutupa pi anekehapu alo hata꞉ alota꞉ Yesuo. Neketa꞉ ota꞉ oli Manda Hala꞉ Koda꞉ Tiekena꞉ Eiyekee leekeme. I̱ pa꞉ta꞉ eki puluekema꞉ a꞉pa pipe laa Koda꞉ma꞉ I̱ handolo haena꞉ neke pa꞉ta꞉ alo I̱ tanda tanda na peaapee leekeme.

Maka 5:7 ပူးပေါင်းရင်းမြစ်များ

Kini Pieke 3:15

Kutupa I̱ma꞉ neketa꞉ mo wanda꞉ yaapo a꞉nda꞉ tunkula꞉ alu peao ipika꞉ monduma꞉ monduma꞉ pilia꞉ wekiwandikima꞉ make naka꞉ ekima꞉ make a꞉nda꞉ tunkula꞉ alu alu pu haena꞉ lolueke. Ipikana꞉ma꞉ naka꞉ you da꞉ka꞉pa꞉ tombuaeya꞉ka꞉na꞉ta꞉ nakana꞉ma꞉ ipika꞉ anke kinuku handulu nelipikie leekeme.

Ma꞉tiu 16:16

Saimono Pidama꞉ hombo peaaso alota꞉ Neketa꞉ mo da꞉taa hao hala꞉ Koda꞉na꞉ Eiyeke Ketisoe leekeme.

Ma꞉tiu 26:63

Koto leekepate Yesuma꞉ pi na honda꞉ mea leke pa hayekeme. Koto ekina꞉ta꞉ mo yeni peao hayeke you halima꞉ ipiki pa꞉ta꞉ alota꞉ Mo deto hala꞉ Koda꞉na꞉ bikina꞉ hali keke pi alo hata꞉ nakana꞉ma꞉ niki pa꞉ta꞉ ota꞉ pi lapeke la alota꞉ Neketa꞉ mo hande Koda꞉na꞉ Eiyeke Ketisope a̱i̱ lakie leekeme.

Ma꞉tiu 4:3

Koto tea꞉ma꞉ homolo haena꞉ta꞉ Sadanima꞉ ipiki pa꞉ta꞉ a꞉pa alota꞉ Neketa꞉ ota꞉ Koda꞉na꞉ Eiyeke ya꞉ka꞉na꞉ta꞉ kota꞉ do toopimanu kone palaowa au lapeke leekeme.

Ma꞉tiu 8:29

Koto hali yaapoma꞉ Yesu handolo hata꞉ koto kone wi la alota꞉ Koda꞉na꞉ Eiyekeo. Niki pa꞉ta꞉ eki hau puluekema꞉ ipulipe laa Mo hande niki hoeyaalo pa꞉la꞉ nate a̱i̱ na epeke haena꞉ niki hoeyaaluekema꞉ a꞉pa pipe lemekeme.

Maka 1:24

Mo halima꞉ dupa e̱ wi leekeme. Yesuo. Na꞉sa꞉tete halio. Niki pa꞉ta꞉ eki puluekema꞉ a꞉pa pipe laa Neketa꞉ niki hoeyaaluekema꞉ a꞉pa pipe. Neketa꞉ handolome. Neketa꞉ Koda꞉ ipika꞉ yako piki halie leekeme.

Maka 14:61

Koto leekepate Yesuma꞉ pi na honda꞉ mea leke pa hayekeme. Kutupa yeni peao haemeke you haliwekina꞉ you halima꞉ ipiki pa꞉ta꞉ paa lota꞉ pea alota꞉ Neketa꞉ Ketiso ya꞉ka꞉ta꞉pe leekeme.

Maka 3:11

Kutupata꞉ weleke pa꞉ta꞉ hoke temoko pitieke wanda꞉halima꞉ Yesu handolo hata꞉ ipiki pa꞉ta꞉ panda꞉punialo ende pitolo hata꞉ hoke e̱ wi la꞉ paleke paleke pitolo hata꞉ dupa lemekeme. Neketa꞉ Koda꞉na꞉ Eiyekee lemekeme.

Maka 5:6

Kutupa ipikita꞉ papate hata꞉ Yesu hando haota꞉ a̱i̱ya pua ipiki pa꞉ta꞉ panda꞉ puniaeyekeme.

Maka 5:8

Yesuma꞉ amba꞉ kone ipiki pa꞉ta꞉ Hoke temokoo. Do hali mina꞉pa꞉lao pue leeke handaa mo halima꞉ koto leekeme.

Luku 1:32

Kutupa ipiki daeyaata꞉ hali tieke halieke. Kutupa ipikita꞉ Ota꞉ Manda Hala꞉ Koda꞉na꞉ Eiyeke lelimikie leekeme. Kutupa mo hande Tekehali Koda꞉ma꞉ ipika꞉ amba꞉ titina꞉ kini hali Deipidina꞉ kilu tombuao hayekeeki ipikana꞉ma꞉ mina꞉ lelieke.

Luku 4:34

Ae. Yesu Na꞉sa꞉tete da halio. Nakana꞉ma꞉ta꞉ niki ame̱le̱ eki puluekema꞉ a꞉pa pipa꞉ laata꞉ Neke epele ekita꞉ niki paeyao mea hoeyaaluekema꞉ a꞉pa pipe. Neketa꞉ I̱ma꞉ hone witolome. Neketa꞉ Koda꞉ma꞉ tapaeya꞉ yako piki hali ya꞉ka꞉ta꞉me leekeme.

Luku 6:35

Dia꞉me. Ika꞉ a꞉nda꞉ tunkuliki wanda꞉hali pa꞉ta꞉ pukima꞉ homa iki pa꞉ta꞉ epeke hau homeke pu hapa꞉peke. Ikana꞉ma꞉ wanda꞉hali ma꞉nda꞉ pa꞉ta꞉ ala꞉ta꞉ ma꞉nda꞉ tondiki halemeka꞉na꞉ta꞉ paa muluekema꞉ hone na u hapa꞉peke. Kutu pu haemeka꞉na꞉ta꞉ ika꞉ yenki aneke hapu meata꞉ oli Koda꞉ Manda Hala꞉ Tiekena꞉ eiyeke titi halimikie. Ekipeke Koda꞉ma꞉ta꞉ mo ipika꞉ epeke haumanu pita꞉la꞉ ekina꞉ ta꞉na꞉e pi na lo haleme wanda꞉hali make mo hoke haumanu wotu pu haleme wanda꞉hali pa꞉ta꞉ make epeke hau pu hala꞉me.

Luku 8:28

Ipikana꞉ma꞉ Yesu handaata꞉ wi tieke alo hata꞉ Yesuna꞉ anke pa꞉ta꞉ handa꞉niao kenkena꞉ tu lopaata꞉ wi anekema꞉ pa alo alota꞉ Yesuo. Neketa꞉ Koda꞉ Manda Hala꞉ Tiekena꞉ Eiyekee. Nakana꞉ma꞉ I̱ yaapo eki hau puluekema꞉ pitelepe. Nakana꞉ma꞉ I̱ pa꞉ta꞉ tanda na kia꞉pee laa honke leekeme.

Dioni 20:31

Kutu pa꞉la꞉pate ikana꞉ma꞉ Yesuta꞉ mo Ketiso make Koda꞉ ipika꞉ Eiyeke make hala꞉me laa ipiki pa꞉ta꞉ hone tulao hata꞉ ipika꞉ bikina꞉ da꞉ta꞉la꞉eki muemena꞉yeke do ekimanu do bukana꞉ wape pea ula꞉me.

Aposolo 16:17

Kutupa Polo nika꞉ hoke nanema꞉ teli mea ipulu hata꞉ wi la꞉tiki pea alota꞉ Do haliwekita꞉ ota꞉ oli manda hala꞉ Koda꞉ tieke ipika꞉ e pokaaseme haliweki hata꞉ mo hande deto hala꞉ pota꞉ iki walelememe lea꞉me.

Aposolo 19:13

Kutupa mandane pomuolo hata꞉ mo wanda꞉halina꞉ weleke pa꞉ta꞉ pitieke hoke temoko tolu haemeke Diu haliwekima꞉ta꞉ Yesuna꞉ bikima꞉ koto hau puluekema꞉ taapemekeme. Ikana꞉ma꞉ mandane hoke temokomanu pa꞉ta꞉ alota꞉ Poloma꞉ wala꞉la꞉ hali Yesuna꞉ bikina꞉ neke aloma꞉ma꞉ yopuma lemekeme.

Aposolo 8:36

Ameta꞉ mo pota꞉ hokuluna꞉ pu hao ikali pa꞉ta꞉ opolo pua kutupa mo yuniki halima꞉ alota꞉ Handa꞉e. Ikali doe leekeme. Epima꞉ ya bapitaisi pulu poloeki sa꞉sa꞉ piliepe leekeme.

Loma꞉ 16:20

Kutu pimika꞉na꞉ta꞉ hande puki lopa꞉niaasa꞉ ekina꞉ teke hali Koda꞉ma꞉ mo Sadanita꞉ ika꞉ anke teke pa꞉ta꞉ lu tombualo pa꞉la꞉ ekita꞉ teke pa꞉ta꞉ ya꞉la꞉me. Tekehali Yesu ipika꞉ pa hameke a꞉ta꞉ma꞉ homa꞉la꞉eki iki ame̱le̱ pitina꞉ lena꞉e alome.

Hibulu 2:14

Ipikana꞉ma꞉ Mo wekiwandikie lea꞉ wanda꞉halita꞉ kenke loke hake wanda꞉hali haemeke yeke handaata꞉ ipiki make ika꞉ loke mea kenke hali leke hayekeme. Koto loke mea ipika꞉ homeeke ekima꞉ta꞉ mo hande homa꞉la꞉ ekina꞉ wele handeteke hala꞉ hali Sadani bepolaluekema꞉ yeke piekeme.

Hibulu 7:1

Do Melekisedeketa꞉ Seileme dana꞉ kini hali hayekeme. Kutaa make mo hande manda hala꞉ Koda꞉ pa꞉ta꞉ wanda꞉halina꞉ pi lawaasa꞉ hali hayekeme. Mo hande Eipoloha꞉ma꞉ma꞉ mo hande kini hali tonkopu ame̱le̱ a꞉nda꞉ pea bepolao da la꞉ka꞉la pulu haena꞉ do Melekisedekema꞉ manda꞉ hande peaata꞉ ipika꞉ epeaasa꞉ pima꞉ Eipoloha꞉ma꞉ wamo piekeme.

Dia꞉mesi 2:19

Naka꞉ hone tulale ekita꞉ dupae. Koda꞉ homeke hala꞉me ale ekita꞉ epeke alepate pa mo hande hoke temoko manuma꞉ make koto lo halemepateta꞉ pututuma꞉ homolo hata꞉ lo halememe.

2 Pida 2:4

Koda꞉ma꞉ta꞉ mo hoke hau pieke enisolo manuna꞉ yenkita꞉ pa na mina꞉pa꞉lae yekepate ikita꞉ oni ti uleke pa꞉ta꞉ hoto paeyao seni puma꞉ tonkao timba꞉ la꞉papeke pa꞉ta꞉ haena꞉ la꞉la꞉me. Koto pa꞉ta꞉ta꞉ iki pi yokaalu pulu peleme nate yu wia haena꞉ la꞉la꞉me.

1 Dioni 3:8

Pate ma꞉nda꞉ epima꞉ hoke hau pa putia pea꞉ka꞉na꞉ta꞉ koto someta꞉ mo Hoke Temokona꞉eki hala꞉me. Pa ekipeke mo Hoke Temokoma꞉ta꞉ kini pitolo kone hoke hau pa꞉leke loa꞉me. Mo Koda꞉na꞉ Eiyeke opolo a꞉pa꞉la꞉ ekita꞉ ota꞉ doeki tekena꞉ pa꞉la꞉me. Mo Hoke Temokoma꞉ pa꞉la꞉eki hoeyaaluekema꞉ pa꞉la꞉me.

Diudi 1:6

Kutupa make mo hande enisolo manuma꞉ta꞉ ika꞉ ota꞉ epeke tupa꞉ handeteke haemekeeki pa꞉ta꞉ na hake ika꞉ epeke da hoki walemekeeki hone wipee. Ikita꞉ oni oto nane timba꞉ la꞉papeke pa꞉ta꞉ ota꞉ na paeke pa u halo pa꞉la꞉ senipu manuma꞉ hotaala꞉me. Koda꞉ma꞉ ikita꞉ mo hande Aneke natena꞉ pi yokaalu pina꞉yeke yu wia haena꞉ la꞉la꞉me hone wipee.

Peneme Yaeyekeeki 12:12

Koto ekina꞉ta꞉ oli hepeni make koto pa꞉ta꞉ haleme wanda꞉halio paeyao ta꞉na꞉ma꞉ homa꞉pee. Pate oni dawala pita꞉ kenke yaapota꞉ paala꞉e. Pa ekipeke hande Sadanita꞉ iki pa꞉ta꞉ a꞉pa꞉la꞉me. Kutupa ipikita꞉ hosiki nate lekesiki homeke ula꞉me hone witolo hata꞉ ota꞉ hoke mineke panka꞉la꞉me.