Maka 5:34 - Panake Pi La: Ula: Buka pita: Kine Pieke Buka

³⁴ Yesuma꞉ ipiki pa꞉ta꞉ alota꞉ Ya wandikio. I̱ pa꞉ta꞉ hone tulaase ekima꞉ tiaaseme. Puki lopaniao pua꞉peke. Naka꞉ yeni paeya꞉me leekeme.

Maka 5:34 ပူးပေါင်းရင်းမြစ်များ

Ma꞉tiu 9:2

Kutu pieketa꞉ mandane wanda꞉halima꞉ dola꞉pake piki hali homeke ipiki pa꞉ta꞉ tilina꞉ mea tia epemekeme. Yesuma꞉ ika꞉ hone tulaemekeeki handaa mo dola꞉pake piki hali handolo alota꞉ Apa꞉ma꞉ta꞉ epolo pila꞉taa. Naka꞉ hoke hauta꞉ pa paeyaasome leekeme.

Ma꞉tiu 9:22

Yesuma꞉ la꞉ka꞉la꞉moneao ipiki handolo alota꞉ Naka꞉ hone tulaale ekima꞉ neke epeleme leekeme. Koto leeke pa꞉ta꞉ koto kone mo wanda꞉na꞉ yeni paeyao epea hayekeme.

Maka 10:52

Yesuma꞉ ipiki pa꞉ta꞉ alota꞉ Neke pue. Naka꞉ hone tulaasa꞉ ekima꞉ epeaasa꞉me leekeme. Kutupa koto kone ipika꞉ leke yaapo epeeketa꞉ Yesuna꞉ hoki nane teli mea peekeme.

Maka 3:10

Pa ekipeke Yesuma꞉ wanda꞉hali wopu epeaeyeke handaata꞉ mo yeni pambemeke wanda꞉hali paeyaoma꞉ Yesu wataaluekema꞉ pasa꞉tei pimikime.

Maka 5:29

Kutupa koto kone we yopu hayekeeki tunkula ipika꞉ honema꞉ hone witolo hata꞉ta꞉ hande yeni paeya꞉me. Ameta꞉ tiaasome hone wiekeme.

Maka 5:33

Mo wanda꞉ma꞉ ipiki epeaeyekeeki hone witolo hata꞉ paala꞉ma꞉ homolo hata꞉ putu putu lutiki a꞉pa Yesuna꞉ anke pa꞉ta꞉ panda꞉puniaeyekeme. Kutupa Yesu pa꞉ta꞉ ota꞉ ekimanu pi peneme yao laata꞉ hande alemanu la haleekeme.

Luku 17:19

laata꞉ Yesuma꞉ mo hali pa꞉ta꞉ alota꞉ Naka꞉ hone tulale ekima꞉ neke mea epeaala꞉me. Tiao pue leekeme.

Luku 18:42

Yesuma꞉ mo hali pa꞉ta꞉ alota꞉ A꞉pa꞉la꞉me. Handa꞉e. Naka꞉ hone tulale ekima꞉ neke epeaala꞉me.

Luku 7:50

Koto leekepate Yesuma꞉ mo wanda꞉ pa꞉ta꞉ alota꞉ Naka꞉ hone tulale ekima꞉ta꞉ neke pa꞉ta꞉la꞉la꞉me. Puki lopao pue leekeme.

Luku 8:48

Koto ekina꞉ta꞉ Yesuma꞉ mo wanda꞉ pa꞉ta꞉ alota꞉ Ya wandikio. Naka꞉ hone tulale ekima꞉ naka꞉ yeni ame do kone mea epeaasa꞉me. Puki lopao pue leekeme.

Aposolo 14:9

Ipikana꞉ma꞉ Poloma꞉ pi alo haena꞉ pi opiekeme. Kutupa Poloma꞉ ipiki pa꞉ta꞉ wotu handaata꞉ Do halita꞉ Koda꞉ma꞉ epeaena꞉yeke hone tulaapeke ya꞉la꞉me hone witolo hata꞉

Aposolo 15:33

Kutupa koto pa꞉ta꞉ hosiki hao hatiki pipikita꞉ mo Ketiso haliwekima꞉ hande titina꞉ amba꞉ kone tapaemeke haliweki pa꞉ta꞉ epeke tupa꞉ hata꞉ paa tapaemekeme.

Aposolo 16:36

Koto leeke ekina꞉ mo dipula handeteke hayeke halima꞉ koto pita꞉ Polo pa꞉ta꞉ alota꞉ Mo pi yokaalu peao haleme haliwekima꞉ I̱ pa꞉ta꞉ pi dupa la꞉neala꞉me. Koto hali yaapota꞉ pa pena꞉ tapae la꞉neala꞉me leekeme. Koto la꞉la꞉ ekina꞉ ipilikita꞉ do dipula da pao yopu pupe laa leekeme.

Dia꞉mesi 2:16

kutupa nakana꞉ma꞉ ipiki pa꞉ta꞉ pi alo hata꞉ Keiyae. A꞉pa꞉la꞉me. Naka꞉ loke titipu pina꞉ dau yama ne make naa da polena꞉e leka꞉na꞉ta꞉ ipika꞉ mea꞉peke ya꞉la꞉ ekimanu na haleke pa pi homeke leka꞉na꞉ta꞉ kota꞉ epeke ekita꞉ ekipa pilipikipe.