Maka 5:23 - Panake Pi La: Ula: Buka pita: Kine Pieke Buka

²³ Ya wandikisiki ota꞉ homuluekema꞉ taapolo pila꞉me leekeme. Tiao haena꞉yeke nakana꞉ma꞉ a꞉pa naka꞉ kikima꞉ ipiki wataapeke leekeme.

Maka 5:23 ပူးပေါင်းရင်းမြစ်များ

Ma꞉tiu 8:3

Koto leeke Yesuma꞉ ipika꞉ kiki tindipao wataaso hata꞉ alota꞉ Aowe. I̱ hone pa꞉la꞉me. Naka꞉ kindi yenita꞉ epeao epeke loke halena꞉ alome leekeme. Koto leeke tomona꞉ kota꞉ mo somena꞉ kindi yenita꞉ hapua mateekeme.

Maka 16:18

Hoke ketomanu kikima꞉ minilimikie. Hali homaasa꞉ ikali nemeka꞉na꞉ta꞉ na homilimikie. Yeni haaseme wanda꞉halina꞉ ika꞉ kiki wimika꞉na꞉ta꞉ koto wanda꞉hali tiaalimikie leekeme.

Maka 5:24

Kutupa Yesu Diaitusi yaapo pepekeme. Wanda꞉hali wopu Yesu ame̱le̱ pulu hata꞉ pendila pendila putia pemekeme.

Maka 6:13

hoke temokomanu wopu tolu liaata꞉ yeni haemeke wanda꞉hali wopuna꞉ youna꞉ honkuma꞉ handeke ale lekeeki holaota꞉ tandelena꞉ peaemekeme.

Maka 7:32

Koto pa꞉ta꞉ wanda꞉halima꞉ mo pi na opu na lo pieke hali homeke Yesu pa꞉ta꞉ hatuku epemekeme. Yesuma꞉ ipika꞉ kikima꞉ mo halina꞉ loke wataena꞉yeke honke lemekeme.

Maka 8:23

Yesuma꞉ mo hande leke holupiki halina꞉ kiki minaata꞉ da mina꞉pa꞉lao mo pate leke hatuku peekeme. Hatuku pua ipika꞉ leke pa꞉ta꞉ dopi taata꞉ ipika꞉ kiki yaapoma꞉ mo halina꞉ lokena꞉ kiki tapopao lota꞉ pitolo hata꞉ alota꞉ Ala꞉ta꞉ ma꞉nda꞉ handelepe leekeme.

Luku 13:13

Koto laa Yesuma꞉ ipika꞉ kiki mo wanda꞉na꞉ loke manda wieke dina꞉ koto kone ipikana꞉ma꞉ ipika꞉ hoki tindi paeyekeme. Koto ekina꞉ta꞉ Koda꞉na꞉ biki mea miniliaeyekeme.

Luku 4:38

Yesu mo Koda꞉na꞉ pi hotu haemeke da mina꞉pa꞉laota꞉ Saimonona꞉ da pa꞉ta꞉ peekeme. Saimonona꞉ meiyeke wanda꞉ta꞉ titipu yeni tiekema꞉ homa꞉pa wieke handaa ikana꞉ma꞉ Yesu pa꞉ta꞉ mo wanda꞉na꞉ yeni hayeke tupa꞉ la halemekeme.

Luku 4:40

Nate amba꞉ pambeeke hoki naneta꞉ wanda꞉halima꞉ ika꞉ yankeke sunu ane mone yeni manuma꞉ homa꞉pa wia꞉tiki pimiki yeke handaa Yesu teke pa꞉ta꞉ mea epemeke handaa ipikana꞉ma꞉ ipika꞉ kiki iki manda wia꞉tiki pieke handaa paeyao mea epeatiki piekeme.

Luku 7:12

Ipiki pua mo teke da anekena꞉ wieke daoni pota꞉ kake pa꞉ta꞉ opolo polueke alo pulu haena꞉ mandane haliwekima꞉ mo homeeke hali toko mea hoilu poluekema꞉ yeke tia ipulu pitimikime. Mo homeeke halita꞉ kineke wanda꞉ siki ma꞉nda꞉na꞉ ota꞉ homeke weki siki yeekeme. Mo teke da aneke pa꞉ta꞉ haemeke wanda꞉hali woputa꞉ mo kineke wanda꞉ siki ame̱le̱ ipulu pitimikime.

Dioni 11:3

Koto ekina꞉ mo hakila꞉ma꞉ Yesu pa꞉ta꞉ pi tapaaso alota꞉ Tekehalio. Naka꞉ yankeketa꞉ yeni hao ula꞉me laa tapaepekeme.

Aposolo 28:8

Ipika꞉ ateketa꞉ ki yeni tiputu hatu yamaasa꞉ yeni make hao homa꞉pa wia꞉me. Kutupa Poloma꞉ ipika꞉ da panda꞉ pa꞉ta꞉ pua Koda꞉ pa꞉ta꞉ yeni pea ipika꞉ kiki yaapo mo halina꞉ lokena꞉ wia yeni tandelaeya꞉me.

Aposolo 6:6

Do haliwekita꞉ hatuku pua mo aposolo haliwekina꞉ leke popelekena꞉ a꞉pa yeni pitolo hata꞉ ika꞉ kiki mo haliwekina꞉ youna꞉ wimikime.

Aposolo 8:17

Pida Dioni yaapoma꞉ ipilika꞉ kiki mo wanda꞉halina꞉ youna꞉ wia hata꞉ yeni pipiki handa Holi Sipitidita꞉ mo wanda꞉halina꞉ weleke pa꞉ta꞉ a꞉pa pitiekeme.

Aposolo 9:12

Kutupa ipikana꞉ma꞉ hali ma꞉nda꞉ biki A꞉na꞉naisi a꞉pa ipika꞉ kiki yaka youna꞉ a꞉pa wia꞉ka꞉na꞉ ya leke ki leliekee laa amba꞉ handea꞉me leekeme.

Aposolo 9:17

Koto ekina꞉ A꞉na꞉naisi pua da pa꞉ta꞉ opolo peekeme. Kutupa ipika꞉ kiki Solona꞉ youna꞉ pua witolo hata꞉ alota꞉ Solo ya kameo. Tekehali Yesu mo pota꞉na꞉ ipulu halena꞉ epeeke hande Yesuma꞉ naka꞉ leke paa kilao Holi Sipitidima꞉ tumba halena꞉ yeke I̱ tapaeya꞉me leekeme.