Maka 5:2 - Panake Pi La: Ula: Buka pita: Kine Pieke Buka

^2-3 Kutupa koto kone mo kawaso mina꞉pa꞉lao puaata꞉ weleke pa꞉ta꞉ hoke temoko pitieke hali ma꞉nda꞉ manda꞉ hande piekeme. Mo halita꞉ hali holiki u hayeke tikene da pa꞉ta꞉manu hao opolo a꞉pa Yesu manda꞉ hande pipikime. Hande halita꞉ koto tikena꞉ da pa꞉ta꞉manu hao hayekeme. Hali ma꞉nda꞉ma꞉ seni puma꞉ kone ipiki pa tonkaapeke na yeekeme.

Maka 5:2 ပူးပေါင်းရင်းမြစ်များ

Maka 1:23

Koto kone pi hotu haemeke da pa꞉ta꞉ hali ma꞉nda꞉ a꞉pa hayekepate ipika꞉ weleke pa꞉ta꞉ hoke temoko pitiekeme.

Maka 1:26

Koto leeke handaa hoke temokoma꞉ hoke e̱ wi la꞉ paleke mo hali mea putuputu liaaso hata꞉ mina꞉pa꞉lao opolu baeyekeme.

Maka 3:30

Mo haliwekima꞉ Yesu ipika꞉ lokena꞉ hoke temoko talolo pa꞉la꞉me laa lemeke handaata꞉ koto pimanu Yesuma꞉ leekeme.

Maka 3:9

Kutupata꞉ Yesuma꞉ ipika꞉ disaipolo haliweki pa꞉ta꞉ alota꞉ Mo wanda꞉hali wopu ya꞉leke I̱ pendila pendila peaama꞉na꞉ kawaso homeke ma꞉nda꞉ mea a꞉pa endi baape leekeme.

Maka 4:1

Mo hande ikali leke tea꞉na꞉ hata꞉ Yesuma꞉ pi pa waleekeme. Wanda꞉hali wopu a꞉pa ipiki pa꞉ta꞉ mombelemekeme. Koto ekina꞉ wanda꞉hali paeyao ikali tea꞉na꞉ haena꞉ Yesuta꞉ ikali pa꞉ta꞉ wieke palai kawaso homekena꞉ pua pitiekeme.

Maka 4:36

Kutupa wanda꞉hali mina꞉pa꞉lao Yesuta꞉ mo kawaso pa꞉ta꞉ pitieke tupa꞉ pita꞉ pelia haena꞉ haliwekima꞉ mea pemekeme. Kawaso mandane ekimanu make tonka꞉na꞉ apa꞉tao pemekeme.

Maka 5:21

Yesu mo kawasona꞉ pita mone tea꞉na꞉ paa la꞉ka꞉la peeketa꞉ wanda꞉hali wopu ipiki pa꞉ta꞉ a꞉pa mombelemekeme. Ipikita꞉ tunkulu pa ula꞉ ikali tea꞉na꞉ haena꞉ mombelemekeme.

Maka 5:8

Yesuma꞉ amba꞉ kone ipiki pa꞉ta꞉ Hoke temokoo. Do hali mina꞉pa꞉lao pue leeke handaa mo halima꞉ koto leekeme.

Maka 7:25

Koto kone wanda꞉ ma꞉nda꞉ma꞉ Yesuna꞉ pieke haumanu opuaata꞉ Yesu pa꞉ta꞉ a꞉pa ipika꞉ anke pa꞉ta꞉ panda꞉ puniaeyekeme. Koto wanda꞉na꞉ wandikita꞉ weleke pa꞉ta꞉ hoke temoko pitieke handaata꞉ piekeme.

Luku 8:27

Yesuma꞉ mo kawaso mina꞉pa꞉lao mo ikali tea꞉na꞉ pulu haena꞉ta꞉ mo hoke temokomanu pitiki hali ma꞉nda꞉ mo daoni ma꞉nda꞉ pa꞉ta꞉ hao ipiki manda꞉hande pipikime. Ota꞉ amba꞉ hande hatiki a꞉paata꞉ ame make mo someta꞉ aka꞉ na yameke make da pa꞉ta꞉ na hao polu make ipikita꞉ mo homo hayeke haliweki u haemeke tikene da pa꞉ta꞉manu hao hayekeme.

Luku 9:42

Mo weki ipulu haena꞉ta꞉ mo hande hoke temokoma꞉ mo weki kenkena꞉ mea lopao lu keayekeme. Yesuma꞉ mo hoke temoko hando laata꞉ mo weki mea epeao ipika꞉ ateke pa꞉ta꞉ paa hala꞉ moneayekeme.