Maka 4:16 - Panake Pi La: Ula: Buka pita: Kine Pieke Buka

^16-17 Mandane wanda꞉halita꞉ toopi manda taleeke kenke sikina꞉ lopa꞉niaasa꞉ wae ale manuma꞉ handelememe. Pi opuelemepate koto kone ta꞉na꞉ma꞉ homolo hata꞉ minelemepate wopu na mendiaake hosiki hao kutupa ka꞉nda꞉ma꞉ homa꞉la꞉eki make a꞉nda꞉ lita꞉la꞉eki make koto pi alena꞉ epea꞉ka꞉na꞉ta꞉ koto kone lopo halememe leekeme.

Maka 4:16 ပူးပေါင်းရင်းမြစ်များ

Ma꞉tiu 13:5

Kutaata꞉ mandane wae manuta꞉ toopimanu manda taleeke kenke sikina꞉ lopeekeme. Mo kenketa꞉ aneke na wiekeeki yaalo mo wae sunuta꞉ koto kone opeekepate ika꞉ piki onina꞉ toluma꞉ wopu na puayeke ekina꞉

Maka 4:15

Mo hande pota꞉na꞉ haleme wanda꞉hali pa꞉ta꞉ pi alemanu lopa꞉ lopa꞉ pu hala꞉me. Kutupa opitolo haena꞉ kone mo tandeleeke pi ale manuta꞉ Sadanima꞉ koto kone a꞉pa yoka꞉ mea pu hala꞉me.

Maka 6:20

Hetodima꞉ta꞉ Dionina꞉ tiki tiki hau pu hayekeeki make yako piki hali make handeeke handaata꞉ ipiki pa꞉ta꞉ paala꞉ma꞉ homolo hata꞉ panka mea hao hayekeme. Dionima꞉ wala꞉tiki pieke pimanu Hetodima꞉ opua weiya꞉tiki piekepate ta꞉na꞉ma꞉ homa opua꞉tiki piekeme.

Luku 8:13

Mo toopi panka꞉ panka꞉ pa꞉la꞉ kenkena꞉ lopa꞉la꞉ wae ale manuta꞉ wanda꞉hali ma꞉nda꞉ma꞉ Koda꞉na꞉ pi opua ta꞉na꞉ma꞉ homolo hata꞉ mina꞉lemepate ota꞉ wopu na mendiki hosiki haota꞉ mo la handa꞉la꞉ ekimanu ipula꞉ dina꞉ta꞉ paa lopo halememe.

Dioni 5:35

Dionita꞉ hande ola꞉pake tupa꞉ ka꞉wa endialeke handaa pa̱a̱ wopu pu haya꞉me. Koto ekina꞉ ipika꞉ pa̱a̱ pa꞉la꞉eki pa꞉ta꞉ hosiki haluekema꞉ ikana꞉ma꞉ hone pia꞉me.

Aposolo 26:28

Kutupa Akatipama꞉ Polo pa꞉ta꞉ alota꞉ Naka꞉ honema꞉ta꞉ I̱ta꞉ paa koto kone Ketiso hali hanoyeke alepe laa leekeme.

Aposolo 8:13

Kutupa Saimono make Koda꞉na꞉ pi minolo haena꞉ ipiki bapitaisi peaeyekeme. Kutupa Saimonota꞉ Pilipi yaapo hata꞉ mo wele pita꞉la꞉ ekimanu make na hando haemeke ekimanu make hando haota꞉ leke opa꞉ mina꞉ bepi piekeme.