Maka 4:11 - Panake Pi La: Ula: Buka pita: Kine Pieke Buka

¹¹ Ipikana꞉ma꞉ iki pa꞉ta꞉ alota꞉ Ikana꞉ma꞉ Koda꞉na꞉ Kilu Tombuao Hala꞉eki a꞉mbaala꞉ ekimanu handilimikie. Pate pa hao haleme wanda꞉hali pa꞉ta꞉ta꞉ onkoluma꞉ ala꞉ ekimanu homeke opilimikie.

Maka 4:11 ပူးပေါင်းရင်းမြစ်များ

Ma꞉tiu 11:25

Koto toma꞉na꞉ Yesuma꞉ Koda꞉ pa꞉ta꞉ alota꞉ Apa꞉o. Neketa꞉ do kenke oli hepeni yaapona꞉ Tekehalio. Keiyae tieke aloe. Pa ekipeke. Nakana꞉ma꞉ mo hande handa꞉wiki wanda꞉hali pa꞉ta꞉ a꞉mbao wina꞉ le hau manuta꞉ pa mo hone wopu na wiki wanda꞉hali pa꞉ta꞉ peneme yaaleme.

Ma꞉tiu 13:16

Amba꞉ta꞉ Aisayama꞉ kutu piki pi leekepate ameta꞉ I̱ma꞉ iki pa꞉ta꞉ dupa alome. Ikana꞉ma꞉ ta꞉na꞉ma꞉ homo hapa꞉peke. Pa ekipeke. Ika꞉ lekema꞉ta꞉ ala꞉ta꞉ ala꞉ta꞉ handa꞉pa꞉peke yo make ika꞉ katakema꞉ pi epeke opu pia꞉peke ya꞉la꞉me.

Ma꞉tiu 16:17

Yesuma꞉ ipiki pa꞉ta꞉ alota꞉ Saimono Dionina꞉ eiyekeo. Nakana꞉ma꞉ta꞉ epeke tupa꞉ hombo peaeme. Pa ekipeke do ota꞉ tikitikina꞉ hombo peae ekita꞉ hali ma꞉nda꞉ma꞉ na la kia꞉pate ya hepeni hala꞉ Apa꞉ma꞉ neke pa꞉ta꞉ tiki tiki kia꞉me.

Maka 3:23

Koto ekina꞉ Yesuma꞉ mo haliweki ipiki pa꞉ta꞉ epena꞉ laa iki pa꞉ta꞉ onkoluma꞉ laa alota꞉ Sadanima꞉ ipiki kone ekipa teliepe leekeme.

Maka 4:10

Ipika꞉ honu make haena꞉ wanda꞉hali pemeke naneta꞉ ipiki teke pa꞉ta꞉ haemeke wanda꞉halima꞉ hande 12 haliweki ame̱le̱ make Yesu pa꞉ta꞉ ipika꞉ onkoluma꞉ leeke ekina꞉ lota꞉ pimikime.

Maka 4:2

Kutupa ipikana꞉ma꞉ iki pa꞉ta꞉ onkoluma꞉ laa pimanu wotu waleekeme. Pi walolo hata꞉ alota꞉

Luku 8:10

Ipikana꞉ma꞉ ika꞉ pi hombo peaaso hata꞉ alota꞉ Koda꞉na꞉ Kilu Tombuao Hala꞉ ekina꞉ a꞉mbaala꞉eki manuta꞉ iki pa꞉ta꞉ amba꞉ wala꞉la꞉me. Pate mo mandane wanda꞉hali pa꞉ta꞉ta꞉ onkoluma꞉ pi homekema꞉ la halolome. Pa ekipeke. Ikana꞉ma꞉ handolo pelemepate na handena꞉ opulu pelemepate hone na wina꞉e leekeme.

1 Kotindi 4:7

Neketa꞉ wanda꞉hali ankulao tieke halena꞉ epima꞉ mea haena꞉ la꞉la꞉pe. Naka꞉ wia haleeki paeyaota꞉ Koda꞉ma꞉ na kia꞉pe. Koto pa꞉la꞉eki ya꞉ka꞉na꞉ta꞉ kota꞉ nakana꞉ma꞉ta꞉ ya kone poloma꞉ ala꞉ halima꞉ laata꞉ naka꞉ biki kone ekipeke mea a꞉meiyaasepe.

2 Kotindi 4:6

Mo amba꞉ hande Koda꞉ma꞉ alota꞉ Mo timba꞉ la꞉ pamba꞉la꞉ pa꞉ta꞉ta꞉ mo pa̱a̱ pa꞉la꞉ ekima꞉ pa̱a̱ pina꞉e leeke homeke Koda꞉ma꞉ kone mo pa̱a̱ta꞉ nika꞉ pukina꞉ pa̱a̱ peaya꞉me. Kota꞉ pa꞉la꞉ ekita꞉ Koda꞉ma꞉ ipika꞉ pa̱a̱ta꞉ Ketisona꞉ leke popelekena꞉ nikana꞉ma꞉ hone wiomonoyeke pa̱a̱ peaala꞉me.

Epesese 1:9

amba꞉ ipikana꞉ma꞉ do hau pulueke hone wiekeeki pa꞉la꞉me. Kutupata꞉ hande amba꞉ ipika꞉ a꞉mbao wieke honeta꞉ Ketisoma꞉ yaena꞉yeke koto make ame niki pa꞉ta꞉ peneme yaala꞉me.

Kolosi 4:5

Mo hone na tulaaleme wanda꞉hali pa꞉ta꞉ta꞉ ika꞉ piteleme hau manuta꞉ hone wopu u lenkena꞉ pea pea꞉pa꞉peke. Iki pa꞉ta꞉ waleke wita꞉la꞉eki paeyao epea꞉ka꞉na꞉ta꞉ iki na pakalaena꞉ leke epeke tupa꞉ mina꞉pa꞉peke.

1 Desalonaika 4:12

Kutu pu haemeka꞉na꞉ta꞉ mo pi na miki wanda꞉halima꞉ handolo hata꞉ iki pa꞉ta꞉ epeke hone wilimikie. Kutupa make ma꞉nda꞉ma꞉ peaena꞉e hone na wiki ika꞉ honumake kone handeteke hapeke yelieke.

1 Timodi 3:7

Ipikita꞉ mo Ketiso na haleme wanda꞉halima꞉ kone ipika꞉ pi laalimikie. Kutu pilie ekima꞉ta꞉ ipika꞉ biki na hoeyaaso haena꞉ mo hande Sadanima꞉ hona꞉maasa꞉ ale pa꞉ta꞉ na lopilieke.

1 Dioni 5:20

Nika꞉ hone uluma꞉ ekita꞉ mo Koda꞉na꞉ Eiyeketa꞉ niki hone lenkipa wita꞉la꞉eki kulu a꞉pa꞉la꞉me. Pa ekipeke nikana꞉ma꞉ mo ota꞉ Koda꞉ hone ulu poloma꞉ tupa꞉ pa꞉la꞉me. Ipiki ame̱le̱ hone homeke witolo hata꞉ pa ipika꞉ Eiyeke Yesu Ketiso kone hone homeke wia haloma꞉me. Ipikita꞉ mo ota꞉ Koda꞉e. Kutupa ipikita꞉ deto hala꞉ ekina꞉ tekee.